Matio 3:2 - DIEM PROTESTANTA

² –Ialao ny toe-dratsy fa efa akaiky ny Fanjakàn’ny lanitra!

Baiboly Protestanta Malagasy 2011

² Mibebaha ianareo fa efa akaiky ny fanjakan’ny lanitra.

Dikateny Iombonana Eto Madagasikara

² –Ialao ny toe-dratsy fa efa akaiky ny Fanjakàn’ny lanitra!

Baiboly Katolika

² nanao hoe: «Mibebaha ianareo, fa efa akaiky ny fanjakan’ny lanitra.»

Baiboly Protestanta Malagasy

² Mibebaha hianareo; fa efa akaiky ny fanjakan’ny lanitra.

Malagasy Bible

² Mibebaha ianareo; fa efa akaiky ny fanjakan'ny lanitra.

La Bible en Malgache

² Mibebaha ianareo fa efa akaiky ny fanjakan’ny lanitra.

Matio 3:2 Rohy Ifampitohizana

1Mpanjaka 8:47

Rehefa mieritreritra izy any amin’ny tany nitondrana azy ho babo, dia hivalo sy hifona aminao manao hoe: ‹Efa nanota izahay sady efa nahavita heloka sy efa nanao ratsy›;

Joba 39:12

Hiantehitra aminy hampiditra ny vokatrao sy hanangona izany am-pamoloana ve ianao?

Joba 42:6

Izany no anatsoahako izay voambarako, sy iekeko hadisoana ary ietreko tena eto amin’ny vovoka sy ny lavenona.

Ezekiela 33:11

Ambarao aminy hoe: Velona Izaho Tompo ANDRIANANAHARY ka manao teny hentitra sy mianiana fa tsy sitrako ny hahafatesan’ireo olon-dratsy; fa ny tena tadiaviko dia ny hiovany mba hahavelona azy. Koa ialao mihitsy ny toe-dratsinareo, ry Israelita, fa nahoana moa no te ho faty ianareo?

Daniela 2:44

«Amin’ny andron’ireo mpanjaka ireo ilay Andriamanitry ny lanitra no hanangana fanjakana izay tsy ho rava na oviana na oviana; ary ny fiandrianany tsy ho lasan’ny firenen-kafa. Io fanjakana io no hanorotoro sy handevona ireo fanjakana rehetra talohany, fa izy kosa hitoetra mandrakizay.

Matio 10:7

Ary rehefa mandeha ianareo, dia manaova antso avo hoe: «Efa tonga ny Fanjakàn’ny lanitra!»

Matio 11:20

Tamin’izay i Jesoa dia niteny mafy ireo tanàna nahavitana ny ankamaroan’ny asa mahagaga nataony, satria tsy niala tamin’ny toetra ratsiny ireo mponina ao aminy; ka hoy i Jesoa:

Matio 12:41

Amin’ny andro fitsarana, dia hitsangana manoloana ny olona ankehitriny ireo mponina tao Ninive, ka hanameloka azy; fa niala tamin’ny toetra ratsy ireo mponina tao Ninive nony nandre ny toritenin’i Jônà! Indro anefa misy mihoatra noho i Jônà eto.

Matio 13:11

Dia novalian’i Jesoa hoe: –Ianareo no natao hahalala ny tsiambaratelo momba ny Fanjakàn’ny lanitra, fa ireo kosa tsy natao hahalala.

Matio 13:24

Ary nanolotra fanoharana hafa tamin’ny vahoaka i Jesoa ka nanao hoe: –Ny Fanjakàn’ny lanitra dia tahaka ny amin’ity lehilahy namafy voa tsara tamin’ny tanimbariny.

Matio 13:31

Ary nanolotra fanoharana hafa indray tamin’ny vahoaka i Jesoa ka nanao hoe: –Ny Fanjakàn’ny lanitra dia tahaka ny voan-tsinapy nalain’ity lehilahy anankiray ary nafafiny tany an-tanimboliny.

Matio 13:33

Ary nilaza fanoharana hafa koa tamin’ny vahoaka i Jesoa ka nanao hoe: –Ny Fanjakàn’ny lanitra dia tahaka ny leviora nalain’ity vehivavy anankiray ary nampifangaroiny tamin’ny koba eran’ny kovetabe mandra-pibohaky ny koba manontolo.

Matio 13:47

–Ary izao koa: ny Fanjakàn’ny lanitra dia tahaka ny harato nalatsaka anaty ranomasina ka nanangona izao karazan-trondro rehetra izao.

