Matio 15:4 - DIEM PROTESTANTA

⁴ Fa hoy Andriamanitra hoe: «Hajao ny rainao sy ny reninao», ary koa hoe: «Izay miteny ratsy ny rainy na ny reniny dia aoka hovonoin-ko faty.»

Baiboly Protestanta Malagasy 2011

⁴ Fa Andriamanitra efa niteny hoe: «Manajà ny rainao sy ny reninao» (Eks 20.12), ary koa: «Izay miteny ratsy ny rainy na ny reniny dia hovonoina ho faty tokoa» (Eks 21.17).

Dikateny Iombonana Eto Madagasikara

⁴ Fa hoy Andriamanitra hoe: «Hajao ny rainao sy ny reninao», ary koa hoe: «Izay miteny ratsy ny rainy na ny reniny dia aoka hovonoin-ko faty.»

Baiboly Katolika

⁴ Fa hoy Andriamanitra: Manajà ny rainao aman-dreninao; ary koa Izay hanozona ny rainy na ny reniny dia hovonoina ho faty.

Baiboly Protestanta Malagasy

⁴ Fa Andriamanitra efa nanao hoe: „Manajà ny rainao sy ny reninao” (Eks. 20.12), ary koa: „Izay miteny ratsy ny rainy na ny reniny dia hatao maty tokoa” (Eks. 21.17).

Malagasy Bible

⁴ Fa Andriamanitra efa nanao hoe: Manajà ny rainao sy ny reninao (Eks. 20. 12), ary koa: Izay miteny ratsy ny rainy na ny reniny dia hatao maty tokoa (Eks. 21. 17).

La Bible en Malgache

⁴ Fa Andriamanitra efa niteny hoe: «Manajà ny rainao sy ny reninao» (Eks 20.12), ary koa: «Izay miteny ratsy ny rainy na ny reniny dia hovonoina ho faty tokoa» (Eks 21.17).

Matio 15:4 Rohy Ifampitohizana

Eksodosy 20:12

«Hajao ny rainao sy ny reninao mba ho maro andro iainana ianao eo amin’ny tany izay omen’ny TOMPO Andriamanitrao ho anao.

Eksodosy 21:17

«Izay manozona ny rainy na ny reniny dia tsy maintsy vonoina ho faty.

Ohabolana 20:20

Raha misy manozona ny rainy na ny reniny, dia ho toy ny jiro maty ao anaty haizim-pito ny fiainany.

Ohabolana 23:22

Mihainoa ny rainao izay niteraka anao; ary aza manamavo ny reninao efa antitra.

Ohabolana 30:17

Ny olona izay miandranandrana amin-dray sy mamingavinga ny fahanteran-dreny dia hopotsirin’ny goaikan-driaka ny masony ary hohanin’ny voromahery ny tenany.

Isaia 8:20

Izao kosa no havalinareo izany: «Ao amin’ny fampianarana sy ny hafatry ny TOMPO ihany no tsy maintsy hiverenana.» Fa izay tsy miteny araka izany baiko izany dia tsy hiposahan’ny taratry ny maraina.

Levitikosy 19:3

«Samia manaja ny ray aman-dreninareo, ary tandremo ny sabata nodidiako hitsaharana. Izaho no TOMPO Andriamanitrareo.

Levitikosy 20:9

«Na iza na iza manozona ny rainy na ny reniny, dia hatao maty tokoa; hozakain’io olona io ny ho faty, noho izy efa nanozona ny rainy na ny reniny.

Matio 15:3

Dia novalian’i Jesoa hoe: –Nahoana kosa ianareo no mandika ny didin’Andriamanitra mba hifikiranareo amin’ny fomba amam-panaonareo?

Matio 15:5

Ianareo kosa manao hoe: «Na iza na iza hilaza amin’ny rainy na ny reniny hoe: Efa nataoko fanatitra ho an’Andriamanitra ny zavatra tokony hanasoavako anao,

Matio 19:19

hajao ny rainao sy ny reninao, ary tiavo ny namanao tahaka ny itiavanao ny tenanao!

Matio 4:10

Tamin’izay dia hoy i Jesoa taminy: –Mialà, ry Satàna, satria izao no voalazan’ny Soratra Masina: «Ny Tompo Andriamanitrao no hiankohofanao, ary Izy irery no hivavahanao!»

Romana 3:31

Moa ve manafoana ny lalàna amin’ny alalan’ny finoana isika amin’izany? Sanatria! Vao mainka koa aza manamafy orina ny lalàna!

Efesiana 6:1

Ianareo zanaka, mpanaraka ny Tompo ianareo ka maneke ny ray aman-dreninareo, fa rariny izany.

Deoteronomia 27:16

«Ho voaozona anie izay manao tsinontsinona ny ray aman-dreniny!» Ary ny vahoaka rehetra hanao hoe: «Amen!»

Deoteronomia 5:16

«Manajà ny rainao sy ny reninao, araka izay nandidiako anao, mba ho maro andro iainana ianao ary mba hahita soa any amin’ny tany omeko anao.