Matio 6:5 - DIEM PROTESTANTA

⁵ –Rehefa mivavaka ianareo, aza mba manahaka ny mpihatsaravelatsihy. Tian-dry zareo ny maka toerana ao amin’ny sinagôga sy eny amin’ny fihaonan-dalana raha mivavaka, mba hahitan’ny olona azy. Lazaiko marina aminareo fa efa azony ny valisoany.

Baiboly Protestanta Malagasy 2011

⁵ Rehefa mivavaka ianareo, aza mba ho tahaka ny mpihatsaravelatsihy; fa izy tia ny mivavaka mitsangana eo amin’ny sinagoga sy eny an-joron-dalana mba hahitan’ny olona azy. Lazaiko aminareo marina tokoa fa efa azony ny valim-pitiany.

Dikateny Iombonana Eto Madagasikara

⁵ –Rehefa mivavaka ianareo, aza mba manahaka ny mpihatsaravelatsihy. Tian-dry zareo ny maka toerana ao amin’ny sinagôga sy eny amin’ny fihaonan-dalana raha mivavaka, mba hahitan’ny olona azy. Lazaiko marina aminareo fa efa azony ny valisoany.

Baiboly Katolika

⁵ Ary raha mivavaka ianareo, aza mba manao tahaka ny mpihatsaravelatsihy, izay tia ny mivavaka mitsangana ao amin’ny sinagoga sy eny an-joron-dalana, mba hahitan’ny olona azy. Lazaiko aminareo marina tokoa fa efa azony ny valisoany.

Baiboly Protestanta Malagasy

⁵ Ary raha mivavaka hianareo, aza mba ho tahaka ny mpihatsaravelatsihy; fa izy tia ny mivavaka mitsangana eo amin’ny synagoga sy eo an-joron-dàlana hahitan’ny olona azy. Lazaiko aminareo marina tokoa fa efa azony ny valim-pitiany.

Malagasy Bible

⁵ Ary raha mivavaka ianareo, aza mba ho tahaka ny mpihatsaravelatsihy; Fa izy tia ny mivavaka mitsangana eo amin'ny synagoga sy eo an-joron-dalana hahitan'ny olona azy. Lazaiko aminareo marina tokoa fa efa azony ny valim-pitiany.

La Bible en Malgache

⁵ Rehefa mivavaka ianareo, aza mba ho tahaka ny mpihatsaravelatsihy; fa izy tia ny mivavaka mitsangana eo amin’ny sinagoga sy eny an-joron-dalana mba hahitan’ny olona azy. Lazaiko aminareo marina tokoa fa efa azony ny valim-pitiany.

Matio 6:5 Rohy Ifampitohizana

Salamo 5:2

TOMPO ô, mba henoy re ny teniko; aoka ho tandrinao ny sentom-poko.

Salamo 55:17

Izaho kosa miantso an’Andriamanitra ka Izy TOMPO mihitsy no hamonjy ahy.

Ohabolana 15:8

Halan’ny TOMPO ny sorona aterin’ny olon-dratsy; fa sitrany kosa ny vavaky ny olo-mahitsy.

Ohabolana 16:5

Halan’ny TOMPO ny olona miavona; azo antoka fa hofaiziny ireny.

Isaia 1:15

Raha manandra-tanana hivavaka ianareo dia hitampi-maso tsy hijery Aho. Na manao vavaka maro aza ianareo, dia tsy hihaino akory Aho, satria feno ra ny tananareo.

Jeremia 29:12

Amin’izay raha miantso Ahy ianareo ka mivavaka amiko, dia hihaino anareo Aho.

Daniela 6:10

Koa dia nosoniavin’i Dariôsa mpanjaka izany didy aman-dalàna izany.

Matio 21:22

Raha mino ianareo, na inona na inona hangatahinareo amin’ny fivavahana dia ho azonareo avokoa.

