Matio 18:15 - DIEM PROTESTANTA

¹⁵ –Raha diso taminao ny havana iray finoana, dia hatony; ary ianao sy izy mitokana iny no asehoy azy ny hadisoany. Raha mihaino anao izy, dia efa azonao ny havanao.

Baiboly Protestanta Malagasy 2011

¹⁵ Ary raha manota ny rahalahinao dia mandehana anaro izy rehefa mitokana ianareo roa lahy. Raha mihaino anao izy dia efa azonao ny rahalahinao;

Dikateny Iombonana Eto Madagasikara

¹⁵ –Raha diso taminao ny havana iray finoana, dia hatony; ary ianao sy izy mitokana iny no asehoy azy ny hadisoany. Raha mihaino anao izy, dia efa azonao ny havanao.

Baiboly Katolika

¹⁵ Ary raha diso taminao ny rahalahinao, dia manatòna azy; ka rehefa mitokana ianareo, dia asehoy azy ny hadisoany. raha mihaino anao izy, dia efa azonao ny rahalahinao;

Baiboly Protestanta Malagasy

¹⁵ Ary raha manota aminao ny rahalahinao, dia mankanesa any aminy, ka rehefa mitokana hianareo roa lahy, dia asehoy azy ny fahadisoany. Raha mihaino anao izy, dia efa azonao ny rahalahinao;

Malagasy Bible

¹⁵ Ary raha manota aminao ny rahalahinao, dia mankanesa any aminy, ka rehefa mitokana ianareo roa lahy, dia asehoy azy ny fahadisoany. Raha mihaino anao izy, dia efa azonao ny rahalahinao;

La Bible en Malgache

¹⁵ Ary raha manota ny rahalahinao dia mandehana anaro izy rehefa mitokana ianareo roa lahy. Raha mihaino anao izy dia efa azonao ny rahalahinao;

Matio 18:15 Rohy Ifampitohizana

Salamo 141:5

Raha ny olo-marina hikapoka ahy, dia mari-pitiavana izany; raha hananatra ahy koa izy, dia ilomanitra soa indrindra izany ka enga anie tsy holavin’ny lohako! Fa ny fivavahako anie hitohy hatrany hanoherana ny haratsian’ny mpanao heloka!

Ohabolana 11:30

Ny vokatry ny fahamarinana dia toy ny hazon’aina; ary ny hendry no mahataona olona.

Levitikosy 19:17

«Aza mankahala ao am-ponareo ny mpiray firenena aminareo fa anaro tsara izy mba tsy hahazoanareo heloka noho ny aminy.

Matio 18:14

Toy izany koa, tsy sitraky ny Rainareo Izay any an-danitra hisy very na dia ny anankiray amin’itony madinika itony aza!

Matio 18:21

Tamin’izay dia nanatona an’i Jesoa i Petera ka nanontany Azy hoe: –Tompo ô, impiry moa aho no tokony hamela ny havana iray finoana raha diso amiko izy? Hatramin’ny impito ve?

Matio 18:35

Dia nofaranan’i Jesoa hoe: –Ho tahaka izany koa no hataon’ny Raiko Izay any an-danitra aminareo, raha tsy samy mamela ny havanareo amin’ny fonareo tokoa ianareo.

Romana 12:21

Aza mety ho resin’ny ratsy, fa reseo amin’ny tsara ny ratsy.

1Korintiana 8:12

Raha manota toy izany amin’ny havanareo iray finoana ianareo ka manimba ny fieritreretan’izy ireo mbola osa, dia i Kristy no anotanareo.

2Korintiana 7:12

Koa raha nanoratra taminareo aho, dia tsy noho ilay nahavita ratsy na noho ilay nasian-dratsy; nanoratra taminareo aho mba hampiharihary aminareo fa eo anatrehan’Andriamanitra dia mazoto hanaiky ahy ianareo.

Galatiana 6:1

Ry havana, raha misy olona sendra latsaka amin’ny hadisoana, dia aoka ianareo izay manana ny Fanahy Masina hanarina azy amim-pahalemem-panahy; ary aoka hitandrin-tena koa ianao fandrao voataona amin’ny ratsy.

Kolosiana 3:13

Mifandefera ka mifamelà heloka ianareo, raha misy manana alahelo amin’ny sasany. Aoka ianareo koa mba hamela heloka, tahaka ny efa namelan’ny Tompo heloka anareo.

1Tesaloniana 4:6

ka amin’izany raharaham-panambadiana izany, dia aoka tsy hisy olona hanao ny tsy rariny amin’ny namany na hifetsy azy. Araka ny efa voalazanay taminareo sy nameperanay mafy anareo, dia hofaizin’ny Tompo izay manao ireny karazan-javatra ireny.

2Tesaloniana 3:15

kanefa aza raisina ho fahavalo izy fa anaro toy ny mpiray tampo.

Titosy 3:10

Ny olona mpampisara-bazana dia anaro indray mandeha sy fanindroany; ka rehefa tsy laitra anarina, dia ialao.

1Petera 3:1

Toy izany koa, ianareo vehivavy, maneke ny vadinareo; ka raha tàhiny misy tsy mety mino ny tenin’Andriamanitra, dia mba ho voataonan’ny fitondrantenan’ny vavy izy; na tsy misy teny lazainareo aza, dia ho voataona izy