Matio 26:63 - DIEM PROTESTANTA

⁶³ Fa nangina i Jesoa. Dia hoy ny mpisorombe taminy: –Mandidy Anao aho, amin’ny anaran’ilay Andriamanitra velona, mba hilaza aminay raha Ianao no ilay Mesia, ilay Zanak’Andriamanitra.

Baiboly Protestanta Malagasy 2011

⁶³ Nefa nangina Jesosy. Dia hoy ny Mpisoronabe Taminy: Ampianianiko amin’Andriamanitra velona Ianao hilaza aminay, raha Ianao no Kristy, Zanak’Andriamanitra.

Dikateny Iombonana Eto Madagasikara

⁶³ Fa nangina i Jesoa. Dia hoy ny mpisorombe taminy: –Mandidy Anao aho, amin’ny anaran’ilay Andriamanitra velona, mba hilaza aminay raha Ianao no ilay Mesia, ilay Zanak’Andriamanitra.

Baiboly Katolika

⁶³ Fa tsy niteny i Jesoa. Ary hoy ilay lehiben’ny mpisorona taminy: «Mandidy Anao amin’ny Anaran’Andriamanitra velona aho, hilaza aminay raha Ianao no Kristy Zanak’Andriamanitra.»

Baiboly Protestanta Malagasy

⁶³ Nefa tsy niteny Jesosy. Dia hoy ny mpisoronabe taminy: Ampianianiko amin’Andriamanitra velona Hianao hilaza aminay, raha Hianao no Kristy, Zanak’Andriamanitra.

Malagasy Bible

⁶³ Nefa tsy niteny Jesosy. Dia hoy ny mpisoronabe taminy: Ampianianiko amin'Andriamanitra velona Hianao hilaza aminay, raha Hianao no Kristy, Zanak'Andriamanitra.

La Bible en Malgache

⁶³ Nefa nangina Jesosy. Dia hoy ny Mpisoronabe Taminy: Ampianianiko amin’Andriamanitra velona Ianao hilaza aminay, raha Ianao no Kristy*, Zanak’Andriamanitra.

Matio 26:63 Rohy Ifampitohizana

1Mpanjaka 22:16

Fa hoy indray ny mpanjaka taminy: –Impiry moa no hampianianako anao mba tsy hilaza amiko afa-tsy ny marina ihany amin’ny anaran’ny TOMPO?

2Tantara 18:15

Fa hoy indray ny mpanjaka taminy: –Impiry moa no hampianianako anao mba tsy hilaza amiko afa-tsy ny marina ihany amin’ny anaran’ny TOMPO?

Salamo 42:2

Tahaka ny diera maniry ranovelona no aniriako Anao, Andriamanitra ô.

Ohabolana 29:24

Izay miray tetika amin’ny mpangalatra, dia fahavalon’ny tenany; nandre ny ozona mety hihatra izy, kanefa tsy milaza ny mpangalatra.

Isaia 53:7

Nampahorîna ny Mpanompon’ny Tompo, nefa nanetry tena ka tsy niloa-bava akory, tahaka ny zanakondry entina hovonoina sy tahaka ny ondrivavy eo anatrehan’ny manety azy. Eny, tsy niloa-bava akory izy.

Daniela 3:16

Dia namaly i Sadràka sy i Mesàka ary i Habeda-Negao ka nanao hoe: –Ry Nebokadnetsara, tsy misy tokony hamalianay anao akory momba izany.

Levitikosy 5:1

«Raha misy olona mandre ny antso avo ataon’ny fampanoavana ho an’ireo vavolombelona ka ny tenany dia vavolombelona nahita na nahalala nefa tsy manambara, dia manota izy ary itambesaran’ny heloka.

Matio 16:16

Dia novalian’i Simôna Petera hoe: –Ianao no ilay Mesia, ny Zanak’ilay Andriamanitra velona!

Matio 26:62

Dia nitsangana ny mpisorombe ary niteny tamin’i Jesoa hoe: –Tsy mamaly na inona na inona ve Ianao? Inona no iampangan’ireo Anao?

Matio 27:12

Fa raha niampanga Azy ny lohandoha-mpisorona sy ny loholona, dia tsy novalian’i Jesoa akory.

Matio 27:14

Fa tsy namaly an’i Pilato akory i Jesoa na indraim-bava aza, hany ka gaga mihitsy ny governora.

Matio 27:40

ka nanao hoe: –Ry Ilay mandrava ny tempoly sy manorina azy anatin’ny telo andro ity, vonjeo ny tenanao, raha Zanak’Andriamanitra tokoa Ianao, ary midîna avy eo amin’ny hazofijaliana!

