Mpitsara 6:5 - DIEM PROTESTANTA

⁵ Nifindrafindra niaraka tamin’ny biby fiompiny sy ny lainy ireny sady toy ny valala no fiaviny; fa maro izy mbamin’ny ramevany ka tsy hita isa. Niditra tamin’ny tany izy mba handrava azy;

Baiboly Protestanta Malagasy 2011

⁵ Rehefa nanafika izy ireny dia nitondra ny omby aman’ondriny sy ny tranolainy niaraka taminy ka ny fiaviny dia tahaka ny valala maro be; eny, tsy hita isa izy ireny sy ny ramevany; niditra tao amin’ny tany ireny mba handrava azy.

Dikateny Iombonana Eto Madagasikara

⁵ Nifindrafindra niaraka tamin’ny biby fiompiny sy ny lainy ireny sady toy ny valala no fiaviny; fa maro izy mbamin’ny ramevany ka tsy hita isa. Niditra tamin’ny tany izy mba handrava azy;

Baiboly Katolika

⁵ fa niakatra izy ireo miaraka amin’ny biby fiompiny sy ny lainy, ka nihahohaho toy ny valala ny fiaviny ary tsy hita isa izy sy ny ramevany; tonga amin’ny tany izy, mba handrava azy.

Baiboly Protestanta Malagasy

⁵ fa niakatra izy nitondra ny omby aman-ondriny sy ny lainy, ka ny fihaviny dia tahaka ny valala ny hamarony, ary tsy hita isa izy sy ny ramevany; dia niditra tamin’ny tany izy handrava azy.

Malagasy Bible

⁵ fa niakatra izy nitondra ny omby aman'ondriny sy ny lainy, ka ny fihaviny dia tahaka ny valala ny hamarony, ary tsy hita isa izy sy ny ramevany; dia niditra tamin'ny tany izy handrava azy

La Bible en Malgache

⁵ Rehefa nanafika izy ireny dia nitondra ny omby aman’ondriny sy ny tranolainy niaraka taminy ka ny fiaviny dia tahaka ny valala maro be; eny, tsy hita isa izy ireny sy ny ramevany; niditra tao amin’ny tany ireny mba handrava azy.

Mpitsara 6:5 Rohy Ifampitohizana

Tononkiran’i Solomona 1:5

Ry tovovavin’i Jerosalema ô, zarazara hoditra aho nefa bikana; ny tarehiko dia mivalomainty toy ny lain’ireo mpifindrafindra lasy, nefa meva toy ny temitr’i Salômôna.

Isaia 13:20

Tsy honenana intsony i Babilôna ary tsy hisy mponina mandrakizay. Tsy hanorin-day ao ny mpifindrafindra lasy ary tsy hampandry ondry ao ny mpiandry ondry.

Isaia 60:6

Rameva maro no handrakotra ny taninao, dia andian-drameva avy any Midiana sy Hefà; tonga koa ny olona rehetra avy any Sabà. Volamena sy vovo-javamanitra no hoentiny ary ny fiderana ny TOMPO no hafatra soa hambarany.

Jeremia 46:23

Kapain’ireo ny alany, na dia matevina aza, hoy ny teny hentitry ny TOMPO. Fa marobe noho ny andiam-balala izy ka tsy tambo isaina.

Jeremia 49:29

Aoka horobaina ny lainy sy ny ondry aman’osiny, ny fialofany sy ny entany rehetra! Ary aoka hoentina ny ramevany! Aoka izy hiantsoantsoana hoe: «Fampihorohoroana hatraiza hatraiza».

Jeremia 49:32

Hoentin’ny fahavalony ho babo ny ramevany sy ny ondry aman’osiny marobe. Haparitako any amin’ny vazantany rehetra ireo mponina voaharatra fihirifana ireo. Hitondrako fandravana hatraiza hatraiza izy, hoy ny teny hentitry ny TOMPO.

Jeremia 51:14

Ny TOMPOn’izao rehetra izao dia nianiana tamin’ny tenany hoe: «Handefa olona hibosesika ao aminao Aho, ka ho maro toy ny valala ireny, ary hanao akoran’ady hamelezana anao.»

Deoteronomia 28:33

Ny vokatry ny taninareo sy izay rehetra efa nisasaranareo dia hohanin’ny firenena izay tsy fantatrareo; ary hampahorîn’ny sasany sy homongomongoiny mandrakariva ianareo.

Mpitsara 7:12

Ary ny Midianita sy ny Hamalekita ary ireo mpifindrafindra lasy avy any atsinanana dia niparitaka teny amin’ny lemaka fa marobe tahaka ny valala; ny ramevany dia tsy hita isa fa tahaka ny fasika eny amoron-dranomasina.

Mpitsara 8:10

I Zebaha sy i Tsalmonà tamin’io dia tao Karkôra niaraka tamin’ny andian-tafiny 15 eo ho eo. Izay no sisa tamin’ny tafik’ireo mpifindrafindra lasy avy any atsinanana, satria nahafatesana andian-tafika 120 nisy vatan-dehilahy kinga famely sabatra avokoa.

Mpitsara 8:21

Dia hoy i Zebaha sy i Tsalmonà tamin’i Gidehôna: –Aoka ny tenanao mihitsy no hamono hahafaty anay, satria adidin’ny lehilahy mahery fo ny manao izany! Dia nitsangana i Gidehôna ka namono hahafaty ireo mpanjaka roa lahy; ary nalainy ny firavaka nihantona teny am-bozon’ireo ramevany.

1Samoela 30:17

Namely azy ireo vao mangiran-dratsy i Davida mandra-paharivan’ny andro manaraka. Tsy nisy niangana na iray aza afa-tsy tovolahy efajato izay afa-nandositra nitaingin-drameva.