Marka 5:23 - DIEM PROTESTANTA

²³ sady niangavy azy mafy nanao hoe: –Eo ambavahoanan’ny fahafatesana ny zanako vavy; koa tongava hametra-tanana aminy, dia ho sitrana izy ka ho velona.

Baiboly Protestanta Malagasy 2011

²³ ka niangavy fatratra Taminy hoe: Marary efa ho faty ny zanako vavy kely; andeha re, apetraho aminy ny tananao, mba ho sitrana izy ka ho velona.

Dikateny Iombonana Eto Madagasikara

²³ sady niangavy azy mafy nanao hoe: –Eo ambavahoanan’ny fahafatesana ny zanako vavy; koa tongava hametra-tanana aminy, dia ho sitrana izy ka ho velona.

Baiboly Katolika

²³ sady nihanta mafy taminy nanao hoe: «Marary efa ho faty ny zanako vavy, ka andeha re mba hametra-tanana aminy Ianao, mba ho sitrana sy ho velona izy.»

Baiboly Protestanta Malagasy

²³ ka niangavy fatratra taminy hoe: Marary efa ho faty ny zanako-vavy kely; andeha re, mametraha ny tànanao aminy, mba ho sitrana izy ka ho velona.

Malagasy Bible

²³ ka niangavy fatratra taminy hoe: Marary efa ho faty ny zanako-vavy kely; andeha re, mametraha ny tananao aminy, mba ho sitrana izy ka ho velona.

La Bible en Malgache

²³ ka niangavy fatratra Taminy hoe: Marary efa ho faty ny zanako vavy kely; andeha re, apetraho aminy ny tananao, mba ho sitrana izy ka ho velona.

Marka 5:23 Rohy Ifampitohizana

2Mpanjaka 5:11

Fa tezitra i Nahamàna, dia lasa sady nanao hoe: –Noheveriko fa mba hankatỳ amiko tokoa ilay mpaminany ka hivavaka amin’ny TOMPO Andriamaniny sy hanevaheva ny tanany eo amin’ny faritra marary ary hanasitrana ny aretin-koditro.

Salamo 107:19

Dia niantso vonjy tamin’ny TOMPO izy fa ory ka nafahany tamin’ny fahatereny,

Salamo 50:15

Dia antsoy amin’ny andro mahory Aho, fa hanafaka anareo ka homenareo voninahitra.

Matio 8:3

Nanatsotra tanana i Jesoa dia nikasika azy sady niteny hoe: –Sitrako, madiova ianao! Avy hatrany dia nadio ny aretin-koditra nahazo an-dralehilahy.

Marka 16:18

handray menarana sy hisotro poizina mahafaty, nefa tsy haninon-tsy haninona; ary hametra-tanana amin’ny marary, dia ho sitrana ireny.

Marka 5:24

Dia lasa niaraka tamin’i Jaîro i Jesoa. Vahoaka nifanitsa-kitro no nitanjozotra nanaraka Azy, ka nifanety taminy.

Marka 6:13

Demony maro no noroahiny ary marary maro no nohosorany diloilo ka nositraniny.

Marka 7:32

Dia nisy lehilahy sady marenina no raiki-dela, nentin’ny olona ho eo aminy ary niangaviany Azy hametrahany tanana.

Marka 8:23

Dia notantanan’i Jesoa ilay jamba, ka nentiny nankany ivelan’ny tanàna; dia nasiany rora ny mason’ilay jamba ary rehefa nametrahany tanana izy, dia nanontaniany hoe: –Mahita ve ianao?

Lioka 13:13

Dia nametrahan’i Jesoa tanana ravehivavy ary nitraka niaraka tamin’izay ka nanome voninahitra an’Andriamanitra.

Lioka 4:38

Rehefa niala tao amin’ny sinagôga i Jesoa, dia niantrano tao amin-dry Simôna. Ary voan’ny tazo mahery ny rafozambavin’i Simôna ka niangaviana Azy hositraniny.

Lioka 4:40

Vao maty kosa ny masoandro, izay rehetra nanana marary azon’ny aretina isan-karazany dia samy nitondra ny azy teo amin’i Jesoa. Nametrahany tanana tsirairay izy ireny, ka nositraniny.

Lioka 7:12

Rehefa tonga teo akaikin’ny vavahadin’ny tanàna Izy, dia tojo olona handevina fatin-jazalahy anankiray; ramatoa reniny tsy nanana afa-tsy iny sady efa mpitondratena, koa olona marobe avy ao an-tanàna no niaraka taminy.

Jaona 11:3

Dia naniraka olona tany amin’i Jesoa izy mirahavavy hilaza hoe: –Tompo ô, marary ilay sakaizanao!

Asan’ny Apostoly 28:8

Nandamaka teo am-pandriana ny rain’i Pòbly fa sady voan’ny tazo no nivalan-dra. Nitsidika azy i Paoly, dia nivavaka sy nametra-tanana taminy, ka nahasitrana azy.

Asan’ny Apostoly 6:6

Naroso teo anatrehan’ny apôstôly izy fito lahy ka nanaovan’ny apôstôly vavaka sy nametrahany tanana.

Asan’ny Apostoly 8:17

Dia nametrahan’i Petera sy Jôhany tanana izy rehetra ka nandray ny Fanahy Masina.

Asan’ny Apostoly 9:12

Tamin’izay i Saoly dia nisehoam-pahitana ary nahatazana lehilahy atao hoe Hananià, izay niditra tao aminy sy nametra-tanana taminy mba hahiratan’ny masony indray.)

Asan’ny Apostoly 9:17

Dia niainga i Hananià ka niditra tao an-tranon’i Joda, ary nametra-tanana tamin’i Saoly sady nanao hoe: Ry Saoly rahalahiko, i Jesoa Tompo, Izay niseho taminao teny an-dalana, no naniraka ahy mba hahiratan’ny masonao indray ary mba hahatonga anao ho feno Fanahy Masina.