Mpitsara 19:16 - DIEM PROTESTANTA

¹⁶ Kinanjo intỳ nisy lahiantitra iray tonga avy any an-tsaha niditra ny tanàna, iny hariva iny. Olona avy amin’ny faritra be tendrombohitra any Efraîma izy, saingy nipetraka tao Gibehà tanàna fonenan’ny Benjaminita.

Baiboly Protestanta Malagasy 2011

¹⁶ Ary indro, nisy lahiantitra iray avy niasa tany an-tsaha nony hariva, sady olona avy any amin’ny tany be havoana any Efraima koa izy io, saingy vahiny nitoetra tany Gibea; fa ny mponina tao amin’izany tanàna izany dia ny Benjamina.

Dikateny Iombonana Eto Madagasikara

¹⁶ Kinanjo intỳ nisy lahiantitra iray tonga avy any an-tsaha niditra ny tanàna, iny hariva iny. Olona avy amin’ny faritra be tendrombohitra any Efraîma izy, saingy nipetraka tao Gibehà tanàna fonenan’ny Benjaminita.

Baiboly Katolika

¹⁶ Kanjo kosa, inty nisy anti-dahy anankiray nody hariva avy niasa tany an-tsaha; lehilahy avy amin’ny tendrombohitra Efraima izy fa nitoetra tao Gabaà, ary ny mponina ao amin’io fitoerana io dia Benjaminita.

Baiboly Protestanta Malagasy

¹⁶ Ary, indro, nisy lehilahy anti-panahy avy niasa tany an-tsaha nony hariva, sady olona avy any amin’ny tany havoan’i Efraima koa izy, saingy nitoetra tany Gibea; fa ny mponina tao amin’izany tanàna izany dia Benjamita.

Malagasy Bible

¹⁶ Ary, indro, nisy lehilahy anti-panahy avy niasa tany an-tsaha nony hariva, sady olona avy any amin'ny tany havoan'i Efraima koa izy, saingy nitoetra tany Gibea, fa ny mponina tao amin'izany tanana izany dia Benjamita.

La Bible en Malgache

¹⁶ Ary indro, nisy lahiantitra iray avy niasa tany an-tsaha nony hariva, sady olona avy any amin’ny tany be havoana any Efraima koa izy io, saingy vahiny nitoetra tany Gibea; fa ny mponina tao amin’izany tanàna izany dia ny Benjamina.

Mpitsara 19:16 Rohy Ifampitohizana

Genesisy 3:19

Ny hatsembohan’ny tavanao no hihinananao hanina mandra-piverinao amin’ny tany izay nanalana anao. Fa vovo-tany ianao, ka hiverina ho vovo-tany.

Salamo 104:23

Ny olona kosa mivoaka hanao ny raharahany sy hiasa mandra-paharivan’ny andro.

Salamo 128:2

Ny vokatry ny asanao tokoa no hivelomanao ka sambatra sy ambinina ianao!

Ohabolana 13:11

Ny harena azo amim-pahamaikana dia mihena an-toerana; fa izay manangona izany tsikelikely no mampitombo azy.

Ohabolana 14:23

Ny ezaka tsara rehetra dia misy tombontsoa avokoa, fa ny fitsaontsaom-bava kosa miteraka fahantrana.

Ohabolana 24:27

Vitao aloha ny asanao any ivelany ary ataovy vonon-kamokatra ny saha, vao izay ianao no manangana ny tranonao.

Mpitoriteny 1:13

Tsy niroa fo tokoa aho nikaroka sy namantatra amim-pahendrena ny zava-drehetra atao etỳ ambonin’ny tany. Asa mafy ampanaovin’Andriamanitra ny olona izany.

Mpitoriteny 5:12

Nahita zava-dratsy mampahory aho teto ambonin’ny tany, dia ny vola izay notahirizin’ny tompony nefa nampidi-doza azy.

Hosea 9:9

Nihoa-pampana ny faharatsianareo toy ny fahiny tany Gibehà. Nefa hotsaroan’ny Tompo ny helokareo, ary hoteteziny tsirairay ny fahotanareo.

Efesiana 4:28

Izay nangalatra, aoka tsy hangalatra intsony; fa aleo mikely aina manao zavatra tsara, mba hisy homeny izay sahirana.

2Tesaloniana 3:10

Eny, fony tany aminareo izahay, dia namepetra anareo hoe: «Raha misy tsy te hiasa, aoka izy tsy hihinana!»

Mpitsara 19:1

Tamin’izany andro mbola tsy nisian’ny mpanjaka tany Israely izany, dia nisy levita iray nivahiny tany amin’ny toerana mihataka, an-tsisin’ny faritra be tendrombohitra any Efraîma. Naka vadikely iray tao Betlehema any Joda izy.

Mpitsara 19:14

Dia nanohy ny diany izy. Ary efa nilentika ny masoandro fony izy tonga teo akaikin’i Gibehà, tao amin’ny faritanin’i Benjamîna.

Mpitsara 19:15

Dia nivily tao Gibehà izy mba handry tao. Niditra ny tanàna izy ka nipetraka teo an-kianja, nefa tsy nisy olona nampiantrano azy handry.

Mpitsara 19:17

Nahatsikaritra ity vahiny miandry eo an-kianja ilay lahiantitra ka nanontany azy hoe: –Avy aiza ary ho aiza izato ianao?