Marka 7:21 - DIEM PROTESTANTA

²¹ satria avy ao anaty, avy ao am-pon’ny olona no ipoiran’ny sain-dratsy mahatonga azy hijangajanga, hangalatra, hamono olona,

Baiboly Protestanta Malagasy 2011

²¹ Fa avy ao anatin’ny olona, dia avy ao am-pony, no ivoahan’ny sain-dratsy, dia ny fijangajangana, ny halatra, ny vonoan’olona,

Dikateny Iombonana Eto Madagasikara

²¹ satria avy ao anaty, avy ao am-pon’ny olona no ipoiran’ny sain-dratsy mahatonga azy hijangajanga, hangalatra, hamono olona,

Baiboly Katolika

²¹ satria avy ao anaty, dia avy amin’ny fon’ny olona no iavian’ny sain-dratsy: dia ny fakàm-badin’olona, ny fijangajangana, ny famonoana olona,

Baiboly Protestanta Malagasy

²¹ Fa avy ao anatin’ny olona, dia avy ao am-pony, no ivoahan’ny sain-dratsy, dia ny fijangajangana, ny halatra, ny vonoan-olona, ny fakam-badin’olona,

Malagasy Bible

²¹ Fa avy ao anatin'ny olona dia avy ao am-pony, no ivoahan'ny sain-dratsy, dia ny fijangajangana, ny halatra, ny vonoan-olona, ny fakam-badin'olona,

La Bible en Malgache

²¹ Fa avy ao anatin’ny olona, dia avy ao am-pony, no ivoahan’ny sain-dratsy, dia ny fijangajangana, ny halatra, ny vonoan’olona,

Marka 7:21 Rohy Ifampitohizana

Genesisy 6:5

Ary hitan’ny TOMPO fa nitombo haratsiana ny olombelona teto an-tany, ka ny faniriana rehetra tao am-pony dia nirona ho amin’ny ratsy ihany mandavanandro.

Genesisy 8:21

Ary nony ren’ny TOMPO ilay hanitra ankasitrahiny, dia hoy IZY anakampo hoe: «Tsy mba hanozona ny tany intsony Aho noho ny amin’ny olombelona. Eny, manomboka amin’ny fahatanorany, dia mirona ho amin’ny ratsy ny fon’ny olombelona; koa tsy hamely ny miaina rehetra intsony toy izay nataoko Aho.

Joba 14:4

Misy madio ateraky ny tsy madio ve? Tsy misy na dia iray akory aza.

Joba 25:4

Ahoana no hahamarina ny olombelona eo anatrehan’Andriamanitra? Ary ahoana no hahadio izay tera-behivavy?

Salamo 119:36

Ampirony amin’ny baikonao ny foko fa tsy amin’ny fitiavan-karena.

Salamo 14:1

Tao amin’ny tahirin-kiran’ny filohan’antoko-mpihira. Salamo nataon’i Davida. Adala izay miteny anakampo hoe: «Tsy misy Andriamanitra!» Maneho toetra lo sy maharikoriko ireo sady tsy mba misy manao ny tsara.

Salamo 14:3

Fa izy rehetra no mania ka samy tsy valahara avokoa; tsy mba misy manao ny tsara, na dia iray akory aza!

Salamo 53:1

Tao amin’ny tahirin-kiran’ny filohan’antoko-mpihira. Hohiraina amin’ny fomba fihira malahelohelo. Tononkalo fananarana nataon’i Davida.

Salamo 53:3

Avy eny an-danitra eny Andriamanitra no miondrika hijery ny olombelona, hizaha sao mba misy olon-kendry izay mitady Azy tokoa.

Ohabolana 15:25

Ny tranon’ny mpiavonavona dia ravàn’ny TOMPO; fa arovany kosa ny tanin’ny mpitondratena.

Ohabolana 4:23

Tandremo izay eritreretin’ny fonao fa izany no iankinan’ny fiainanao.

Isaia 59:13

Eny, nikomy sy nivadika taminao izahay ka tsy nanaiky hanaraka Anao Andriamanitray. Famoretana sy fikomiana no resakay ary lainga fotsiny no foroninay ao am-po sy avoakan’ny teny ataonay.

