Matio 6:12 - Baiboly Protestanta Malagasy

¹² Ary mamelà ny helokay tahaka ny namelanay izay meloka taminay.

Baiboly Protestanta Malagasy 2011

¹² Ary mamelà ny helokay tahaka ny namelanay izay meloka taminay.

DIEM PROTESTANTA

¹² avelao ny helokay, ary tahaka izany koa no amelanay izay meloka taminay;

Dikateny Iombonana Eto Madagasikara

¹² avelao ny helokay, ary tahaka izany koa no amelanay izay meloka taminay;

Baiboly Katolika

¹² avelao ny fahotanay tahaka ny amelanay izay nanao ratsy taminay;

Malagasy Bible

¹² Ary mamelà ny helokay tahaka ny namelanay izay meloka taminay.

La Bible en Malgache

¹² Ary mamelà ny helokay tahaka ny namelanay izay meloka taminay.

Matio 6:12 Rohy Ifampitohizana

1Mpanjaka 8:30

Ary henoy ny fifonan’ny mpanomponao sy ny Isiraely olonao, raha mivavaka manatrika ity fitoerana ity izy; dia mihainoa any an-danitra fonenanao Hianao; eny, mihainoa, ka mamelà heloka.

1Mpanjaka 8:34

dia mihainoa any an-danitra Hianao, ka mamelà ny fahotan’ny Isiraely olonao, ary ampodio amin’ny tany nomenao ny razany izy.

1Mpanjaka 8:39

dia mihainoa any an-danitra fonenanao Hianao, ka mamelà heloka, ary manaova, ka omeo ny olonao araka ny alehany rehetra, fa fantatrao ny fony (fa Hianao dia Hianao irery ihany no mahalala ny fon’ny zanak’olombelona rehetra),

1Mpanjaka 8:50

eny, mamelà ny heloky ny olonao izay nanota taminao sy ny fahadisoany rehetra izay nataony taminao, ary ataovy mahazo famindrampo amin’izay mamabo azy izy, dia ny hamindran’ireo fo aminy;

Salamo 130:4

Fa eo aminao no misy ny famelan-keloka, Mba hatahorana Anao.

Salamo 32:1

Nataon’i Davida. Maskila. SAMBATRA ny olona izay voavela ny helony sy voasarona ny fahotany.

Eksodosy 34:7

mitahiry famindrampo ho an’ny olona arivo mandimby, mamela heloka sy fahadisoana ary fahotana, kanefa tsy mety manamarina ny meloka, fa mamaly ny heloky ny ray amin’ny zanaka sy ny zafy hatramin’ny zafiafy sy ny zafindohalika.

Isaia 1:18

Avia ary hifandahatra isika, hoy Jehovah: Na dia tahaka ny jaky aza ny fahotanareo, Dia ho fotsy tahaka ny orampanala, Na dia mangatrakatraka tahaka ny sily aza, Dia ho tahaka ny volon’ondry fotsy.

Daniela 9:19

Tompo ô, mandrenesa; Tompo ô, mamelà heloka; Tompo ô, mihainoa, ka miasà; aza ela Hianao, ry Andriamanitro ô, noho ny aminao; fa ny tanànanao sy ny olonao dia nantsoina amin’ny anaranao.

Matio 26:28

fa ity no rako, dia ny amin’ny fanekena, izay alatsaka ho an’ny maro ho famelan-keloka.

Matio 9:2

Ary, indro, nisy lehilahy anankiray mararin’ny paralysisa nandry tamin’ny fandriana nentin’ny olona teo aminy; ary Jesosy, nony nahita ny finoan’ireo, dia nanao tamin’ilay mararin’ny paralysisa hoe: Matokia, anaka; voavela ny helokao.

Marka 11:25

Ary raha mitsangana mivavaka hianareo, ka misy olona anananareo alahelo, dia mamelà ny helony, mba havelan’ny Rainareo Izay any an-danitra kosa ny helokareo.

Lioka 11:4

Ary mamelà ny helokay; fa izahay koa mamela izay rehetra meloka aminay. Ary aza mitondra anay ho amin’ny fakam-panahy.

Lioka 13:4

Ary ireny valo ambin’ny folo ireny, izay nianjeran’ny tilikambo tao Siloama ka maty, ataonareo va fa mpanota mihoatra noho ny olona rehetra izay monina ao Jerosalema ireny?

Lioka 6:37

Ary aza mitsara, dia tsy hotsaraina hianareo; aza manameloka, dia tsy hohelohina hianareo; mamelà, dia mba havela hianareo;

Asan’ny Apostoly 13:38

Ary aoka ho fantatrareo, ry rahalahy, fa izany Lehilahy izany no itoriana famelan-keloka aminareo;

Efesiana 1:7

Izy no ananantsika fanavotana amin’ny rany, dia ny famelana ny fahadisoantsika, araka ny haren’ny fahasoavany,

Efesiana 4:32

ary aoka samy halemy fanahy amin’ny namany avy hianareo, ka hifampiantra sy hifamela heloka, tahaka ny namelan’Andriamanitra ny helokareo ao amin’i Kristy.

Kolosiana 3:13

Mifandefera, ka mifamelà heloka hianareo, raha misy manana alahelo amin’ny sasany; tahaka ny namelan’ny Tompo ny helokareo no aoka mba hamelanareo heloka kosa.