Mpitsara 6:2 - DIEM PROTESTANTA

² Ary nahery vaika tamin’ny Israelita loatra ny famelezan’ny Midianita; koa noho ny tahony azy dia nanamboatra lalan-kizo sy zohy fierena ary toerana sarotra anihina tany an-tendrombohitra ny Israelita.

Baiboly Protestanta Malagasy 2011

² Nanampatra ny heriny tamin’ny Israely ny Midianita ka ny tahotra ny Midianita no nanamboaran’ny Zanak’Israely fierena tany an-tendrombohitra sy zohy ary toeram-pialofana.

Dikateny Iombonana Eto Madagasikara

² Ary nahery vaika tamin’ny Israelita loatra ny famelezan’ny Midianita; koa noho ny tahony azy dia nanamboatra lalan-kizo sy zohy fierena ary toerana sarotra anihina tany an-tendrombohitra ny Israelita.

Baiboly Katolika

² Nahery tamin’i Israely ny tanan’i Madiàna. Noho ny amin’i Madiàna no nanaovan’ny zanak’i Israely ireo zohy any an-tendrombohitra, mbamin’ireo lava-bato sy ny havoana mimanda.

Baiboly Protestanta Malagasy

² ary ny tànan’ny Midiana dia nahery tamin’ny Isiraely, ka ny tahony ny Midiana no nanamboaran’ny Zanak’Isiraely ireo fierena any an-tendrombohitra sy ireo zohy mbamin’ny fiarovana.

Malagasy Bible

² ary ny tanan'ny Midiana dia nahery tamin'ny Isiraely, ka ny tahony ny Midiana no nanamboaran'ny Zanak'Isiraely ireo fierena any an-tendrombohitra sy ireo zohy mbamin'ny fiarovana.

La Bible en Malgache

² Nanampatra ny heriny tamin’ny Israely ny Midianita ka ny tahotra ny Midianita no nanamboaran’ny Zanak’Israely fierena tany an-tendrombohitra sy zohy ary toeram-pialofana.

Mpitsara 6:2 Rohy Ifampitohizana

Joba 30:6

ka mitady fialofana eny an-tehezan-tevana, any an-dava-johy na any an-dava-bato.

Jeremia 41:9

Ny lava-drano izay nasain’i Jismahela nanipazana ny fatin’ireo olona novonoiny dia lava-drano lehibe izay nasain’i Asà mpanjaka noloahana fony izy niady tamin’i Bahasà mpanjakan’i Israely. Nofenoin’i Jismahela faty izany.

Jeremia 48:28

Ilaozy ny tanànanareo, ry mponin’i Môaba, ka mitoera eny amin’ny harambato. Aoka ianareo hanahaka ny voromahailala izay manao akany eny am-pitan’ny hantsana.

Levitikosy 26:17

Dia hohandriniko ianareo ka ho resy eo anoloan’ny fahavalonareo; ireo mpankahala anareo no hanapaka anareo; ary handositra ianareo, na dia tsy misy mpanenjika aza.

Hebreo 11:38

Tsy mendrika hitoerany akory izao tontolo izao, ka nanjenjena tany an-taniefitra sy tany an-tendrombohitra ireo ary nonina tanaty zohy sy tanaty lavaka.

Apokalipsy 6:15

Ny mpanjakan’ny tany, ireo lehibe sy ireo komandin-tafika, ireo mpanankarena sy ireo lehilahy matanjaka, mbamin’ny olona rehetra na mpanompo na tsy mpanompo, dia lasa niery tany anatin’ny zohy sy tany ambanin’ny vatolampy teny an-tendrombohitra,

Mpitsara 10:8

Nanomboka tamin’izany taona izany ary nandritra ny 18 taona ireo no nampahory sy nanenjika ny Israelita izay nonina tany Gilehada sy tao amin’ny faritanin’ny Amôrita teny an-dafy atsinanan’i Jôrdàna.

Mpitsara 10:9

Niampita ny ony Jôrdàna mihitsy aza ny Hamônita mba hiady amin’ny fokon’i Joda sy i Benjamîna ary i Efraîma; ka nijaly mafy ny Israelita.

Mpitsara 6:3

Fa isaky ny avy nanao famafazam-boa ny sahany ny Israelita, dia tonga nanafika ny Midianita niaraka tamin’ny Hamalekita sy ireo mpifindrafindra lasy avy any atsinanana.

1Samoela 13:6

Rehefa hitan’ny Israelita fa tandidomin-doza izy, dia lasa ny olona niery tany anaty zohy, sy tany anaty kirihitra, tany amin’ny harambato sy tany ambanin’ny tany, ary tany an-dava-pantsakana.

1Samoela 14:11

Dia nanolo-tena ho hitan’ny Filistinina izy roa lahy, ary hoy ny Filistinina: «Indreo ny Hebreo fa mivoaka ny lavaka fiereny.»