Matio 6:12 - DIEM PROTESTANTA

¹² avelao ny helokay, ary tahaka izany koa no amelanay izay meloka taminay;

Baiboly Protestanta Malagasy 2011

¹² Ary mamelà ny helokay tahaka ny namelanay izay meloka taminay.

Dikateny Iombonana Eto Madagasikara

¹² avelao ny helokay, ary tahaka izany koa no amelanay izay meloka taminay;

Baiboly Katolika

¹² avelao ny fahotanay tahaka ny amelanay izay nanao ratsy taminay;

Baiboly Protestanta Malagasy

¹² Ary mamelà ny helokay tahaka ny namelanay izay meloka taminay.

Malagasy Bible

¹² Ary mamelà ny helokay tahaka ny namelanay izay meloka taminay.

La Bible en Malgache

¹² Ary mamelà ny helokay tahaka ny namelanay izay meloka taminay.

Matio 6:12 Rohy Ifampitohizana

1Mpanjaka 8:30

Mba henoy ny fifonako sy ny an’ilay Israely vahoakanao, rehefa mivavaka mitodika amin’ity toerana ity izahay. Mba mihainoa any an-danitra toeram-ponenanao Ianao; eny, mihainoa anay ka mamelà ny helokay.

1Mpanjaka 8:34

dia mba mihainoa avy any an-danitra Ianao, TOMPO ô, ka mamelà ny fahotany ary mamerena azy indray amin’ny tany izay nomenao ny razany.

1Mpanjaka 8:39

dia mba mihainoa avy any an-danitra toeram-ponenanao Ianao, TOMPO ô, ka mamelà heloka azy; ary midira an-tsehatra Ianao ka araka ny sori-dalana rehetra nizorany anie no samy hamalianao azy avy, satria fantatrao ny fony; eny, Ianao dia Ianao irery ihany no mahalala ny fon’ny olombelona rehetra.

1Mpanjaka 8:50

ary dia avelao ny heloky ny vahoakanao izay efa nanota taminao sy ny fahadisoana rehetra izay vitany taminao. Enga anie hataonao mahazo indrafo amin’ny mpamabo azy, ka hamindrany fo tokoa.

Salamo 130:4

Kanefa ao aminao ny famelana mba hanajan’ny olona Anao.

Salamo 32:1

Tononkalo fananarana nataon’i Davida. Sambatra ny olona afa-keloka sy voavelan’Andriamanitra ny otany.

Eksodosy 34:7

Maneho ny fitiavako hatramin’ny taranaka faharivo Aho, ka mahalefitra ny heloka amam-pahadisoana ary ny ota; nefa kosa tsy manamarina izay meloka, fa mamaly ny heloky ny ray amin’ny zanaka amam-parany hatramin’ny zafiafy sy zafindohalika.»

Isaia 1:18

«Avia fa hifandahatra isika, hoy ny TOMPO. Na dia mena midorehitra aza ny fahotanareo, dia ho fotsy tahaka ny oram-panala, na dia mangatrakatraka tahaka ny jaky aza ireny, dia ho tahaka ny volon’ondry fotsy.

Daniela 9:19

Tompo ô, mihainoa; Tompo ô, mamelà heloka; Tompo ô, mandrenesa ka miasà; noho ny aminao aza ela Ianao, ry Andriamanitro ô, satria ny tanànanao sy ny vahoakanao dia efa niantsoina ny anaranao hitahianao azy.»

Matio 26:28

fa ny rako ity, dia ilay ra anorenan’Andriamanitra ny fanekempihavanany sady alatsaka ho an’ny besinimaro ho famelan-keloka.

Matio 9:2

Ary indro nisy lehilahy malemy nilamaka am-pandriana, nentin’olona teo aminy. Hitan’i Jesoa ny finoan’ireto olona, ka hoy Izy tamin’ilay malemy: –Mahereza, anaka; voavela ny helokao!

Marka 11:25

Ary raha mijoro mivavaka ianareo, ka misy olona anananareo alahelo dia mamelà ny hadisoany mba havelan’ny Rainareo Izay any an-danitra koa ny hadisoanareo. [

Lioka 11:4

Ary avelao ny fahotanay; dia izany koa no amelanay izay rehetra meloka taminay. Ary aza avela ho azon’ny fakampanahy izahay.»

Lioka 13:4

Ary ny olona 18 maty nianjeran’ny tilikambon’i Silôà, heverinareo ve fa diso mihoatra noho ny mponina hafa rehetra ao Jerosalema?

Lioka 6:37

–Aza mitsara olona, dia tsy hotsarain’Andriamanitra ianareo; aza manameloka olona, dia tsy hohelohin’Andriamanitra ianareo; mamelà, dia havelan’Andriamanitra ianareo;

Asan’ny Apostoly 13:38

Ry havako, izao àry no aoka ho fantatrareo: amin’ny alalan’i Jesoa no itoriana famelan-keloka aminareo. Tsy nanafaka ny helokareo velively ny lalànan’i Mosesy ary tsy nahatonga anareo ho olo-marina eo anatrehan’Andriamanitra; fa ao amin’i Jesoa, izay rehetra mino dia afaka amin’ny heloka rehetra ary tonga olo-marina eo anatrehan’Andriamanitra.

Efesiana 1:7

Ny ra nafoin-Janany no nahazoantsika ny fanavotana, dia ny famelana ny hadisoantsika. Izany no nanehoan’Andriamanitra ny harem-pahasoavany,

Efesiana 4:32

Fa aoka samy ho mora fo sy antra amin’ny namany avy ianareo; mifamelà heloka, tahaka ny namelan’Andriamanitra heloka anareo noho ianareo miray amin’i Kristy.

Kolosiana 3:13

Mifandefera ka mifamelà heloka ianareo, raha misy manana alahelo amin’ny sasany. Aoka ianareo koa mba hamela heloka, tahaka ny efa namelan’ny Tompo heloka anareo.