Matio 11:18 - DIEM PROTESTANTA

¹⁸ Fa tonga i Jôhany Mpanao batisa, tsy mihinana sady tsy misotro, nefa lazaina hoe: «Ondranondranana!»

Baiboly Protestanta Malagasy 2011

¹⁸ Fa tonga i Jaona, tsy nihinana na nisotro, ka hoy ny olona: Manana demonia izy.

Dikateny Iombonana Eto Madagasikara

¹⁸ Fa tonga i Jôhany Mpanao batisa, tsy mihinana sady tsy misotro, nefa lazaina hoe: «Ondranondranana!»

Baiboly Katolika

¹⁸ Fa tonga i Joany, tsy nihinana tsy nisotro, nataon’ny olona hoe: Azon’ny demony izy!

Baiboly Protestanta Malagasy

¹⁸ Fa tonga Jaona tsy nihinana na nisotro, ka hoy ny olona: Manana demonia izy.

Malagasy Bible

¹⁸ Fa tonga Jaona tsy nihinana na nisotro, ka hoy ny olona: Manana demonia izy.

La Bible en Malgache

¹⁸ Fa tonga i Jaona, tsy nihinana na nisotro, ka hoy ny olona: Manana demonia* izy.

Matio 11:18 Rohy Ifampitohizana

2Mpanjaka 9:11

Ary nivoaka ny efitrano i Jehò, dia niverina nankeo amin’ny manamboninahitra hafa ka nanontanian’ireo hoe: –Tsara ihany ve ianao? Fa inona no notadiavin’ilay adala iny taminao? Hoy kosa ny navalin’i Jehò azy: –Fantatrareo ihany iny lehilahy iny sy ny redirediny.

Jeremia 15:17

Tsy nipetraka hamalifaly ny tenako teo amin’ny fivorian’ny mpikorana aho, fa noteren’ny herinao hitoetra irery satria nofenoinao ny fahatezeranao.

Jeremia 29:26

«Satria ny TOMPO efa nametraka anao ho mpisorona hisolo an’i Jôiadà, dia ianao no mpiandraikitra ny tranon’ny TOMPO ka tokony hanara-maso izay rehetra misary adala milaza azy ho mpaminany sy hampamatotra azy amin’ny gadra vy na rojo vy.

Hosea 9:7

Tonga ny andro famaizana. Tonga ny andro famaliana. Ho fantatr’i Israely anie izany! Hoy ianareo hoe: «Adala ny mpaminany; ary mirediredy ny tsindriam-panahy.» Vokatry ny hamaroan’ny helokao sy ny fanohera-mafy nataonao izany.

Matio 10:25

Ampy ho an’ny mpianatra ny tonga tahaka ny mpampianatra azy, ary ho an’ny mpanompo ny tonga tahaka ny tompony. Koa raha ny loham-pianakaviana aza nisy nanao hoe Belzeboba, mainka fa ny fianakaviany.

Matio 11:17

«Ianareo itsofany sodina, tsy mandihy; ianareo anaovanay hira fisaonana, tsy mitomany!»

Matio 3:4

Akanjo volon-drameva ary fehikibo hoditra no fanaovan’i Jôhany; valala sy tantely remby no sakafony.

Matio 9:34

Ny Farisianina kosa niteny hoe: –Fahefana avy amin’ny filohan’ny demony ange no androahany ny demony e!

Marka 3:22

Ary hoy ireo mpahay lalàna nidina avy tany Jerosalema hoe: –I Belzeboba no ao amin’ilay io ary fahefana avy amin’ny filohan’ny demony no androahany ny demony.

Lioka 1:15

Eny, ho lehibe eo anatrehan’ny Tompo izy, ary hifady divay sy zava-pisotro hafa mahamamo, sady ho feno ny Fanahy Masina hatrany an-kibon-dreniny.

Jaona 10:20

Maro tamin’ireo no nanao hoe: –Ondranondranana io sady very saina, ka inona no ihainoanareo Azy?

Jaona 7:20

Dia hoy ny vahoaka taminy: –Ondranondranana Ianao! Iza no mitady hamono Anao?

Jaona 8:48

Dia niteny tamin’i Jesoa ny Jiosy nanao hoe: –Tsy marina ve ny filàzanay fa Samaritanina Ianao sady ondranondranana?

Jaona 8:52

Dia hoy ny Jiosy taminy: –Fantatray ankehitriny fa ondranondranana Ianao! Efa maty i Abrahama sy ireo mpaminanin’Andriamanitra, fa Ianao kosa milaza hoe: «Raha misy olona mitandrina ny teniko, dia tsy hanandrana fahafatesana izy na oviana na oviana.»

Asan’ny Apostoly 26:24

Raha mbola mandahatra hiarovan-tena araka izany i Paoly, dia niantso tamin’ny feo mahery kosa i Festo nanao hoe: –Lasa adala ianao, ry Paoly! Ny fianarana be loatra vitanao no mahalasa adala anao!

1Korintiana 9:27

Folahiko mafy ny tenako ary feheziko fatratra, fandrao izaho efa nitory tamin’ny hafa indray no tonga voailika.