Matio 23:26 - DIEM PROTESTANTA

²⁶ Ianao, ry Farisianina jamba, diovy aloha ny atin’ny kaopy sy ny lovia, ary dia hanjary madio koa ny vohony.

Baiboly Protestanta Malagasy 2011

²⁶ Ry Fariseo jamba! Diovy aloha ny atin’ny kapoaka sy ny lovia mba ho madio koa ny ivelany.

Dikateny Iombonana Eto Madagasikara

²⁶ Ianao, ry Farisianina jamba, diovy aloha ny atin’ny kaopy sy ny lovia, ary dia hanjary madio koa ny vohony.

Baiboly Katolika

²⁶ Ry Farisianina jamba, diovy aloha ny atin’ny kapoaka sy ny lovia, mba ho madio koa ny vohony.

Baiboly Protestanta Malagasy

²⁶ Ry Fariseo jamba! diovy aloha ny atin’ny kapoaka sy ny lovia, mba ho madio koa ny vohony.

Malagasy Bible

²⁶ Ry Fariseo jamba! diovy aloha ny atin'ny kapoaka sy ny lovia, mba ho madio koa ny vohony.

La Bible en Malgache

²⁶ Ry Fariseo jamba! Diovy aloha ny atin’ny kapoaka sy ny lovia mba ho madio koa ny ivelany.

Matio 23:26 Rohy Ifampitohizana

Isaia 55:7

Aoka ny olon-dratsy handao ny fanaony, ary ny mpanao ratsy hahafoy ny heviny. Aoka hiverina amin’ny TOMPO ireny fa hamindra fo aminy Izy. Aoka hiverina amin’Andriamanitsika ireny fa hihoa-pampana ny famelan-keloka homeny azy.

Jeremia 13:27

Izato fanitsakitsaham-bady sy antsoantsom-pilàna ary fijangajangana mahamenatra nafitsokao! Teny amin’ny havoana sy teny an-tsaha teny na nahitako ireo sampinao maharikoriko. Lozanao, ry Jerosalema, fa tsy mety hidio ianao! Mandra-pahoviana no haharetan’izany?

Jeremia 4:14

Diovy hiala amin’ny ratsy ny fonao, raha te ho afaka ianao, ry Jerosalema. Mandra-pahoviana ny hevi-dratsy no hitoetra ao anatinao?

Ezekiela 18:31

Esory ho afaka aminareo ny asa ratsy rehetra fanaonareo; ka mihavaoza fo amam-panahy ianareo. Ahoana no te ho faty ianareo, ry Israelita?

Matio 12:33

–Ataovy hoe tsara ny voany ka tsara koa ny hazo, na ataovy hoe ratsy ny voany ka ratsy koa ny hazo: satria ny voany no ahafantarana ny hazo.

Matio 14:8

Rehefa nomen-dreniny hevitra razazavavy, dia niteny hoe: –Omeo ahy etoana an-dovia ny lohan’i Jôhany Mpanao batisa!

Marka 7:4

Ary rehefa avy any an-tsena ry zareo, dia tsy mihinan-kanina raha tsy avy midio tsara araka ny fombam-pivavahana. Maro koa ny fanao hafa nolovany ka nifikirany, toy ny manasa ny zinga fisotroana, ny siny, ny fanaka varahina ary ny farafara fisakafoana.

Lioka 11:39

Fa hoy kosa ny Tompo taminy: –Ianareo Farisianina itony, diovinareo tsara ny etỳ ivelany hatramin’ny vohon’ny kaopy sy ny vilia; kanefa ny ao anatinareo feno halatra sy haratsiam-panahy.

Lioka 6:45

Koa ny olona tsara fanahy dia mamoaka zavatra tsara avy amin’ny rakitra tsaran’ny fony; ary ny olona ratsy fanahy kosa mamoaka zavatra ratsy avy amin’ny rakitra ratsin’ny fony. Fa izay mameno ny fon’ny olona no aloaky ny vavany.

2Korintiana 7:1

Koa raha manana ireo fampanantenana ireo isika, ry hava-malala, dia aoka isika hitandrin-tena hadio sy ho afaka amin’ny fahalotoana rehetra na ara-batana na ara-panahy, ka hiezaka ho masina tanteraka amin’ny fahatahorana an’Andriamanitra.

Hebreo 10:22

koa aoka isika hanatona an’Andriamanitra amin’ny fo mahitsy sy amin’ny fahatokiana vokatry ny finoana, rehefa voadio ho afaka amin’ny fieritreretana vesaran’ota ny fontsika ary rehefa voasasa tamin’ny rano madio ny tenantsika.

Jakoba 4:8

Manatòna an’Andriamanitra, dia hanatona anareo Izy. Sasao ny tananareo, ry mpanota; ary diovy ny fonareo, ry mpiroa fo.