Mpitsara 3:27 - DIEM PROTESTANTA

²⁷ Vao tonga tany Sehirà izy; dia nitsoka trompetra teny amin’ny faritra be tendrombohitra any Efraîma hamory ny Israelita; avy teo izy dia nitarika ireo Israelita ireo ka niara-nidina taminy avy teny an-tendrombohitra

Baiboly Protestanta Malagasy 2011

²⁷ Raha vao tonga tany izy dia nitsoka anjomara tany amin’ny tany be havoana any Efraima, dia nidina nanaraka azy avy tany amin’ny tany be havoana ny Zanak’Israely ka izy no nitarika azy.

Dikateny Iombonana Eto Madagasikara

²⁷ Vao tonga tany Sehirà izy; dia nitsoka trompetra teny amin’ny faritra be tendrombohitra any Efraîma hamory ny Israelita; avy teo izy dia nitarika ireo Israelita ireo ka niara-nidina taminy avy teny an-tendrombohitra

Baiboly Katolika

²⁷ Vao tonga izy dia notsofiny ny trômpetra tany amin’ny tendrombohitra Efraima. Nidina avy any amin’ny tendrombohitra niaraka taminy, ny zanak’i Israely, ary izy no nitarika azy ireo.

Baiboly Protestanta Malagasy

²⁷ Ary rehefa tonga teo izy, dia nitsoka ny anjomara tany amin’ny tany havoan’i Efraima, dia nidina nanaraka azy avy tany amin’ny tany havoana ny Zanak’Isiraely, ary izy no nitarika azy.

Malagasy Bible

²⁷ Ary rehefa tonga teo izy, dia nitsoka ny anjomara tany amin'ny tany havoan'i Efraima, dia nidina nanaraka azy avy tany amin'ny tany havoana ny Zanak'Isiraely, ary izy no nitarika azy.

La Bible en Malgache

²⁷ Raha vao tonga tany izy dia nitsoka anjomara tany amin’ny tany be havoana any Efraima, dia nidina nanaraka azy avy tany amin’ny tany be havoana ny Zanak’Israely ka izy no nitarika azy.

Mpitsara 3:27 Rohy Ifampitohizana

2Samoela 20:22

Nikabarian-dravehivavy tamim-pahendrena avokoa ny mpiray tanàna, dia notapahina ny lohan’i Sebà zanakalahin’i Bikrỳ ka natsipy teny amin’i Jôaba. Notsofin’i Jôaba ny anjomara, dia tsy nanao fahirano ny tanàna intsony ny miaramilany ary samy namonjy ny fonenany avy. I Jôaba kosa mbola niverina tany Jerosalema ho eo amin’ny mpanjaka.

2Mpanjaka 9:13

Dia samy nanala faingana ny akanjobeny avy ny manamboninahitra rehetra ka namelatra azy teo amin’ny faratampon’ny tohatra anankiray mba hipetrahan’i Jehò. Ary notsofin’ny mpiangaly azy ny anjomara fa ny besinimaro teo kosa niantsoantso hoe: «I Jehò no mpanjaka.»

Nehemia 4:14

Na aiza na aiza ianareo no mandre ny feon’anjomara, dia mivoria atỳ aminay; fa Andriamanitra no hiady ho antsika!

Josoa 17:15

Dia novalian’i Josoa hoe: –Raha tàhiny vahoaka marobe ianareo ka tery ho anareo ny havoanan’i Efraîma, dia mandehana any amin’ny tanin’ny Perizita sy ny Refaîta ka tevezo ny ala any hipetrahanareo.

Josoa 17:18

Ho anareo koa ny havoana rakotra ala, dia hotevenareo ny ala ka halainareo ny vava ala; fa ho voaroakanareo ny Kanahanita na dia matanjaka sy manana kalesy vy aza ry zareo.

Mpitsara 10:1

Taorian’ny nahafatesan’i Abimelèka dia nitsangana i Tôlà, zanakalahin’i Povà sady zafikelin’i Dôdao, mba hamonjy ny vahoaka Israely. Izy dia lehilahy avy ao amin’ny fokon’i Jisakara ary nonina tao Samira, any amin’ny faritra be tendrombohitra any Efraîma.

Mpitsara 17:1

Tao amin’ny faritra be tendrombohitra any Efraîma dia nisy lehilahy natao hoe Mikà.

Mpitsara 19:1

Tamin’izany andro mbola tsy nisian’ny mpanjaka tany Israely izany, dia nisy levita iray nivahiny tany amin’ny toerana mihataka, an-tsisin’ny faritra be tendrombohitra any Efraîma. Naka vadikely iray tao Betlehema any Joda izy.

Mpitsara 3:26

Fa raha mbola variana tao ireo, dia efa nitsoaka i Ehoda, ka efa tafahoatra ny tsangambaton-tsampy ary nandositra tany Sehirà.

Mpitsara 5:14

Ireo taranaka avy any Efraîma dia efa tonga ao an-dohasaha, ka narahin’ny fokon’i Benjamîna izay nifangaro tamin’ny andian-tafiny. Nipoitra avy amin’ny terak’i Makira ireo mpitari-tafika ary avy amin’ny fokon’i Zebolòna ireo manampahefana.

Mpitsara 6:34

Fa notsindrian’ny Fanahin’ny TOMPO i Gidehôna, dia nitsoka trompetra mba hiantso ny vatan-dehilahy tao amin’ny tarika abihezerita hanaraka azy.

Mpitsara 7:24

Ary nandefa iraka nankany amin’ny faritra manontolo be tendrombohitra any Efraîma i Gidehôna hilaza hoe: –Midîna ianareo hisakana ny Midianita ka mialohà azy hibahana ny toerana fitàna ny ony Jôrdàna hatrany Bety-Barà. Dia nivory ny vatan-dehilahy efraîmita ka nidina nibahana ny toerana fitàna ny ony Jôrdàna hatrany Bety-Barà.

1Samoela 13:3

Novonoin’i Jônatàna ho faty ny governora filistinina izay tao Gebà, ary fantatry ny Filistinina izany. Nasain’i Saoly notsofina nanerana ny taniny tontolo ny anjomara satria hoy izy anakampony hoe: «Aoka ho fantatry ny Hebreo izany!»