Mpitsara 3:7 - DIEM PROTESTANTA

⁷ Ary nanao izay ratsy eo imason’ny TOMPO ny Israelita fa nanadino ny TOMPO Andriamaniny ka nanompo ireo Bahala sy ireo Aserà.

Baiboly Protestanta Malagasy 2011

⁷ Nanao izay ratsy teo imason’NY TOMPO ny Zanak’Israely ka nanadino NY TOMPO Andriamaniny ary nanompo ireo Baala sy Aseraha.

Dikateny Iombonana Eto Madagasikara

⁷ Ary nanao izay ratsy eo imason’ny TOMPO ny Israelita fa nanadino ny TOMPO Andriamaniny ka nanompo ireo Bahala sy ireo Aserà.

Baiboly Katolika

⁷ Nanao izay ratsy teo imason’i Iaveh ny zanak’i Israely: I Iaveh nohadinoiny, fa i Baala sy ny Askerôta no notompoiny,

Baiboly Protestanta Malagasy

⁷ ARY nanao izay ratsy eo imason’i Jehovah ny Zanak’Isiraely ka nanadino an’i Jehovah Andriamaniny ary nanompo ireo Bala sy Aseraha.

Malagasy Bible

⁷ Ary nanao izay ratsy eo imason'i Jehovah ny Zanak'Isiraely ka nanadino an'i Jehovah Andriamaniny ary nanompo ireo Bala sy Aseraha.

La Bible en Malgache

⁷ Nanao izay ratsy teo imason’NY TOMPO ny Zanak’Israely ka nanadino NY TOMPO Andriamaniny ary nanompo ireo Baala* sy Aseraha*.

Mpitsara 3:7 Rohy Ifampitohizana

1Mpanjaka 16:33

sy nametraka tsatokazo fanajana an’i Aserà tao; koa nampahatezitra ny TOMPO Andriamanitr’i Israely izy mihoatra noho ny mpanjakan’i Israely rehetra talohany.

1Mpanjaka 18:19

Ary ankehitriny maniraha olona hamory ny vahoakan’i Israely rehetra hihaona amiko any an-tendrombohitr’i Karmela miaraka amin’ny mpaminanin’i Bahala 450 sy ny mpaminanin’i Aserà efajato izay mihinana eo amin’ny latabatr’i Jezebela.

2Mpanjaka 23:14

Nomontsaniny ny tsangambaton-tsampy sady nokapainy ny tsatokazo fanajana an’i Aserà ka nofenoiny taolam-patin’olona ny toerany.

2Mpanjaka 23:6

Nalany tao an-tranon’ny TOMPO koa ny tsatokazo fanajana an’i Aserà ka navoakany any ivelan’i Jerosalema mba hodorana ao amin’ny lohasahan’i Kidrôna; ary ny lavenony dia nafafiny teny amin’ny fasam-bahoaka.

2Tantara 15:16

Na dia i Mahekà reniben’i Asà aza dia naetrin’ity mpanjaka tsy ho andriambavy intsony, noho izy efa nanao sarivongan-tsampin’i Aserà. Noravan’i Asà io sampy io, dia nomontsamontsaniny ary nodorany tao amin’ny lohasahan-driaka Kidrôna.

2Tantara 24:18

hany ka nilaozan’ireo Israelita ny tranon’ny TOMPO Andriamanitry ny razany mba hanompoany ny tsatokazo fanajana an’i Aserà sy handalàny sampy hafa. Noho izany fahadisoana izany, dia niharan’ny fahatezeran’ny TOMPO i Joda sy i Jerosalema.

2Tantara 33:19

Ny vavaka nataon’i Manase sy ny nileferan’Andriamanitra taminy ary ny antsipirian’ny fahotana amam-pahadisoana rehetra vitany mbamin’ny faritra nanorenany toeram-panasinana sy nasiany tsatokazo fanajana an’i Aserà ary nananganany sarivongan-tsampy fony izy tsy mbola niaiky heloka, dia voasoratra ao amin’ny Asan’i Hôzay.

2Tantara 33:3

Naorin’i Manase indray manko ny toeram-panasinana izay efa noravan’i Hezekià rainy ka nananganany alitara ho an’ireo Bahala sady nanaovany tsatokazo fanajana an’ireo Aserà; dia niankohofany sy nanaovany fanompoam-pivavahana koa ireo planeta aman-kintana eny ana habakabaka.

2Tantara 34:3

Tamin’ny taona fahavalo nanjakàny, fony i Jôsià mbola zatovolahy, no nanombohany nitady an’ilay Andriamanitr’i Davida razambeny; ary efatra taona taorian’izany kosa no nanombohany nanadio ny fanjakàn’i Joda sy ny tanànan’i Jerosalema mba tsy hisy toeram-panasinana na tsatokazo fanajana an’i Aserà, ary tsy hisy sarin-tsampy voasokitra na mivongana intsony.