Matio 23:13

–Mampalahelo ianareo, ry mpahay lalàna sy Farisianina mpihatsaravelatsihy! Fa hidianareo eo anoloan’ny olona ny vavahady mankao amin’ny Fanjakàn’ny lanitra; ka ianareo tsy miditra, ary izay te hiditra tsy avelanareo hiditra. [

Matio 23:5

Ny asany rehetra dia ataony mba ho hitan’ny olona; ka dia lehibe ny azy ny boaty mirakitra tenin’ny lalàna fitondra eny an-kandrina na eny an-tsandry, ary vaventy ny somotraviavy eny amin’ny lambany.

Matio 23:6

Ny ankamamiany dia ny maka ny toeram-boninahitra amin’ny fanasana sy ny mipetraka eny aloha ao amin’ny sinagôga

Matio 6:1

–Tandremo ny manao adidy ara-pivavahana eo imason’ny olona mba ho hitany, sao ianareo tsy mahazo valisoa avy amin’ny Rainareo Izay any an-danitra.

Matio 6:16

–Rehefa mifady hanina ianareo, aza mba manahaka ny mpihatsaravelatsihy ka malahelo endrika. Ataon-dry zareo manjonitra ny tarehiny mba hahitan’ny olona azy hoe mifady hanina. Lazaiko marina aminareo fa efa azony ny valisoany.

Matio 6:2

Koa rehefa manao fiantrana ianao, aza dia antsoantsoina ho ren’ny tany ama-monina, sahala amin’ny fanaon’ny mpihatsaravelatsihy any amin’ny sinagôga sy eny an-dalambe, mba hankalazan’ny olona azy. Lazaiko marina aminareo fa efa azony ny valisoany.

Matio 9:38

Koa angataho ny Tompom-bokatra mba haniraka mpiasa hamory ny vokany.

Marka 11:25

Ary raha mijoro mivavaka ianareo, ka misy olona anananareo alahelo dia mamelà ny hadisoany mba havelan’ny Rainareo Izay any an-danitra koa ny hadisoanareo. [

Marka 12:38

Hoy koa i Jesoa tamin’ny fampianarany hoe: –Mitandrema amin’ireo mpahay lalàna. Ny tiany dia ny mandehandeha eny amin’ny lala-mitafon’ny tempoly sy ny arahabaina eny an-kianja,

Lioka 11:43

Mampalahelo ianareo, ry Farisianina! Fa tianareo ny mipetraka eny aloha ao amin’ny sinagôga ary ny arahabain’ny olona eny an-kianja.

Lioka 18:1

Nanaovan’i Jesoa fanoharana avy eo ny mpianany hanehoana fa tsy maintsy mivavaka lalandava, ka tsy tokony ho kivy na oviana na oviana.

Lioka 18:13

Ilay mpamory hetra kosa nijanona terỳ lavidavitra, tsy sahy niandrandra ny lanitra akory, fa nandondòna ny tratrany matetika sady nanao hoe: «Andriamanitra ô, mba iantrao re aho, fa mpanota!»

Lioka 20:47

Ataony tapitra ny fananan’ny mpitondratena ary vavaka lavareny no mody ataony hisehosehoana: ireny olona ireny dia hohelohina mafimafy kokoa.

Lioka 6:24

–Mampalahelo kosa ianareo mpanana, fa efa azonareo ny fahafaham-po! Mampalahelo ianareo voky ankehitriny, fa mbola ho noana!

Jaona 16:24

Mandraka ankehitriny dia tsy mbola nangataka na inona na inona noho ny anarako ianareo; mangataha, dia hahazo ianareo, mba ho feno ny hafalianareo.

Efesiana 6:18

Mivavaha hatrany ary mangataha ny fanampian’Andriamanitra amin’izany; eny, mivavaha mandrakariva araka izay anentanan’ny Fanahy Masina anareo. Miambena sy mazotoa hatrany mba hahatongavana amin’io tanjona io, ary dia mivavaha ho an’ny vahoakan’Andriamanitra rehetra.

1Tesaloniana 5:17

mivavaha lalandava;

Jakoba 4:6

Manome antsika fahasoavana lehibe lavitra anefa Andriamanitra, satria hoy ny Soratra Masina: «Toherin’Andriamanitra ny mpiavonavona, fa omeny fahasoavana kosa ny manetry tena.»