Mpitsara 1:7 - DIEM PROTESTANTA

⁷ Ary hoy i Adônỳ-Bezèka hoe: –Mpanjaka fitopolo, tapaka ankiben-tanana sy ankiben-tongotra, no nitsimpona hanina teo ambany latabatro; koa izay nataoko ihany no navalin’Andriamanitra ahy! Dia nentina ho any Jerosalema i Adonỳ-Bezèka ary maty tany.

Baiboly Protestanta Malagasy 2011

⁷ Dia hoy i Adonỳ-Bezeka: Mpanjaka fitopolo voatapaka ankiben-tanana sy ankiben-tongotra no nitsindroka hanina tao ambanin’ny latabatro; koa mba tahaka ny nataoko ihany lahy ity no navalin’Andriamanitra ahy! Ary noentin’ireo ho any Jerosalema izy ka maty tany.

Dikateny Iombonana Eto Madagasikara

⁷ Ary hoy i Adônỳ-Bezèka hoe: –Mpanjaka fitopolo, tapaka ankiben-tanana sy ankiben-tongotra, no nitsimpona hanina teo ambany latabatro; koa izay nataoko ihany no navalin’Andriamanitra ahy! Dia nentina ho any Jerosalema i Adonỳ-Bezèka ary maty tany.

Baiboly Katolika

⁷ Dia hoy i Adôni-Bezeka: «Mpanjaka fitopolo notapahina ankiben-tongotra aman-tanana no nitsindroka tao ambany latabatro, ka ny nataoko ity no afotitr’Andriamanitra amiko.» Nentina nankany Jerosalema izy, dia maty tany.

Baiboly Protestanta Malagasy

⁷ Ary hoy Adony-bezeka: Mpanjaka fito-polo voatapaka ny ankihiben-tànany sy ny ankihiben-tongony no nitsondrika hanina teo ambanin’ny latabatro; ka mba tahaka ny nataoko ihany lahy ity no navalin’Andriamanitra ahy! Ary nentin’ireo ho any Jeroselama izy ka maty tany.

Malagasy Bible

⁷ Ary hoy Adoni-bezeka: Mpanjaka fito-polo voatapaka ny ankihiben-tànany sy ny ankihiben-tongony no nitsindroka hanina teo ambanin'ny latabatro; ka mba tahaka ny nataoko ihany lahy ity no navalin'Andriamanitra ahy! Ary nentin'ireo ho any Jerosalema izy ka maty tany.

La Bible en Malgache

⁷ Dia hoy i Adonỳ-Bezeka: Mpanjaka fitopolo voatapaka ankiben-tanana sy ankiben-tongotra no nitsindroka hanina tao ambanin’ny latabatro; koa mba tahaka ny nataoko ihany lahy ity no navalin’Andriamanitra ahy! Ary noentin’ireo ho any Jerosalema izy ka maty tany.

Mpitsara 1:7 Rohy Ifampitohizana

1Mpanjaka 21:19

Koa teneno izy hoe: Izao no lazain’ny TOMPO: «Rehefa avy nahafaty olona ve ianao, dia mbola haka ny fananany koa!» Ary teneno indray izy hoe: Izao no lazain’ny TOMPO: «Eo amin’ny toerana izay nilelafan’ny alika ny ran’i Nabôta no hilelafan’ny alika ihany koa ny ranao.»

Eksodosy 29:20

Hovonoinao ho faty ilay ondrilahy, ary hanalanao ny rany ka hatentinao amin’ny tendron-dravintsofina ankavanan’i Aharôna sy ny zanany, ary amin’ny ankiben-tongotra aman-tanany ankavanana avy; avy eo dia hafafinao amin’ny lafin’ny alitara ambony manodidina ny ra sisa.

Isaia 33:1

Lozanao, ry ilay tsy norobaina nefa mandroba sy ry ilay tsy nofitahina nefa mamitaka. Rehefa mitsahatra mandrava ianao, dia mba horavana koa; ary rehefa mitsahatra mamitaka, dia mba hofitahina koa.

Zefania 3:19

Indro tonga ny fotoana hamelezako izay rehetra nampahory anareo. Hotsaboiko ny maratranareo, hampodîko ny voasesitany; eny, havadiko ho voninahitra sy laza ny fanaovana tsinontsinona anareo tany amin’ny tany rehetra.

Romana 2:15

Asehon’izy ireo fa voasoratra ao am-pony tokoa ny asan’ny lalàna; ka vavolombelon’izany ny eritreriny izay indraindray miampanga azy, indraindray miaro azy.

Jakoba 2:13

satria fitsarana tsy misy indrafo no hataon’Andriamanitra amin’izay tsy namindra fo; ny famindrampo kosa afa-mirehareha tsy matahotra ny fitsarana.

Apokalipsy 13:10

Raha misy natao ho amin’ny fahababoana, dia hankany amin’ny fahababoana izy; raha misy natao ho fatin’ny sabatra, dia ho fatin’ny sabatra izy. Amin’izany no ilana ny faharetana sy ny finoana eo amin’ny vahoakan’Andriamanitra.»

Apokalipsy 16:6

Fa ny ran’ireo anisan’ny vahoakan’Andriamanitra sy ny ran’ireo mpaminany no nalatsak’ireny olona ireny; ka dia ra kosa no efa nomenao hosotroiny, ary mendrika azy izany.»

Mpitsara 1:6

Vaky nandositra i Adônỳ-Bezèka saingy nenjehin’ireo ka tratrany, dia notapahiny ny ankiben-tanany sy ny ankiben-tongony.

Mpitsara 9:24

Izany no ho valin’ny herisetra nataon’i Abimelèka tamin’ny fitopolo lahy zanak’i Jerobahala sy ho todin’ny ran’ny rahalahiny izay novonoiny, sady hamaliana ireo mponin’i Sekema izay niara-nitsikombakomba taminy.

Mpitsara 9:57

Novalian’Andriamanitra toy izany koa ny mponin’i Sekema ka natsingeriny teo an-dohany ny ratsy rehetra nataony, ary tanteraka taminy ireo ozona nambaran’i Jôtama, zanakalahin’i Jerobahala.

1Samoela 15:33

Nefa hoy i Samoela taminy: –Ny sabatrao no tsy nananan’ny vehivavy maro ny zanany. Dia notetehin’i Samoela tamin’ny sabatra teo anatrehan’ny TOMPO tao Gilgala i Agaga.