Mika 7:19 - DIEM PROTESTANTA

¹⁹ Hamindranao fo indray izahay, hohitsakitsahinao ny helokay; ary any ambany ranomasina lalina any no hanarianao ny fahotanay rehetra.

Baiboly Protestanta Malagasy 2011

¹⁹ Hamindra fo amintsika indray Izy ka hanitsakitsaka ny fahotantsika; eny, harianao ho any amin’ny ranomasina lalina ny fahotany rehetra.

Dikateny Iombonana Eto Madagasikara

¹⁹ Hamindranao fo indray izahay, hohitsakitsahinao ny helokay; ary any ambany ranomasina lalina any no hanarianao ny fahotanay rehetra.

Baiboly Katolika

¹⁹ Hamindra fo amintsika indray Izy ka hanitsakitsaka ny faharatsiantsika. Harianao any ambany ranomasina, ny fahotany rehetra;

Baiboly Protestanta Malagasy

¹⁹ Hamindra fo amintsika indray Izy Ka hanitsakitsaka ny fahotantsika,– Eny, harianao ho any amin’ny ranomasina lalina ny fahotany rehetra.

Malagasy Bible

¹⁹ Hamindra fo amintsika indray Izy Ka hanitsakitsaka ny fahotantsika, Eny, harianao ho any amin'ny ranomasina lalina ny fahotany rehetra.

La Bible en Malgache

¹⁹ Hamindra fo amintsika indray Izy ka hanitsakitsaka ny fahotantsika; eny, harianao ho any amin’ny ranomasina lalina ny fahotany rehetra.

Mika 7:19 Rohy Ifampitohizana

2Samoela 24:14

Ary hoy i Davida tamin’i Gada: –Sanganehana mafy aho; nefa aleoko ho azon’ny tanan’ny TOMPO, toy izay ho azon’ny tanan’olona, satria lehibe tokoa ny famindrampon’ny TOMPO.

Salamo 103:12

tahaka ny halavitry ny atsinanana amin’ny andrefana no hampanalavirany amintsika ny hadisoantsika.

Salamo 130:8

Eny, Izy no hanavotra ny vahoaka Israely ho afaka amin’ny fahotana rehetra.

Salamo 85:3

Nesorinao ny heloky ny vahoakanao ary navelanao avokoa ny fahotany. Fiatoana

Isaia 33:24

Tsy hisy intsony amin’ny mponin’i Jerosalema hiteniteny hoe: «Marary aho!» Ny vahoaka mitoetra ao amin’io tanàna io dia ho voavela heloka.

Isaia 38:17

Indro niova ho fahasambarana ilay fahoriako nangidy dia nangidy. Fatra-pitia ahy Ianao ka tsy namela ahy ho faty; fa narianao any ivohonao ny heloko rehetra.

Isaia 43:25

Kanefa Izaho dia Izaho mihitsy no mamela ny fahadisoanao noho ny amin’ny tenako ihany, ka tsy hotsarovako intsony ny fahotanao.

Jeremia 31:20

I Efraîma no zanakalahy mamiko, hoy ny teny hentitra avy amiko TOMPO, zanaka malalako indrindra izy. Isaky ny manameloka azy Aho, dia mahatsiaro azy hatrany ka manjary mangoraka azy ary dia mamindrafo aminy tokoa.

Jeremia 31:34

Tsy mila hanatona ny namany na mpiray tampo aminy intsony izy mba hampianatra ireny hahalala Ahy TOMPO; fa hatramin’ny kely indrindra ka hatramin’ny lehibe indrindra dia samy hahalala Ahy avokoa izy rehetra, hoy ny teny hentitra avy amiko TOMPO. Fa havelako ny fahadisoany ary tsy hotsarovako intsony ny helony.»

Jeremia 33:8

Hodioviko ho afaka amin’ny heloka rehetra izay nataony tamiko izy; eny, havelako ny heloka rehetra izay nikomiany tamiko.

