Mpitsara 6:3 - DIEM PROTESTANTA

³ Fa isaky ny avy nanao famafazam-boa ny sahany ny Israelita, dia tonga nanafika ny Midianita niaraka tamin’ny Hamalekita sy ireo mpifindrafindra lasy avy any atsinanana.

Baiboly Protestanta Malagasy 2011

³ Rehefa namafy ny Israely dia niakatra hanafika azy ny Midianita sy ny Amalekita ary ireo zanaky ny Atsinanana.

Dikateny Iombonana Eto Madagasikara

³ Fa isaky ny avy nanao famafazam-boa ny sahany ny Israelita, dia tonga nanafika ny Midianita niaraka tamin’ny Hamalekita sy ireo mpifindrafindra lasy avy any atsinanana.

Baiboly Katolika

³ Rehefa namafy voa i Israely, dia niakatra i Madiàna mbamin’i Amaleka ary ny zanaky ny Atsinanana, ka nanafika azy.

Baiboly Protestanta Malagasy

³ Ary rehefa namafy voa ny Isiraely, dia avy ny Midiana sy ny Amalekita ary ny zanaky ny atsinanana ka niakatra hanafika azy.

Malagasy Bible

³ Ary rehefa namafy voa ny Isiraely, dia avy ny Midiana sy ny Amalekita ary ny zanaky ny atsinanana ka niakatra hanafika azy.

La Bible en Malgache

³ Rehefa namafy ny Israely dia niakatra hanafika azy ny Midianita sy ny Amalekita ary ireo zanaky ny Atsinanana.

Mpitsara 6:3 Rohy Ifampitohizana

Genesisy 25:6

Dieny mbola velona kosa i Abrahama no samy notolorany fanomezana ireo zanaky ny vadikeliny ary nampanalaviriny an’i Itsehàka zanany hankany amin’ny tany atsinanana.

Genesisy 29:1

Ary niainga i Jakôba ka nankany amin’ny tany atsinanana, dia ny tanindrazan-dreniny.

1Mpanjaka 20:27

Nampanaovin’i Ahaba matso koa ny miaramila israelita sady nandray vatsy, ary niainga hifanehatra amin’ny fahavalo. Nitoby nanao antokony roa teo anoloan’ny Sirianina izy; tahaka ny osy andiany roa kely ny Israelita, fa ny Sirianina kosa nanenika ny tany.

1Mpanjaka 5:10

Izany fahendren’i Salômôna izany dia nihoatra noho ny an’ny olon-kendry rehetra tany Atsinanana sy tany Ejipta.

Joba 1:3

Nanana ondry fito arivo sy rameva telo arivo ary omby arivo sy borikivavy dimanjato mbamin’ny mpanompo marobe koa izy. I Jôba no lehilahy nanan-kaja indrindra tany atsinanan’i Palestinina.

Joba 31:8

dia aoka olon-kafa no hihinana izay nafafiko na aoka hongotana ny zavatra izay namboleko.

Eksodosy 17:8

Tonga hiady amin’ny Israelita tao Refidima ny Hamalekita.

Isaia 11:14

Dia hiara-kirohotra hiankandrefana eny amin’ny havoan’ny Filistinina izy roa tonta ary handeha hiantsinanana handroba ny foko any an-taniefitra, ka hanitatra ny fahefàny amin’i Edôma sy i Môaba ary hametraka ny Hamônita ho eo ambany fifehezany.

Isaia 62:8

Dia nataon’ny TOMPO izao fianianana izao: «Araka ny hery amam-pahefana feno ananako, dia mianiana aminao Aho, ry vahoakako, fa tsy hamela ny vary novolenao ho sakafon’ny fahavalonao intsony, ary tsy hamela ny divay nisasaranao hosotroin’ny vahiny intsony;

Jeremia 49:28

Fanambaràna ny amin’ny Arabo ao Kedara sy ireo fanjakan’i Hatsôra izay resin’i Nebokadnetsara mpanjakan’i Babilôna. Izao no lazain’ny Tompo: Mitsangàna ianareo, ka miakara hamely an’i Kedara, Ravao avokoa izay rehetra an’ny olona any an-taniefitra.

Ezekiela 25:3

Asaovy mihaino izy fa izao no teny lazain’ny Tompo ANDRIANANAHARY aminy: ‹Nihomehy ianareo fony nozimbazimbaina ny toerako masina ary nosimbana ny tanin’i Israely sady nentina ho babo ny olon’i Joda.

Ezekiela 25:4

Noho izany, havelako halain’ireo mpifindrafindra monina avy any atsinanana ny taninareo: Hanorina toby eo amin’ny taninareo izy ka hamelatra ny lainy eo. Ireny no hihinana ny voankazo sy hisotro ny ronono izay anareo.

Levitikosy 26:16

dia izao no hataoko anareo: loza mampivarahontsana no halefako hamelezana anareo, dia areti-mahasaozanina sy tazo mahery izay mahalali-maso sy mandreraka aina anareo; ary hafafinareo foana ny voa famafinareo, fa ny fahavalonareo no hihinana azy.

Mika 6:15

Hamafy ianareo, nefa tsy hijinja; hanery ôliva, nefa tsy hihosotra menaka; hanosihosy voaloboka, nefa tsy hisotro divay.

Deoteronomia 28:51

hihinana ny vokatry ny fiompianareo sy ny vokatry ny taninareo, mandra-paharinganareo. Tsy havelany ho anareo na vary, na divay, na ny zanak’omby sy ondry aman’osinareo, mandra-pahafongony anareo.

Mpitsara 10:12

na ny Tsidônianina sy ny Hamalekita ary ny Midianita ka niantso vonjy tamiko ianareo, moa tsy namonjy anareo ho afaka teo an-tanan’ireny va Aho?

Mpitsara 3:13

Ary i Heglôna nivondrona tamin’ny Hamônita sy ny Hamalekita ka nandeha nanafika ny Israelita, ary nahazo ny tanàna Jerikao.

Mpitsara 6:2

Ary nahery vaika tamin’ny Israelita loatra ny famelezan’ny Midianita; koa noho ny tahony azy dia nanamboatra lalan-kizo sy zohy fierena ary toerana sarotra anihina tany an-tendrombohitra ny Israelita.

Mpitsara 6:33

Ny Midianita rehetra mbamin’ny Hamalekita ary ny mpifindrafindra lasy avy any atsinanana dia nivondrona ka niampita an’i Jôrdàna ary nanorina ny tobiny tao amin’ny lemak’i Jizrehela.

Mpitsara 6:4

Nitoby teo amin’ny sahan’ny Israelita ireny ka nanimba ny vokatry ny taniny hatrany Gazà, ary tsy nisy zavatra navelany hohanin’ny Israelita, tsy nisy navelany ho azy na ondry aman’osy na omby na boriky.

Mpitsara 7:12

Ary ny Midianita sy ny Hamalekita ary ireo mpifindrafindra lasy avy any atsinanana dia niparitaka teny amin’ny lemaka fa marobe tahaka ny valala; ny ramevany dia tsy hita isa fa tahaka ny fasika eny amoron-dranomasina.

Mpitsara 8:10

I Zebaha sy i Tsalmonà tamin’io dia tao Karkôra niaraka tamin’ny andian-tafiny 15 eo ho eo. Izay no sisa tamin’ny tafik’ireo mpifindrafindra lasy avy any atsinanana, satria nahafatesana andian-tafika 120 nisy vatan-dehilahy kinga famely sabatra avokoa.