Mpitsara 2:13 - DIEM PROTESTANTA

¹³ Eny, nandao ny TOMPO tokoa ny Israelita mba hanompo ireo Bahala sy ireo Hastôreta.

Baiboly Protestanta Malagasy 2011

¹³ Eny, nahafoy NY TOMPO izy ka nanompo ny Baala sy ireo Astarta.

Dikateny Iombonana Eto Madagasikara

¹³ Eny, nandao ny TOMPO tokoa ny Israelita mba hanompo ireo Bahala sy ireo Hastôreta.

Baiboly Katolika

¹³ Fa i Iaveh nilaozany, ary i Baala sy ny Astarte notompoiny.

Baiboly Protestanta Malagasy

¹³ Eny, nahafoy an’i Jehovah izy ka nanampo an’i Bala sy Astarta.

Malagasy Bible

¹³ Eny, nahafoy an'i Jehovah izy ka nanampo an'i Bala sy Astarta.

La Bible en Malgache

¹³ Eny, nahafoy NY TOMPO izy ka nanompo ny Baala sy ireo Astarta*.

Mpitsara 2:13 Rohy Ifampitohizana

1Mpanjaka 11:33

Hataoko izany satria efa nandao Ahy ireo ka niankohoka teo anatrehan’i Hastôreta andriamani-bavin’ny Tsidônianina, sy teo anatrehan’i Kemôsy andriamanitry ny Môabita, ary teo anatrehan’i Milkôma andriamanitry ny Hamônita; fa tsy mba ny sori-dalako no nizorany hanaovana izay mahitsy eo imasoko ary hitandremana ny lalàna amam-pitsipiko tahaka ny nataon’i Davida rain’i Salômôna.

1Mpanjaka 11:5

fa nanompo an’i Hastôreta andriamani-bavin’ny Tsidônianina sy nanompo an’i Milkôma andriamani-tsampin’ny Hamônita.

2Mpanjaka 23:13

Nozimbain’ny mpanjaka ihany koa ireo toeram-panasinana tandrifin’i Jerosalema izay naorin’i Salômôna mpanjakan’i Israely teo amin’ny ilany atsimon’ny tendrombohitra Analanôliva ho an’i Hastôreta sampin-dozan’ny Tsidônianina sy ho an’i Kemôsy sampin-dozan’ny Môabita ary ho an’i Milkôma sampin-dozan’ny Hamônita.

2Tantara 12:2

Ary tamin’ny taona fahadimy nanjakan’i Rehabohama dia niakatra i Sisàka mpanjakan’i Ejipta mba hamely an’i Jerosalema, satria nivadika tamin’ny TOMPO ireo mponina tao.

2Tantara 28:3

Nandoro vovo-javamanitra tao amin’ny lohasahan’i Bena-Hinôma koa izy, ary nanolotra ny zanany ho sorona dorana tamin’ny afo, araka ny fomba maharikoriko fanaon’ny hafa firenena izay noroahin’ny TOMPO teo anoloan’ny Israelita.

2Tantara 33:3

Naorin’i Manase indray manko ny toeram-panasinana izay efa noravan’i Hezekià rainy ka nananganany alitara ho an’ireo Bahala sady nanaovany tsatokazo fanajana an’ireo Aserà; dia niankohofany sy nanaovany fanompoam-pivavahana koa ireo planeta aman-kintana eny ana habakabaka.

2Tantara 7:22

Ary hisy olona hamaly hoe: «Satria nilaozan’ny Israelita ny Tompo Andriamanitry ny razany, dia Ilay nitondra azy niala tany Ejipta; ary nifikitra tamin’andriamani-kafa ireo sady niankohoka teo anatrehany sy nanompo azy, ka dia nampiharan’ny TOMPO izao loza isan-karazany izao.»

Salamo 106:36

ary notompoiny ny sampin’ireny ka tonga fandrika ho azy izany.

Jeremia 16:11

Ny havalinao kosa dia hoe: ‹Satria nahafoy Ahy ny razanareo ka nifikitra tamin’ny andriamani-kafa ary nanompo azy sy niankohoka teo anatrehany. Teny hentitra avy amiko TOMPO izany. Nahafoy Ahy izy ary tsy nitandrina ny lalànako.

Jeremia 2:20

Hatramin’ny ela no efa nanapahanao ny zioganao ary namahanao ny fatoranao tamiko ka nilazanao hoe: «Tsy hanompo intsony aho». Kinanjo teny amin’ny havoana rehetra sy teny am-pototry ny hazo maitso rehetra teny no nitsilailay toy ny vehivavy mpivaro-tena ianao.

Nomery 25:3

Nanolo-tena hivavaka tao Bahala-Pehôra ny Israelita, ka nirehetan’ny fahatezeran’ny Tompo.

1Korintiana 8:5

Na dia misy aza izay atao hoe andriamanitra any an-danitra sy etỳ an-tany – toy ny misy andriamanitra maro sy tompo maro, –

Mpitsara 10:6

Ary mbola nanao izay ratsy eo imason’ny TOMPO indray ny Israelita ka nanompo ny Bahala sy Hastarôta andriamani-tsiizy, mbamin’ny andriamanitry ny Sirianina sy ny Tsidônianina na ny andriamanitry Môabita sy ny Hamônita ary ny Filistinina; fa nandao ny TOMPO izy ka tsy nanompo Azy intsony.

Mpitsara 2:11

Ary nanao izay ratsy eo imason’ny TOMPO ny Israelita fa nanompo ireo Bahala andriamani-tsiizy.

Mpitsara 3:7

Ary nanao izay ratsy eo imason’ny TOMPO ny Israelita fa nanadino ny TOMPO Andriamaniny ka nanompo ireo Bahala sy ireo Aserà.

1Samoela 12:10

Dia nitaraina tamin’ny TOMPO indray ireo razanareo ka nanao hoe: «TOMPO ô, efa nanota izahay satria nahafoy Anao ary nanompo ireo sampy, dia ny andriamani-dahy Bahala sy ny andriamani-bavy Hastôreta. Nefa ankehitriny, vonjeo amin’ny fahavalonay izahay, dia hanompo Anao.»

1Samoela 31:10

Avy eo dia napetrany tao an-tempolin’ny Hastôreta ny fitaovam-piadian’i Saoly; ary ny fatiny nahantony teo amin’ny mandan’i Bety-Seana.

1Samoela 7:3

ka nilazan’i Samoela hoe: –Raha amin’ny fonareo manontolo tokoa no hiverenanareo amin’ny TOMPO, dia atsaharo ny fanompoanareo andriamani-kafa sy fanompoanareo ny sampy Hastôreta; aoka hiraiki-po amin’ny TOMPO ianareo, ary aza manompo afa-tsy Izy irery ihany, fa hovonjeny tsy ho voagejan’ny Filistinina ianareo.