Mpitsara 1:22 - DIEM PROTESTANTA

²² Ny taranak’i Efraîma sy i Manase zanakalahin’i Jôsefa kosa dia niakatra nanafika an’i Betela ary nombàn’ny TOMPO.

Baiboly Protestanta Malagasy 2011

²² Fa niakatra koa ny taranak’i Josefa mba hamely an’i Betela; ary NY TOMPO nomba azy.

Dikateny Iombonana Eto Madagasikara

²² Ny taranak’i Efraîma sy i Manase zanakalahin’i Jôsefa kosa dia niakatra nanafika an’i Betela ary nombàn’ny TOMPO.

Baiboly Katolika

²² Niakatra namely an’i Betela koa ny fianakavian’i Josefa ary nomba azy ireo i Iaveh.

Baiboly Protestanta Malagasy

²² Ary ny taranak’i Josefa dia niakatra koa hamely an’i Betela; ary Jehovah nomba azy.

Malagasy Bible

²² Ary ny taranak'i Josefa dia niakatra koa hamely an'i Betela; ary Jehovah nomba azy.

La Bible en Malgache

²² Fa niakatra koa ny taranak’i Josefa mba hamely an’i Betela; ary NY TOMPO nomba azy.

Mpitsara 1:22 Rohy Ifampitohizana

Genesisy 49:24

Kanjo nateza mafy ny tsipîkan’i Jôsefa, ary kinga hatrany ny sandry aman-tanany. Noho ny fiarovan’ilay Andriamanitra maherin’i Jakôba, noho ny anaran’ilay Mpiandry izay vatolampy iankinan’i Israely,

2Mpanjaka 18:7

Dia niaraka tamin’i Hezekià ny TOMPO, ka nampahomby izay rehetra nataony. Nikomy tamin’ny mpanjakan’i Asiria izy ka tsy nety hofeheziny intsony.

1Tantara 7:29

Teo am-pelatanan’ny taranak’i Manase kosa i Bety-Seàna sy i Tahanàka ary i Megidao sy i Dôra, mbamin’ireo tanàna kely samy miankina aminy avy. Tamin’ireo tanàna ireo no nonenan’ny taranak’i Jôsefa, zanakalahin’i Jakôba.

Nomery 1:10

i Elisamà zanak’i Hamihoda no avy amin’ny fokon’i Efraîma zanak’i Jôsefa; i Gamaliela zanak’i Pedahatsoro no avy amin’ny fokon’i Manase zanak’i Jôsefa;

Josoa 14:4

satria ny taranak’i Jôsefa dia efa foko roa: ny fokon’i Manase sy ny fokon’i Efraîma. Koa tsy nomena zaratany ny levita afa-tsy tanàna honenana sy kijàna manodidina azy ho an’ny biby fiompiny mbamin’ny fananany hafa.

Josoa 8:12

Efa nifantina tokony ho dimy arivo lahy moa i Josoa ka nametraka azy hamitsaka teo andrefan’ny tanàna, teo anelanelan’i Betela sy i Hay.

Apokalipsy 7:8

Avy tamin’ny fokon’i Zebolòna: 12 000. Avy tamin’ny fokon’i Jôsefa: 12 000. Avy tamin’ny fokon’i Benjamîna: 12 000 no voaisy tombokase.

Mpitsara 1:19

Ny TOMPO mihitsy no efa nomba ny olon’i Joda tamin’izany, ka azony ny faritra be tendrombohitra. Nefa tsy voaroakany ireo mponin’ny tany lemaka, satria nanana kalesy vy ireny.

Mpitsara 1:21

Fa ny Jebosita izay nonina tao Jerosalema kosa dia tsy voaroakan’ny taranak’i Benjamîna, ka mbola miara-nonina amin’ny taranak’i Benjamîna ao Jerosalema mandraka androany.

Mpitsara 1:23

Nandefa iraka izy aloha mba hijery ny tanàna, izay nantsoina hoe Lozy tamin’izany fotoana izany.