Jeremia 50:20

Izaho TOMPO dia manao teny hentitra hoe: Amin’izany andro izany, na dia hotadiavina aza ny fahadisoan’i Israely sy ny helok’i Joda, dia hanjavona tsy ho hita intsony; satria havelako heloka ireo sisa notsimbiniko ho velona.

Fitomaniana 3:22

Tsy ritra ny mari-pitiavan’ny TOMPO ary tsy mitsahatra ny famindrampony;

Fitomaniana 3:32

Fa raha mampahory Izy, dia mamindrafo araka ny halehiben’ny fitiavany.

Ezekiela 18:22

Hohadinoina ny heloka rehetra vitany ka ho velona izy noho ny marina ataony.

Ezekiela 39:29

Ny Fanahiko no hatosako amin’ny Israelita, ka tsy hiafenako tava intsony ireo; teny hentitra avy amiko Tompo ANDRIANANAHARY izany.

Daniela 9:24

Fito taona impitopolo no voatendry ho an’ny firenenao ary ho an’ilay tanànanao masina; ilaina izany mba hampijanona ny heloka bevava sy hampitsaharana ny ota, mba hamelàna ny fahadisoana sy hisehoan’ny fahamarinana mandrakizay ary mba hahatanterahan’ny fahitana amam-paminaniana sy hanokanana indray ny Toeramasina indrindra.

Hosea 14:2

Ry Israelita ô, mba miverena amin’ny TOMPO Andriamanitrareo, fa ny helokareo no nahalavo anareo.

Hosea 14:4

Tsy i Asiria no hahavonjy anay, tsy hitaingin-tsoavaly izahay; ary tsy amin’ny sampy asan-tananay intsony no hitenenanay hoe: ‹Ry Andriamanitray ô!›; fa Ianao no mamindrafo amin’ny kamboty.»

Zakaria 3:4

Dia niteny io anjely io ka nandidy ireo olona teo akaikin’i Josoa hoe: –Esory aminy ny fitafiana maloto. Dia hoy kosa ilay anjely tamin’i Josoa: –Indro efa nesoriko ny fahotanao ka hampiakanjoako fitafiana mihaja ianao.

Romana 6:14

Tsy hanan-kery aminareo intsony ny fahotana, noho ianareo tsy eo ambany fahefan’ny lalàna, fa eo ambany fahefan’ny fahasoavana.

Romana 8:13

Satria raha velona araka ny maha olona mpanota ianareo, dia ho faty; fa raha ny Fanahy Masina no amonoanareo ny asan’ny maha olona mpanota, dia ho velona ianareo.

Deoteronomia 30:3

Dia haverin’ny TOMPO Andriamanitrareo amin’ny fiainanareo taloha ianareo sady hamindrany fo, ka hangoniny indray avy any amin’ny firenena rehetra nampielezany anareo.

Deoteronomia 30:6

dia hodiovin’ny TOMPO Andriamanitrareo ny fonareo sy ny fon’ny taranakareo hitiavanareo AZY amin’ny fonareo manontolo sy amin’ny fanahinareo manontolo, mba ho velona ianareo.

Deoteronomia 32:36

Eny, homen’ny TOMPO rariny tokoa ny vahoakany rehefa hitany fa lany hery; hohasoaviny indray ireo manompo Azy rehefa hitany fa tsy misy ianteherany intsony.

Titosy 2:14

I Jesoa Kristy dia nanolo-tena ho antsika mba hanavotra antsika ho afaka amin’ny ratsy rehetra ka hahatonga antsika ho vahoaka voadio, natao ho Azy tokoa sy hazoto hanatontosa asa tsara.

Hebreo 8:12

Havelako tokoa ny helony ary tsy hotsarovako intsony ny fahotany.»

1Jaona 3:8

Izay manota dia avy amin’ny devoly, satria ny devoly dia mpanota hatrany am-boalohany. Ary ny anton’ny nisehoan’ilay Zanak’Andriamanitra, dia ny handrava ny asan’ny devoly.