Isaia 59:7

Mihazakazaka erỳ ianareo hanao ratsy ary mirohotra hamono ny tsy manan-tsiny. Ny hanisy ratsy ny hafa ihany no kendrenareo; fandravana sy fandringanana no eo amin’ny alehanareo.

Jeremia 16:12

Ary ianareo koa vao mainka manao ratsy mihoatra noho ny razanareo aza, fa samy mikiribiby amin’ny ditram-pony avy, ka tsy mihaino Ahy.

Jeremia 17:9

–Tsy misy zavatra mamitaka hoatra ny fon’olombelona. Tsy azo sitranina izy, ary tsy misy mahafantatra ny aminy.

Jeremia 4:14

Diovy hiala amin’ny ratsy ny fonao, raha te ho afaka ianao, ry Jerosalema. Mandra-pahoviana ny hevi-dratsy no hitoetra ao anatinao?

Ezekiela 38:10

«Izao no lazain’ny Tompo ANDRIANANAHARY: Amin’izany andro izany dia hisy hevitra maro ho tonga ao an-tsainao ka hamorona teti-dratsy ianao.

Matio 15:19

Satria avy ao am-pon’ny olona no ipoiran’ny sain-dratsy mahatonga azy hamono olona, haka vadin’olona, hijangajanga, hangalatra, hanao vavolombelona tsy marina, ary hanao vava ratsy.

Matio 9:4

Fantatr’i Jesoa ny eritreritry ny mpahay lalàna ka hoy Izy: –Nahoana ianareo no mieritreri-dratsy ao am-ponareo?

Marka 7:20

Dia hoy koa i Jesoa: –Ny zavatra mipoitra avy ao amin’ny olona, izany no mahaloto ny olona;

Marka 7:22

haka vadin’olona, ho tia harena, hasiaka, hanambaka, haloto fitondrantena, hialona, hanao vava ratsy, hiavonavona, ho adala toetra.

Lioka 16:15

Fa hoy i Jesoa taminy: –Ianareo miseho ho marina eo imason’ny olona, kanefa fantatr’Andriamanitra ny fonareo. Fa izay heverin’ny olona ho ambony, dia maharikoriko eo imason’Andriamanitra.

Asan’ny Apostoly 5:4

Anao ange ny tany fony mbola tsy namidy, sady rehefa namidy dia eo am-pelatananao ny vola vidiny! Ka ahoana no dia nampisy tao am-ponao izao zavatra vitanao izao? Tsy olombelona no nandainganao, fa Andriamanitra.

Asan’ny Apostoly 8:22

Koa ialao izao faharatsianao izao ary mangataha amin’ny Tompo mba hamelany izany fihevitry ny fonao izany, raha azo atao.

Romana 7:5

Fa fony isika niaina araka ny naha olona mpanota antsika, dia ny filàn’ny fahotana, izay nohetsehin’ny lalàna, no niasa tao amin’ireo zavatra anisan’ny tenantsika, mba hahavokarantsika asa mahatonga fahafatesana.

Romana 7:8

Saingy nohararaotin’ny fahotana ny didy hampihetsika ny fitsiriritana rehetra ato amiko, fa maty ny fahotana raha tsy misy lalàna.

Kolosiana 3:5

Vonoy ireo zavatra etỳ an-tany mangeja ny tenanareo: dia ny fijangajangana, ny fahalotoana, ny filàndratsy, ny fitsiriritan-dratsy, ary ny fitiavan-karena (fa fanompoan-tsampy ny fitiavan-karena).

Titosy 3:3

Fa isika koa taloha mba adala, tsy nanaiky, naniasia; efa nandevozin’ny filàna sy fahafinaretana isan-karazany isika, lany andro tamin’ny haratsiam-panahy sy ny fialonana, sady ankahalain’olona no mankahala olona.

Jakoba 2:4

Raha izany no izy, dia manavakavaka ianareo; ary sain-dratsy no entinareo manombantombana.