Mpitsara 16:2 - DIEM PROTESTANTA

² Fantatry ny mponina fa tonga tao i Samsôna; dia nanao fiambenana tokoa ny Gazita sady nitily azy teo am-bavahadin’ny tanàna nandritra ny alina manontolo. Saingy tsy niraika izy ireo tamin’io alina manontolo io fa nanao anakampo hoe: «Aoka handrasantsika hazava ny maraina, vao hovonointsika izy!»

Baiboly Protestanta Malagasy 2011

² Ary nisy nilaza tamin’ny Gazita hoe: Tonga atỳ i Samsona. Dia nanodidina azy izy ireo ka nanao vela-pandrika mandritra ny alina teo am-bavahadin’ny tanàna ary nangina mandritra ny alina, fa hoy ireo: Rehefa maraina ny andro dia hovonointsika izy.

Dikateny Iombonana Eto Madagasikara

² Fantatry ny mponina fa tonga tao i Samsôna; dia nanao fiambenana tokoa ny Gazita sady nitily azy teo am-bavahadin’ny tanàna nandritra ny alina manontolo. Saingy tsy niraika izy ireo tamin’io alina manontolo io fa nanao anakampo hoe: «Aoka handrasantsika hazava ny maraina, vao hovonointsika izy!»

Baiboly Katolika

² Nilazana ny mponina tao Gazà fa hoe: «Tonga ao i Samsôna», ka nanemitra an’i Samsôna izy ireo; ary nanotrika tao am-bavahadin’ny tanàna nandritra ny alina. Nipetraka tsy nihetsiketsika izy ireo iny alina tontolo iny fa hoy izy: «Aoka aloha mandra-pangiran’ny andro maraina, dia hovonointsika izy».

Baiboly Protestanta Malagasy

² Ary nolazaina tamin’ny Gazita hoe: Tonga atỳ Samsona. Dia nanemitra azy izy ary nanotrika mandritra ny alina teo am-bavahadin’ny tanàna ka nangina mandritra ny alina; fa hoy izy: Raha maraina ny andro, dia hovonointsika izy.

Malagasy Bible

² Ary nolazaina tamin'ny Gazita hoe: Tonga atỳ Samsona. Dia nanemitra azy izy ary nanotrika mandritra ny alina teo am-bavahadin'ny tanàna ka nangina mandritra ny alina; fa hoy izy: Raha maraina ny andro, dia hovonointsika izy.

La Bible en Malgache

² Ary nisy nilaza tamin’ny Gazita hoe: Tonga atỳ i Samsona. Dia nanodidina azy izy ireo ka nanao vela-pandrika mandritra ny alina teo am-bavahadin’ny tanàna ary nangina mandritra ny alina, fa hoy ireo: Rehefa maraina ny andro dia hovonointsika izy.

Mpitsara 16:2 Rohy Ifampitohizana

Matio 21:38

Vao nahita ity zanany kosa ireo mpamboly, dia nifampiresaka hoe: «Ny mpandova ity, ka ndeha hovonoina dia ho lasantsika ny lovany.»

Matio 27:1

Nony maraina ny andro, dia nikaon-doha avokoa ny lohandoha-mpisorona sy ny loholon’ny vahoaka jiosy hamelezana an’i Jesoa, mba hampanamelohana Azy ho faty.

Lioka 21:20

–Rehefa hitanareo voahodidina miaramila i Jerosalema, dia fantaro fa antomotra ny fandravana azy.

Asan’ny Apostoly 23:15

Ankehitriny àry dia aoka ianareo sy ny Fitsarana ambony hangataka amin’ny komandy mba hitondrany an’i Paoly mankatỳ aminareo, mody hoe te hamotopototra mazavazava kokoa ny momba azy. Izahay kosa dia efa vonona ny hamono azy alohan’ny higadonany eto.

Asan’ny Apostoly 9:24

saingy nampahafantarina an’i Saoly mialoha izany fiokoana izany. Nambenan-dry zareo Jiosy andro aman’alina ny vavahadin’ny tanàna mba hamonoana an’i Saoly.

Mpitsara 15:18

Ary nahatsiaro nangetaheta mafy i Samsôna ka niantso vonjy tamin’ny TOMPO nanao hoe: –Ianao no nanome ahy izao fandresena lehibe izao; koa ankehitriny ve dia havelanao ho fatin-ketaheta aho, ka ho latsaka eo an-tanan’ireo tsy mifora ireo?

Mpitsara 16:3

Dia natory tsara i Samsôna ambara-pisasaky ny alina. Fa nony nisasaka ny alina, dia nifoha izy; ka nobetainy ny lela-varavarana kopa-droan’ny vavahadin’ny tanàna mbamin’ny tolàna roa ary nongotany niaraka tamin’ny hidiny, dia nataony an-tsoroka ary nentiny ka napetrany teo an-tampon’ny tendrombohitra manoloana ny tanàna Hebrôna.

1Samoela 19:11

i Saoly dia nandefa olona hiambina ny tranon’i Davida ary hamono azy ho faty ny ampitso maraina. Fa i Mikàla vadin’i Davida kosa nampandre azy ka nanao taminy hoe: –Raha tsy manavotra ny ainao izao alina izao ianao, dia ho faty tokoa rahampitso!

1Samoela 23:26

Tamin’ny lafiny ilan’ny tendrombohitra no nandehanan’i Saoly, fa i Davida sy ny olony kosa nandroso tamin’ny lafiny iray hafa. Nohafainganin’i Davida ny diany mba tsy hahazoan’i Saoly azy, satria ny mpanjaka sy ny olony efa manodidina vonon-kisambotra an’i Davida sy ny namany.