Matio 27:43

Andriamanitra no itokiany; koa ankehitriny, raha tia Azy Andriamanitra, dia aoka hanafaka Azy, fa hoy Izy manko hoe: «Zanak’Andriamanitra Aho.»

Matio 27:54

Ary ilay kapiteny sy ireo miaramila niambina an’i Jesoa niaraka taminy kosa, raha vao nahita ny horohorontany sy ny zava-nitranga, dia raiki-tahotra mafy sady loa-bolana hoe: –Tena Zanak’Andriamanitra tokoa io Lehilahy io!

Matio 4:3

ary nohatonin’ny mpaka fanahy Izy ka nataony hoe: –Raha Zanak’Andriamanitra tokoa Ianao, teneno ireo vato ireo hanjary mofo.

Marka 14:61

Fa nangina i Jesoa ary tsy namaly akory. Dia nanontany Azy indray ny mpisorombe nanao hoe: –Ianao ve no Kristy, Zanak’ilay Andriamanitra ankalazaintsika lalandava?

Jaona 1:34

Ary nahita aho, ka dia vavolombelona manambara fa Izy no Zanak’Andriamanitra.

Jaona 1:49

Fa i Natanaela kosa nilaza taminy hoe: –Mpampianatra ô, Ianao no Zanak’Andriamanitra, Ianao no Mpanjakan’i Israely!

Jaona 10:24

Koa nitangoronan’ny Jiosy Izy nanontaniany hoe: –Ambara-pahoviana no hampisalasalanao anay? Raha Ianao tokoa no ilay Mesia, mba lazao mazava aminay!

Jaona 10:30

Izaho sy ny Ray dia iray ihany.

Jaona 10:36

Izaho kosa natokan’ny Ray sy nirahiny ho eo amin’izao tontolo izao; kanefa dia ataonareo hoe manevateva an’Andriamanitra Aho satria nilaza hoe: Zanak’Andriamanitra Aho!

Jaona 18:37

Ary hoy i Pilato taminy: –Koa Mpanjaka izany Ianao? I Jesoa kosa namaly hoe: –Voalazanao fa Mpanjaka Aho. Izao no nahaterahako ary izao no niaviako eto amin’izao tontolo izao: dia ny ho vavolombelona hanambara ny marina. Izay rehetra mpiandany amin’ny marina dia mihaino ny feoko.

Jaona 19:7

Ny Jiosy kosa namaly azy hoe: –Manana lalàna izahay, ary araka izany lalàna izany dia tokony ho faty Izy, satria nanao ny tenany ho Zanak’Andriamanitra!

Jaona 19:9

Ary niditra tao an-trano indray izy ka nanao hoe tamin’i Jesoa hoe: –Avy aiza moa Ianao? Fa tsy namaly azy i Jesoa.

Jaona 20:31

Fa voasoratra ireo famantarana ireo mba hinoanareo fa i Jesoa no ilay Mesia, ilay Zanak’Andriamanitra, ary mba hahavelona aina anareo amin’ny alalany, raha mino Azy ianareo.

Jaona 6:69

sady izahay efa mino sy mahalala fa Ianao no ilay Masina avy amin’Andriamanitra!

Jaona 8:25

Dia hoy ireo taminy: –Iza moa Ianao? Ka novalian’i Jesoa hoe: –Ilay lazaiko aminareo indrindra!

2Korintiana 1:19

Satria i Jesoa Kristy, ilay Zanak’Andriamanitra, Izay notorînay sy i Silasy ary i Timôty teo aminareo, dia tsy hoe sady «eny» no «tsia»; fa i Jesoa Kristy dia «eny» hatrany hatrany:

1Petera 2:23

notevatevaina Izy, nefa tsy mba nanevateva; nijaly Izy, nefa tsy mba nandrahona, fa nanankin-tena tamin’Andriamanitra Izay mitsara ara-drariny;

1Samoela 14:24

Reraka mafy ny Israelita tamin’io andro io, satria efa norahonan’i Saoly tamin’ny fampitandremana hoe: «Ho voaozona anie izay manendry hanina alohan’ny hariva mandra-pahatò ny valifatiko amin’ny fahavalo!» Dia tsy nisy sahy nanendry hanina ny olon-drehetra.

1Samoela 14:26

Rehefa tafiditra ny ala izy ireo, dia indro hitany ny tantely izay efa mitsororoka fotsiny; saingy tsy nisy sahy nikasika nihinana na iray aza fa natahotra ny ozona.

1Samoela 14:28

Fa hoy ny miaramila iray taminy: –Ny rainao anie efa nampianiana mafy ny vahoaka ombàn’ny fampitandremana hoe: «Ho voaozona anie izay manendry hanina anio!» Izany no nampahareraka ny vahoaka.