Matio 13:52

Dia hoy indray i Jesoa taminy: –Koa amin’izany àry, ny mpahay lalàna rehetra izay nanjary mpianatra ao amin’ny Fanjakàn’ny lanitra dia tahaka ny tompon-drakitra izay mamoaka zava-baovao sy tranainy avy amin’ny tahirin-drakiny.

Matio 18:23

Koa amin’izany, ny Fanjakàn’ny lanitra dia tahaka ny amin’ny mpanjaka anankiray izay te hampamoaka ireo mpanompony momba ny kaontim-bolany.

Matio 20:1

Fa ny Fanjakàn’ny lanitra dia tahaka ny amin’ity lehilahy anankiray tompona tanimboaloboka. Niainga vao maraina be ralehilahy hanakarama mpiasa ho any an-tanimboalobony.

Matio 22:2

–Ny Fanjakàn’ny lanitra dia tahaka ity mpanjaka nanao fanasambe noho ny fampakaram-badin’ny zanany lahy.

Matio 23:13

–Mampalahelo ianareo, ry mpahay lalàna sy Farisianina mpihatsaravelatsihy! Fa hidianareo eo anoloan’ny olona ny vavahady mankao amin’ny Fanjakàn’ny lanitra; ka ianareo tsy miditra, ary izay te hiditra tsy avelanareo hiditra. [

Matio 25:1

Amin’izay ny Fanjakàn’ny lanitra dia ho tahaka ny amin’ny tovovavy folo izay nitondra ny fanàlany ka lasa hitsena ny mpampakatra.

Matio 25:14

Ny Fanjakàn’ny lanitra dia tahaka ny amin’ny lehilahy handeha any an-tany hafa, ka niantso ny mpanompony ary nametraka ny fananany taminy.

Matio 4:17

Hatramin’izay i Jesoa dia nanomboka nitoriteny ka nanao hoe: –Ialao ny toe-dratsy, fa efa akaiky ny Fanjakàn’ny lanitra.

Matio 4:23

Ary nitety an’i Galilea manontolo i Jesoa, ka nampianatra tany amin’ny sinagôgan-dry zareo ary nanao antso avo ny Vaovao Mahafaly momba ny Fanjakàn’ny lanitra sady nanasitrana ny aretina mbamin’ny rofy rehetra teo amin’ny vahoaka.

Matio 5:10

Sambatra izay enjehina noho izy manao ny marina nosoritan’Andriamanitra, fa azy ny Fanjakàn’ny lanitra!

Matio 5:3

–Sambatra izay miaiky ao am-po ho mahantra, fa azy ny Fanjakàn’ny lanitra!

Matio 6:10

ho tonga anie ny Fanjakanao; hatao anie ny sitraponao, eto an-tany tahaka ny any an-danitra.

Matio 6:33

Nefa katsaho aloha ny Fanjakàn’Andriamanitra sy ny hanao ny marina nosoritany, dia homeny anareo ho fanampiny ireny rehetra ireny.

Marka 1:15

ka nilaza hoe: –Tonga ny fotoanandro; efa akaiky ny Fanjakàn’Andriamanitra, ialao ny toe-dratsy ary minoa ny Vaovao Mahafaly.

Marka 1:4

Araka izany, dia niseho i Jôhany ka nanao batisa tany an-taniefitra sy nanao antso avo hoe: –Ialao ny toe-dratsy, meteza hatao batisa, dia havelan’Andriamanitra ny helokareo.

Marka 6:12

Dia lasa izy 12 lahy ary nitory tamin’ny olona fa hoe tokony hiala amin’ny toe-dratsy.

Lioka 1:16

Maro amin’ny Israelita no hampodîny amin’ny Tompo Andriamanitra.

Lioka 11:20

Raha Izaho dia ny herin’Andriamanitra mihitsy no androahako ny demony ary miharihary amin’izany fa efa eto aminareo ny Fanjakàn’Andriamanitra.

Lioka 13:3

Tsia, hoy Aho aminareo, fa raha tsy ialanareo ny toe-dratsinareo, dia ho ringana tahaka azy koa ianareo rehetra.

Lioka 13:5

Tsia, hoy Aho aminareo, fa raha tsy ialanareo ny toe-ratsinareo, dia ho ringana tahaka azy koa ianareo rehetra.

Lioka 15:10

Toy izany koa, hoy Aho aminareo, hisy hafaliana ho an’ny anjelin’Andriamanitra amin’ny mpanota anankiray monja miala amin’ny toetra ratsiny.

Lioka 15:7

Toy izany koa, hoy Aho aminareo, hisy hafaliana any an-danitra amin’ny mpanota anankiray monja miala amin’ny toe-dratsiny fa tsy amin’ny olo-marina 99 tsy mila fialana amin’ny toe-dratsy.

