Matio 18:10 - DIEM PROTESTANTA

¹⁰ –Tandremo fandrao ataonareo tsinontsinona na dia ny anankiray amin’itony madinika itony aza. Eny, lazaiko aminareo fa ny anjelin’izy ireny, any an-danitra, dia manatrika lalandava ny Raiko Izay any an-danitra.

Baiboly Protestanta Malagasy 2011

¹⁰ Tandremo fandrao manao tsinontsinona na dia ny iray aza amin’ireny madinika ireny ianareo; fa lazaiko aminareo: Ny anjeliny any an-danitra dia mahita mandrakariva ny tavan’ny Raiko izay any an-danitra.

Dikateny Iombonana Eto Madagasikara

¹⁰ –Tandremo fandrao ataonareo tsinontsinona na dia ny anankiray amin’itony madinika itony aza. Eny, lazaiko aminareo fa ny anjelin’izy ireny, any an-danitra, dia manatrika lalandava ny Raiko Izay any an-danitra.

Baiboly Katolika

¹⁰ Tandremo sao ataonareo tsinontsinona na dia ny anankiray amin’ireny madinika ireny aza; fa lazaiko aminareo fa ny Anjelin’izy ireny any an-danitra dia mahita lalandava ny tarehin’ny Raiko izay any an-danitra.

Baiboly Protestanta Malagasy

¹⁰ Mitandrema, fandrao manao tsinontsinona na dia ny iray aza amin’ireny madinika ireny hianareo; fa lazaiko aminareo: Ny anjeliny any an-danitra mahita mandrakariva ny tavan’ny Raiko Izay any an-danitra.

Malagasy Bible

¹⁰ Mitandrema, fandrao manao tsinontsinona na dia ny iray aza amin'ireny madinika ireny ianareo; fa lazaiko aminareo: Ny anjeliny any an-danitra mahita mandrakariva ny tavan'ny Raiko Izay any an-danitra.

La Bible en Malgache

¹⁰ Tandremo fandrao manao tsinontsinona na dia ny iray aza amin’ireny madinika ireny ianareo; fa lazaiko aminareo: Ny anjeliny any an-danitra dia mahita mandrakariva ny tavan’ny Raiko izay any an-danitra.

Matio 18:10 Rohy Ifampitohizana

2Samoela 14:28

Nipetraka roa taona tao Jerosalema tsy nahita tava ny mpanjaka i Absalôma.

1Mpanjaka 22:19

Ary hoy indray i Mikaià: –Henoy àry ny tenin’ny TOMPO: Hitako nipetraka teo amin’ny sezafiandrianany manko ny TOMPO; ary ireo anjeliny marobe any an-danitra nijoro teo ankavanany sy teo ankaviany.

Estera 1:14

Ny olon-kendry teo akaikin’ny amperôra indrindra dia ry i Karsenà sy i Setara, i Admatà sy i Tarsisy, i Meresa sy i Marsenà ary Memokàna, izay minisitra fito tamin’i Persia sy i Media; nitokiany ry zareo ka nitana toerana voalohany teo amin’ny fanjakana.

Salamo 15:4

tsy miraharaha izay lavin’Andriamanitra, fa manaja an’ireo mpivavaka amin’ny TOMPO, tsy mivadika amin’ny fianianana vita na dia maningotra ny tenany aza izany;

Salamo 17:15

Fa izaho kosa nomenao rariny, ka ho afaka hanatri-tava Anao; ary isaky ny mifoha aho, dia ho afa-po amin’ny endrikao.

Salamo 34:7

Niantso vonjy aho fa olo-mahantra ka nohenoin’ny TOMPO sy novonjeny tamin’izay fahoriako rehetra.

Salamo 91:11

Fa ny Tompo handidy ny anjeliny hiahy anao mba hiaro anao na aiza na aiza alehanao;

Zakaria 13:7

Dia hoy ny teny hentitry ny Tompon’izao rehetra izao hoe: «Ry sabatra, mifohaza hamely ity mpiandry sady lehilahy namako ity Asio ny mpiandry, dia hiparitaka ny ondry; ary hiverina hamely hatramin’ny madinika Aho.»

Matio 1:20

Raha mbola nieritreritra izany izy, dia nisehoan’anjelin’ny Tompo tamin’ny nofy ka nilazany hoe: –Ry Jôsefa taranak’i Davida ô, aza matahotra ny hampakatra an’i Maria vadinao! Noho ny asan’ny Fanahy Masina tokoa no nampitoe-jaza azy.

Matio 12:20

Ny volotara folaka tsy hotapahiny, ny lahin-jiro manetona tsy hovonoiny, ambara-pahazoan’ny Mpanompoko fandresena ho an’ny rariny.

Matio 18:14

Toy izany koa, tsy sitraky ny Rainareo Izay any an-danitra hisy very na dia ny anankiray amin’itony madinika itony aza!

Matio 18:6

–Na iza na iza mitarika ny anankiray amin’itony madinika mino Ahy itony hanao ratsy, dia aleo izy anantonana vatobe fikoseham-bary eo amin’ny vozony, ka halentika any anaty ranomasina mangitsokitsoka.

Matio 2:13

Rehefa lasa nody ireo olon-kendry, dia nisehoan’anjelin’ny Tompo tamin’ny nofy i Jôsefa ka nilazany hoe: –Mifohaza ianao, ka ento mandositra any Ejipta ny zazakely sy ny reniny; ary mitoera any ambara-pilazako aminao indray. Fa efa hotadiavin’i Herôda ny zazakely mba hamonoany azy.