2Tantara 34:7

dia noravan’i Jôsià koa ny alitara; nokapakapainy ny tsatokazo fanajana an’i Aserà ary ny sarin-tsampy voasokitra mba hotorotoroina ho lasan-ko vovoka. Nazerany ny fandoroana vovo-javamanitra eran’ny tanin’i Israely manontolo; izay vao niverina ho any Jerosalema izy.

Salamo 106:35

Niharoany ny hafa firenena sady nianarany ny fanaony;

Salamo 106:36

ary notompoiny ny sampin’ireny ka tonga fandrika ho azy izany.

Salamo 106:7

Fony tany Ejipta ny razanay, dia tsy nahatakatra ny asanao mahagaga; tsy nahatsiaro ny halehiben’ny fitiavanao izy, koa teo akaikin’ny Ranomasin’ny Volotara dia nikomy taminao Avo Indrindra.

Eksodosy 34:13

Fa ravao ny alitarany, poteho ny tsangambatony, ary kapao ireo tsato-kazo fanajany an’i Aserà.

Jeremia 23:27

Nony mifampitantara nofy izy, dia tsy mikendry afa-tsy ny hanadinoan’ny vahoakako Ahy, tahaka ny nanadinoan’ny razany Ahy ka nanompoany an’i Bahala.

Deoteronomia 16:21

Aza anangananareo tsato-kazo fanajana an’i Aserà eo anilan’ny alitara izay hamboarinareo ho an’ny TOMPO Andriamanitrareo;

Deoteronomia 4:9

Kanefa kosa mitandrema ianareo ka miambena tena fandrao hanadino ny zavatra efa hitanareo maso na hamela izany hiala tao am-ponareo, amin’ny andro rehetra hiainanareo; fa ampahafantaro ny zanakareo aman-jafinareo izany.

Deoteronomia 8:11

Kanefa tandremo fandrao hadinoinareo ny TOMPO Andriamanitrareo ka tsy tandremanareo ny didy sy ny fitsipika aman-dalàny, izay ampitaiko aminareo anio.

Deoteronomia 8:14

saingy tandremo fandrao hiavonavona ny fonareo ka hohadinoinareo ny TOMPO Andriamanitrareo, Izay nampiala anareo tany Ejipta toera-nanandevozana anareo.

Deoteronomia 8:18

tsarovy kosa fa ny TOMPO Andriamanitrareo no manome anareo ny hery hamoriana harena, ka mahatò tahaka ny amin’izao anio izao ny fanekempihavanana izay nataony sady nianianany tamin’ny razambenareo.

Mpitsara 3:12

Ary nanao izay ratsy eo imason’ny TOMPO indray ny Israelita. Noho izany dia nampirisihin’ny TOMPO hamely azy i Heglôna, mpanjakan’i Môaba.

Mpitsara 3:8

Dia nirehi-pahatezerana tamin’ny Israelita ny TOMPO ka nanolotra azy teo an-tanan’i Kosàna-Risehataîma, mpanjakan’i Mezôpôtamia; ary nandritra ny valo taona no nanompoany azy.

Mpitsara 6:25

Tamin’io alina io ihany ny TOMPO dia nandidy an’i Gidehôna hoe: –Alao ny ombilahin-drainao, ilay faharoa efa fito taona. Ravao ny alitaran’i Bahala izay an-drainao ary kapao ny tsatokazon-tsampy eo anilany;

Mpitsara 8:33

Rehefa maty i Gidehôna, dia nanompo an’i Bahala indray ny Israelita ary nanao an’i Bahala-Berita ho andriamaniny.

Mpitsara 8:34

Hadinony ny TOMPO Andriamaniny Izay nanafaka azy tamin’ny fahavalony rehetra nanodidina azy.

1Samoela 12:10

Dia nitaraina tamin’ny TOMPO indray ireo razanareo ka nanao hoe: «TOMPO ô, efa nanota izahay satria nahafoy Anao ary nanompo ireo sampy, dia ny andriamani-dahy Bahala sy ny andriamani-bavy Hastôreta. Nefa ankehitriny, vonjeo amin’ny fahavalonay izahay, dia hanompo Anao.»

1Samoela 12:9

Nefa nanadino ny TOMPO Andriamaniny ny razanareo, koa izany no namelany an’i Siserà, jeneralin’ny tafik’i Hatsôra sy namelany ny Filistinina ary ny mpanjakan’i Môaba hiady aminy ka handresy azy.