Mpitsara 9:57 - DIEM PROTESTANTA

⁵⁷ Novalian’Andriamanitra toy izany koa ny mponin’i Sekema ka natsingeriny teo an-dohany ny ratsy rehetra nataony, ary tanteraka taminy ireo ozona nambaran’i Jôtama, zanakalahin’i Jerobahala.

Baiboly Protestanta Malagasy 2011

⁵⁷ Ny ratsy rehetra nataon’ny mponina tao Sekema dia natsingerin’Andriamanitra tamin’ireo lehibeny avokoa ka nihatra taminy ilay ozona nataon’i Jotama, zanak’i Jerobaala.

Dikateny Iombonana Eto Madagasikara

⁵⁷ Novalian’Andriamanitra toy izany koa ny mponin’i Sekema ka natsingeriny teo an-dohany ny ratsy rehetra nataony, ary tanteraka taminy ireo ozona nambaran’i Jôtama, zanakalahin’i Jerobahala.

Baiboly Katolika

⁵⁷ ary nampianjeran’Andriamanitra tamin’ny lohan’ny mponina tao Sikema, ny haratsiany rehetra. Izany no niharan’ny ozona nataon’i Joatama zanak’i Jerobaala tamin’izy ireo.

Baiboly Protestanta Malagasy

⁵⁷ Ary ny ratsy rehetra nataon’ny mponina tao Sekema dia natsingerin’Andriamanitra tamin’ny lohany avokoa, ka dia nihatra taminy ilay fanozonana nataon’i Jotama, zanak’i Jerobala.

Malagasy Bible

⁵⁷ Ary ny ratsy rehetra nataon'ny mponina tao Sekema dia natsingerin'Andriamanitra tamin'ny lohany avokoa, ka dia nihatra taminy ilay fanozonana nataon'i Jotama, zanak'i Jerobala.

La Bible en Malgache

⁵⁷ Ny ratsy rehetra nataon’ny mponina tao Sekema dia natsingerin’Andriamanitra tamin’ireo lehibeny avokoa ka nihatra taminy ilay ozona nataon’i Jotama, zanak’i Jerobaala.

Mpitsara 9:57 Rohy Ifampitohizana

2Samoela 3:39

Fa izaho, na dia mpanjaka efa voahosotra aza, dia mahatsiaro ny tenako ho mbola malemy ankehitriny; ary ireo zanakalahin’i Tseroià ireo dia mahery setra loatra miohatra amiko. Ny TOMPO anie hanafay azy araka ny ratsy nataony.

1Mpanjaka 16:34

Tamin’ny andro nanjakàn’i Ahaba no nanorenan’i Hiela avy any Betela an’i Jerikao; ka ny ain’i Abirama lahimatoany no sandan’ny nametrahany ny fototra, ary ny ain’i Segoba faralahiny no sandan’ny nametrahany ny vavahady, araka ny teny izay nolazain’ny TOMPO tamin’ny alalan’i Josoa zanakalahin’i Nona.

1Mpanjaka 2:32

Hataon’ny TOMPO manody an’i Jôaba anie izany, satria olona roa tsy manan-tsiny akory sady tsara fanahy noho izy no nasiany tamin’ny sabatra ka maty, dia i Abinera zanakalahin’i Nera sady filohan-tafik’i Israely sy i Hamasà zanakalahin’i Jetera sady filohan-tafik’i Joda, nefa i Davida raiko tsy mba nahafantatra izany.

Salamo 7:17

Ny loza nomaniny dia mitsingerina eo an-dohany; ary ny herisetra notetehiny dia miantonta eo an-tampon-dohany.

Salamo 94:23

Hatsingeriny amin’ireo ihany ny heloka nataony ary ny faharatsiany ihany no handringanany azy; eny, ny TOMPO Andriamanitsika no handringana azy.

Ohabolana 5:22

Ny heloky ny olon-dratsy dia mamandri-tena, ka ny fahotany ihany no maningotra azy.

Isaia 3:11

Lozan’ny ratsy fanahy kosa fa hiharam-pahavoazana izy, satria araka izay nataony ihany no zavatra hafitsoka aminy!

Josoa 6:26

Tamin’izany fotoana izany koa dia nanambara izao fampitandremana momba an’i Jerikao izao i Josoa nanao hoe: «Ho voaozona eo anatrehan’ny TOMPO anie izay olona mitsangana hanamboatra an’ity tanàna ity ka ny ain’ny lahimatoany no ho sandan’ny hanorenany ny fototra ary ny ain’ny faralahiny no ho sandan’ny hananganany ny vavahady!»

Mpitsara 1:7

Ary hoy i Adônỳ-Bezèka hoe: –Mpanjaka fitopolo, tapaka ankiben-tanana sy ankiben-tongotra, no nitsimpona hanina teo ambany latabatro; koa izay nataoko ihany no navalin’Andriamanitra ahy! Dia nentina ho any Jerosalema i Adonỳ-Bezèka ary maty tany.

Mpitsara 10:1

Taorian’ny nahafatesan’i Abimelèka dia nitsangana i Tôlà, zanakalahin’i Povà sady zafikelin’i Dôdao, mba hamonjy ny vahoaka Israely. Izy dia lehilahy avy ao amin’ny fokon’i Jisakara ary nonina tao Samira, any amin’ny faritra be tendrombohitra any Efraîma.

Mpitsara 9:20

Raha tsy izany kosa, dia aoka hisy afo mivoaka avy amin’i Abimelèka ka handoro anareo mponin’i Sekema sy i Bety-Milao, ary aoka hisy afo mivoaka avy aminareo ka handoro an’i Abimelèka!

Mpitsara 9:24

Izany no ho valin’ny herisetra nataon’i Abimelèka tamin’ny fitopolo lahy zanak’i Jerobahala sy ho todin’ny ran’ny rahalahiny izay novonoiny, sady hamaliana ireo mponin’i Sekema izay niara-nitsikombakomba taminy.

Mpitsara 9:45

Nanohy ny ady tao an-tanàna i Abimelèka ny tontolo andro ka nahazo ny tanàna sy nandringana ny olona rehetra tao; dia noravany ny tanàna ary nofafazany sira ilay toerana.

Mpitsara 9:56

Toy izany no namalian’Andriamanitra an’i Abimelèka noho ny ratsy nataony tamin’ny rainy fony izy namono nahafaty ireo rahalahiny fitopolo.