Matio 2:19

Rehefa maty kosa i Herôda, dia nisehoan’anjelin’ny Tompo tamin’ny nofy i Jôsefa raha tany Ejipta ka nilazany hoe:

Matio 24:31

Dia hisy trompetra haneno mafy; ary hirahin’ny Zanak’olona ireo anjeliny, ka ireo no hanangona ny olom-boafidiny avy any amin’ny vazan-tany efatra, manomboka amin’ny faravodilanitra ankilany ka miafara amin’ny faravodilanitra andaniny.

Lioka 1:19

Dia novalian’ny anjely hoe: –Izaho no Gabriela, ilay mijoro eo anatrehan’Andriamanitra mba hanompo Azy; nirahiny aho hiteny aminao sy hanambara aminao izany hafatra mahafaly izany.

Lioka 10:16

Ary hoy indray i Jesoa tamin’ny mpianany: –Izay mihaino anareo, dia mihaino Ahy; izay manamavo anareo, dia manamavo Ahy; ary izay manamavo Ahy, dia manamavo Ilay naniraka Ahy.

Lioka 16:22

Maty ilay mahantra, ka nentin’ny anjely ho eo anilan’i Abrahama; maty koa ilay mpanankarena, dia nalevina.

Asan’ny Apostoly 10:3

Indray tolakandro, tokony ho tamin’ny telo, dia nisehoam-pahitana izy ary nisy anjelin’Andriamanitra tazany mazava tsara niditra tao an-tranony ka niteny taminy hoe: –Ry Kôrnely!

Asan’ny Apostoly 12:15

Dia hoy ny olona tamin-drazazavavy: –Lasa adala ity ianao! Nanizingizina i Rôda fa marina izay voalazany. Ka hoy indray ny olona hoe: –Ambiroany izany!

Asan’ny Apostoly 12:23

Niaraka tamin’izay dia nisy anjelin’ny Tompo namely an’i Herôda, noho izy nihambo hitovy saranga amin’Andriamanitra; ka dia nohanin-kankana no nahafaty azy.

Asan’ny Apostoly 27:23

Halina manko dia nisy anjelin’ilay Andriamanitra Tompoko sady ivavahako tonga tamiko

Asan’ny Apostoly 5:19

Nefa nony alina, dia nisy anjelin’ny Tompo namoha ny varavaran’ny fonja ary namoaka ny apôstôly sady nanao taminy hoe:

Romana 14:10

Ianao kosa, nahoana no melohinao ny namanao? Ary ianao, nahoana no hamavoinao ny namanao? Fa samy hiseho eo anoloan’ny fitsaran’Andriamanitra isika rehetra,

Romana 14:21

Ny tsara dia ny tsy mihinan-kena na misotro divay na mikasika akory izay mahasolafaka ny namanao amin’ny ratsy.

Romana 15:1

Adidintsika izay matanjaka ara-pinoana ny mizaka ny fahosan’ny malemy, fa tsy dia hanao izay mahafaly ny tenantsika fotsiny.

1Korintiana 11:22

Tsy manana tokantrano hihinanana sy hisotroana ve ianareo? Sa dia satrinareo hanazimbazimba ny Fiangonan’Andriamanitra sy hanome henatra ny tsy manana? Inona re no holazaiko aminareo? Hidera anareo ve aho? Tsia, tsy hidera anareo amin’izany aho!

1Korintiana 16:11

Aoka mba tsy hisy hanao tsinontsinona azy. Omeo vatsy izy ary atero mba ho tonga soa aman-tsara atỳ amiko, fa miandry azy aho sy ireo havana iray finoana eto.

1Korintiana 9:22

Tamin’ireo malemy finoana, dia nanao tahaka ny malemy aho hahazoako azy ireo. Amin’ny olona rehetra, dia efa tonga zavatra rehetra aho hamonjeko mihitsy ny sasany.

2Korintiana 10:1

Izaho Paoly mihitsy no manainga anareo, dia izaho izay lazaina fa manetry tena rehefa manoloana anareo, nefa henjana aminareo rehefa lavitra anareo. Miangavy anareo amin’ny fahalemem-panahy sy hamoram-pon’i Kristy aho:

2Korintiana 10:10

«Mafonja sy mahery vaika ireo taratasin’i Paoly; nefa rehefa mby eto aminay izy tenany, dia olona osa ary ny teniny dia tsinontsinona.»

Galatiana 6:1

Ry havana, raha misy olona sendra latsaka amin’ny hadisoana, dia aoka ianareo izay manana ny Fanahy Masina hanarina azy amim-pahalemem-panahy; ary aoka hitandrin-tena koa ianao fandrao voataona amin’ny ratsy.

1Tesaloniana 4:8

Koa izay mandà izany fampianarana izany, dia tsy olona no laviny fa Andriamanitra Izay manome anareo ny Fanahiny Masina.

1Timoty 4:12

Aoka tsy hisy olona hanao tsinontsinona anao noho ny maha tanora anao, fa aoka ianao ho ohatra ho an’ny mpino amin’ny fiteny, amin’ny fitondrantena, amin’ny fitiavana, amin’ny finoana, amin’ny fahadiovana.

Hebreo 1:14

Fa inona moa ny anjely? Fanahy manompo an’Andriamanitra izy rehetra, ka irahiny mba hanasoa ireo olona natao handray famonjena.

Hebreo 9:24

Fa ny Toeramasina nataon’olombelona, izay sarintsarin’ny tena izy, no nidiran’i Kristy; fa ny lanitra mihitsy no nidirany mba hahazoany ankehitriny mangataka amin’Andriamanitra ho antsika.

Apokalipsy 8:2

Dia hitako ireo anjely fito izay mijoro eo anatrehan’Andriamanitra; ary nomena trompetra fito ireo.