Mpitsara 7:8 - DIEM PROTESTANTA

⁸ Koa telonjato lahy ihany no notazonin’i Gidehôna hiaraka aminy fa ny Israelita hafa rehetra nalefany hody any amin’ny fonenany avy; saingy notazonina kosa ny vatsy sy ny trompetran’ireo nandeha. Ny tobin’ny Midianita dia terỳ ambany kokoa tao amin’ny lemaka.

Baiboly Protestanta Malagasy 2011

⁸ Dia noraisin’ireo an-tanana ny vatsy izay teo amin’ny olona, mbamin’ny anjomarany. Ary ny Israely sisa dia nalefany hody samy ho any amin’ny tranolainy avy, fa ny telonjato lahy ihany no nohazoniny. Ary ny tobin’ny Midianita dia teo ambaniny, teo an-dohasaha.

Dikateny Iombonana Eto Madagasikara

⁸ Koa telonjato lahy ihany no notazonin’i Gidehôna hiaraka aminy fa ny Israelita hafa rehetra nalefany hody any amin’ny fonenany avy; saingy notazonina kosa ny vatsy sy ny trompetran’ireo nandeha. Ny tobin’ny Midianita dia terỳ ambany kokoa tao amin’ny lemaka.

Baiboly Katolika

⁸ Dia nakan’izy telon-jato lahy ny vatsin’ny vahoaka sy ny trômpetrany, izay dia nalefan’i Jedeôna hody ny olona sisa rehetra tamin’i Israely, samy ho any an-dainy, fa notanany ny telon-jato lahy. Ny tobin’ny Madianita dia teo ambaniny teo amin’ny tany lemaka.

Baiboly Protestanta Malagasy

⁸ Ary ny olona nitondra vatsy sy ny anjomarany teny an-tànany; ary ny Isiraely sisa dia nalefany hody samy ho any amin’ny lainy avy, fa ny telon-jato lahy ihany no nohazoniny; ary ny tobin’ny Midiana dia teo ambaniny teo an-dohasaha.

Malagasy Bible

⁸ Ary ny olona nitondra vatsy sy ny anjomarany teny an-tànany; ary ny Isiraely sisa dia nalefany hody samy ho any amin'ny lainy avy, fa ny telon-jato lahy ihany no nohazoniny; ary ny tobin'ny Midiana dia teo ambaniny teo an-dohasaha.

La Bible en Malgache

⁸ Dia noraisin’ireo an-tanana ny vatsy izay teo amin’ny olona, mbamin’ny anjomarany. Ary ny Israely sisa dia nalefany hody samy ho any amin’ny tranolainy avy, fa ny telonjato lahy ihany no nohazoniny. Ary ny tobin’ny Midianita dia teo ambaniny, teo an-dohasaha.

Mpitsara 7:8 Rohy Ifampitohizana

Isaia 27:13

Amin’izany andro izany, dia hanakoako ny feon’ny anjomara lehibe; ka ho tonga avokoa ireo very tany Asiria na ireo tafaely tany Ejipta mba hiankohoka eo anatrehan’ny TOMPO ao an-tendrombohitra masina any Jerosalema.

Levitikosy 23:24

mba hamepetra ny Israelita hoe: «Ny andro voalohan’ny volana fahafito dia ho andro fitsaharana ho anareo; hisy fanompoam-pivavahana hivorianareo amin’izany ka hihobianareo Ahy mba hahatsiarovako anareo.

Levitikosy 25:9

Ny andro fahafolon’ny volana fahafito, andro fankalazana ny Famelàn-keloka, dia hitsoka anjomara ombàm-pihobiana ianareo ka manerana ny taninareo no hitsofanareo azy.

Nomery 10:9

«Raha hiantafika hiady amin’ny fahavalo izay mamely eo amin’ny taninareo ianareo, dia hotsofina ny trômpetra sady arahina hoby mba hampahatsiarovanareo Ahy TOMPO Andriamanitrareo hitsimbinako anareo ka hamonjeko anareo ho afaka amin’ny fahavalonareo.

1Korintiana 15:52

vetivety foana, indray mipy maso, rehefa maneno ny trompetra farany, dia hovàna avokoa isika rehetra. Satria haneno ny trompetra farany, dia hitsangana velona ireo maty ka tsy ho tratry ny fahalòvana intsony; ary hovàna isika.

Josoa 6:20

Dia nitsoka trompetra ny mpisorona. Ka raha vao nandre ny feon-trompetra ny vahoaka, dia nanezaka mafy nanao akoran’ady; koa nirodana tamin’izay ny manda. Dia niakatra hamely tao an-tanàna samy araka ny tandrifiny avy ny Israelita ka naka ny tanàna.

Josoa 6:4

ka mpisorona fito samy mitondra trompetra iray avy no hialoha ny Vatamasina. Amin’ny andro fahafito dia hodidino impito ny tanàna, ary mandritra izany aoka ny mpisorona hitsoka ny trompetrany.

Mpitsara 3:27

Vao tonga tany Sehirà izy; dia nitsoka trompetra teny amin’ny faritra be tendrombohitra any Efraîma hamory ny Israelita; avy teo izy dia nitarika ireo Israelita ireo ka niara-nidina taminy avy teny an-tendrombohitra

Mpitsara 6:33

Ny Midianita rehetra mbamin’ny Hamalekita ary ny mpifindrafindra lasy avy any atsinanana dia nivondrona ka niampita an’i Jôrdàna ary nanorina ny tobiny tao amin’ny lemak’i Jizrehela.

Mpitsara 7:7

Ary hoy ny TOMPO tamin’i Gidehôna: –Ireo telonjato lahy izay nilelaka rano ireo no hamonjeko ny Israelita ka hanolorako ny Midianita eo an-tananao. Ary ny amin’ireo sisa kosa dia aoka samy hody any amin’ny fonenany avy izy!

Mpitsara 7:9

Tamin’io alina io dia hoy ny TOMPO tamin’i Gidehôna: –Mitsangàna ka midîna ao an-tobin’ny Midianita, fa efa natolotro eo an-tananao io.