Lioka 16:30

Dia hoy ilay mpanankarena: «Tsy izany re, ry ikaky Abrahama, fa raha misy olona avy atỳ amin’ny maty miverina any aminy, dia hialan’izy dimy mirahalahy ny toe-dratsy!»

Lioka 21:31

Toy izany koa raha vao hitanareo miantomboka izany zavatra izany, dia fantaro fa efa akaiky ny Fanjakàn’Andriamanitra.

Lioka 24:47

ary ny anarany no tsy maintsy hotorîna hatao antso avo amin’ny firenen-drehetra miantomboka eto Jerosalema, mba hanainga ny olona hiala amin’ny toetra ratsiny sy handray famelan-keloka.

Lioka 6:20

Dia nanopy maso ny mpianany i Jesoa ka nanao hoe: –Sambatra ianareo mahantra, fa anareo ny Fanjakàn’Andriamanitra!

Lioka 9:2

ary nirahiny hitory ny Fanjakàn’Andriamanitra sy hanasitrana ny marary,

Asan’ny Apostoly 11:18

Nony nandre izany ireo mpino jiosy, dia nitony ary nanome voninahitra an’Andriamanitra ka nanao hoe: –Marina fa nomen’Andriamanitra ny hafa firenena ihany koa ny hiala amin’ny toe-dratsy mba hahazoany fiainana.

Asan’ny Apostoly 17:30

Kanefa ninian’Andriamanitra tsy jerena intsony ireo andro tsy nahalalana Azy, fa antsoiny hiala amin’ny toe-dratsy avokoa ny olona rehetra, na aiza na aiza.

Asan’ny Apostoly 2:38

Dia hoy i Petera taminy: –Ialao ny toe-dratsy, ary aoka ianareo samy hatao batisa amin’ny anaran’i Jesoa Kristy mba ho voavela heloka, dia handray ny Fanahy Masina fanomezan’Andriamanitra.

Asan’ny Apostoly 20:21

Ny Jiosy ary koa ny hafa firenena dia samy nijoroako ho vavolombelona ka notaomiko hiala tamin’ny toe-dratsy ka hitodika amin’Andriamanitra sady hino an’i Jesoa Tompontsika.

Asan’ny Apostoly 26:20

Fa nitoriako aloha ny mponina tao Damasy ary koa ny tao Jerosalema, vao izay manerana ny faritany Jodea sy ny tanin’ny hafa firenena ka nanainga azy rehetra aho hiala amin’ny toetra ratsiny sy hiverina amin’Andriamanitra ary hanao asa mampiharihary fa nialany tokoa ny toetra ratsiny.

Asan’ny Apostoly 3:19

Noho izany, ialao ny toe-dratsy, ary miverena amin’Andriamanitra mba ho foana ny helokareo;

2Korintiana 7:10

Satria ny alahelo araka an’Andriamanitra dia mahatonga hiala amin’ny toe-dratsy, mba hiroso amin’ny famonjena tsy anenenana; fa ny alahelon’izao tontolo izao kosa dia mahatonga fahafatesana.

Kolosiana 1:13

fa nanala antsika tamin’ny fahefàn’ny haizina Izy, ka namindra antsika ho ao amin’ny Fanjakan’ny Zanany malalany,

2Timoty 2:25

ho mora fo raha mananatra ny mpanohitra azy: hataon’Andriamanitra miala amin’ny toe-dratsy angamba ireny mpanohitra ireny mba hahalala ny fampianarana marim-pototra;

Hebreo 6:1

Noho izany, aoka hilaozantsika ny abidim-pianarana momba an’i Kristy, fa aoka isika handroso amin’ny fampianarana sahaza ny olon-dehibe. Tsy hoe fanorenana indray no hataontsika: dia ny tokony hialana amin’ireo asa mitondra fahafatesana sy ny tokony hinoana an’Andriamanitra,

2Petera 3:9

Koa tsy ahemotry ny Tompo araka ny hevitry ny sasany akory ny fampanantenàny: saingy mahari-po aminareo Izy, satria tsy tiany hisy ho very fa mba hiroso hiala amin’ny toe-dratsy avokoa ny olona rehetra.

Apokalipsy 2:21

Efa nomeko andro io vehivavy io hialany amin’ny toe-dratsiny, saingy tsy mety miala amin’ny fijangajangàny.

Apokalipsy 2:5

Koa tsarovy izay nitoeranao fony mbola tsy lavo, dia ialao ny toe-dratsinao, ka ataovy indray ny asanao tany am-boalohany; fa raha tsy izany, dia ho avy aminao Aho, ka hanaisotra ny fitoeranjironao amin’izay misy azy, raha toa tsy ialanao ny toe-dratsinao.