Mpitsara 2:22 - DIEM PROTESTANTA

²² Fa hampiasaiko ireny mba hizahako toetra azy na hanaraka ny sitrapoko ny Israelita ka hankatò Ahy tahaka izay nataon’ny razany na tsia.

Baiboly Protestanta Malagasy 2011

²² mba hizahako toetra ny Israely amin’ny alalan’ireny, na hitandrina ny lalan’NY TOMPO izy ka handeha amin’izany araka izay nitandreman’ny razany izany, na tsia.

Dikateny Iombonana Eto Madagasikara

²² Fa hampiasaiko ireny mba hizahako toetra azy na hanaraka ny sitrapoko ny Israelita ka hankatò Ahy tahaka izay nataon’ny razany na tsia.

Baiboly Katolika

²² ireo no hizahako toetra an’i Israely, na hazoto hanaraka ny lalan’i Iaveh izy, toy ny nahazoto ny razany, na tsia.»

Baiboly Protestanta Malagasy

²² mba hizahako toetra ny Isiraely amin’ireny, na hitandrina ny làlan’i Jehovah ka handeha amin’izany araka izay nitandreman’ny razany izany izy, na tsia.

Malagasy Bible

²² mba hizahako toetra ny Isiraely amin'ireny, na hitandrina ny lalan'i Jehovah ka handeha amin'izany araka izay nitandreman'ny razany izany izy, na tsia.

La Bible en Malgache

²² mba hizahako toetra ny Israely amin’ny alalan’ireny, na hitandrina ny lalan’NY TOMPO izy ka handeha amin’izany araka izay nitandreman’ny razany izany, na tsia.

Mpitsara 2:22 Rohy Ifampitohizana

Genesisy 22:1

Taorian’izany toe-javatra izany, dia nizaha toetra an’i Abrahama Andriamanitra ka niantso azy hoe: –Ry Abrahama! Dia namaly i Abrahama hoe: –Inty aho.

2Tantara 32:31

Noho izany, rehefa nandefasan’ny manampahefana babilônianina iraka izy mba hanontany momba ny zava-mahagaga nitranga teo amin’ny taniny, dia navelan’Andriamanitra hanao saim-pantatra izy mba hisedrany azy ka hahalalany izay toetrany rehetra.

Joba 23:10

Na izany aza, fantany tsara ny lalana falehako; fa raha mizaha toetra ahy Izy, dia hivoaka madio toy ny volamena aho.

Salamo 66:10

Nozahanao toetra izahay, Andriamanitra ô, nosedrainao toa volafotsy anaty memy,

Eksodosy 15:25

Niantso vonjy tamin’ny TOMPO i Mosesy, dia natorony rantsan-kazo iray. Natsipin’i Mosesy tao anaty rano izany ka nanjary mamy ny rano. Tao no nanomezan’ny TOMPO fitsipika sy fombafomba ho an’ny Israelita ary nizahany toetra azy ireo.

Ohabolana 17:3

Misy ny memy fisedrana ny volafotsy ary ny fatana fandrendrehana ny volamena, fa ny TOMPO no mizaha toetra ny fon’ny olona.

Deoteronomia 13:3

Na dia tanteraka aza ny famantarana na zava-mahagaga nolazainy taminareo, kanefa avy eo izy manainga anareo hanaraka sy hanompo andriamani-kafa saingy andriamanitra tsy fantatrareo,

Deoteronomia 8:16

Izy koa, tatỳ an-taniefitra, no namahana anareo tamin’ny mana, izay hanina tsy fantatry ny razanareo; nampanetry tena anareo sy nizaha toetra anareo Izy mba hahasambatra anareo rahatrizay.

Deoteronomia 8:2

Tsarovy avokoa ny lalana izay nasain’ny TOMPO Andriamanitrareo halehanareo tatỳ an-taniefitra, nandritra izay efapolo taona izay, mba hampanetry tena anareo; nizaha toetra anareo Izy tamin’izany mba hahalalany izay ao am-ponareo na hitandrina ny didiny ianareo na tsia.

Mpitsara 2:23

Koa navelan’ny TOMPO haharitra teo amin’ny tany ireo firenena izay tsy natolony teo an-tanan’i Josoa; ary tsy nahamaika Azy ny handroaka ireny.