Marka 10:14 - DIEM PROTESTANTA

¹⁴ Nahita izany i Jesoa ka tezitra ary nilaza tamin’ny mpianany hoe: –Avelao ny ankizy madinika hanatona Ahy, fa aza raràna, satria an’ny toa azy ireny ny Fanjakàn’Andriamanitra.

Baiboly Protestanta Malagasy 2011

¹⁴ Kanefa tezitra Jesosy raha nahita izany ka hoy Izy taminy: Avelao ny zaza hanatona Ahy ary aza rarana; fa an’izay toa azy ny fanjakan’Andriamanitra.

Dikateny Iombonana Eto Madagasikara

¹⁴ Nahita izany i Jesoa ka tezitra ary nilaza tamin’ny mpianany hoe: –Avelao ny ankizy madinika hanatona Ahy, fa aza raràna, satria an’ny toa azy ireny ny Fanjakàn’Andriamanitra.

Baiboly Katolika

¹⁴ ka tezitra i Jesoa nony nahita izany sady nanao taminy hoe: «Avelao hanatona Ahy ny zaza, fa aza raranareo, satria ny toa azy no hanana ny fanjakan’Andriamanitra.

Baiboly Protestanta Malagasy

¹⁴ Nefa tezitra Jesosy, raha nahita izany, ka hoy Izy taminy: Avelao ny zaza hanatona Ahy, ary aza rarana; fa an’ny toa azy ny fanjakan’Andriamanitra.

Malagasy Bible

¹⁴ Nefa tezitra Jesosy, raha nahita izany, ka hoy Izy taminy: Avelao ny zaza hanatona Ahy, ary aza raràna; fa an'ny toa azy ny fanjakan'Andriamanitra.

La Bible en Malgache

¹⁴ Kanefa tezitra Jesosy raha nahita izany ka hoy Izy taminy: Avelao ny zaza hanatona Ahy ary aza rarana; fa an’izay toa azy ny fanjakan’Andriamanitra.

Marka 10:14 Rohy Ifampitohizana

Genesisy 17:7

Hajoroko ny fanekempihavanako aminao mbamin’ny taranakao mandimby anao; ho fanekempihavanana maharitra mandrakizay izany, ka dia ho Andriamanitrao sy ny taranakao mandimby anao Aho.

Salamo 78:4

dia tsy hafeninay amin’ny zanakay koa; eny, hampitainay amin’ny taranaka ho avy ny zavatra tokony hiderana ny TOMPO ary koa ny asa mahery sy mahagaga nataony.

Isaia 65:23

Tsy hisasatra foana intsony izy na hitera-jaza ho fatin’ny loza tampoka; fa fianakaviana izay notahiko izy, na ny tenany na ny zanany naterany.

Nomery 14:31

Fa ny zanakareo madinika izay voalazanareo fa ho lasan-ko babo kosa dia hoentiko mankany; ireo no hahafantatra ny tany izay tsy noraharahainareo.

Matio 18:10

–Tandremo fandrao ataonareo tsinontsinona na dia ny anankiray amin’itony madinika itony aza. Eny, lazaiko aminareo fa ny anjelin’izy ireny, any an-danitra, dia manatrika lalandava ny Raiko Izay any an-danitra.

Matio 18:4

Koa izay hanetry tena tahaka ity zazakely ity no ho lehibe indrindra ao amin’ny Fanjakàn’ny lanitra.

Matio 19:14

fa hoy kosa i Jesoa: –Avelao ny ankizy madinika hanatona Ahy, fa aza raràna, satria an’ny toa azy ireny ny Fanjakàn’ny lanitra.

Matio 5:10

Sambatra izay enjehina noho izy manao ny marina nosoritan’Andriamanitra, fa azy ny Fanjakàn’ny lanitra!

Matio 5:3

–Sambatra izay miaiky ao am-po ho mahantra, fa azy ny Fanjakàn’ny lanitra!

Marka 3:5

Dia tezitra i Jesoa nanopy maso manodidina nijery azy ireo, sady nalahelo tokoa noho ny hamafin’ny fony, ka niteny tamin-dralehilahy hoe: –Atsory ny tananao! Dia natsotran’ilay marary ny tanany ka sitrana.

Marka 8:33

Dia nitodika i Jesoa nijery ny mpianatra ary niteny mafy an’i Petera nanao hoe: –Mialà amiko, ry Satàna, satria tsy hevitr’Andriamanitra no ao an-tsainao fa hevitr’olombelona.

Jaona 3:3

Fa novalian’i Jesoa hoe: –Lazaiko marina dia marina aminao fa raha tsy ateraka indray ny olona, dia tsy afa-mahita ny Fanjakàn’Andriamanitra.

Jaona 3:5

Ka novalian’i Jesoa hoe: –Lazaiko marina dia marina aminao fa raha tsy ateraky ny rano sy ny Fanahy Masina ny olona, dia tsy afa-miditra ao amin’ny Fanjakàn’Andriamanitra.

Asan’ny Apostoly 2:39

Fa ny fanomezana nampanantenain’Andriamanitra dia ho anareo sy ny zanakareo, ary ho an’ireo rehetra any lavitra any, na iza na iza hantsoin’ny Tompo Andriamanitsika hanatona Azy.

Asan’ny Apostoly 3:25

Ho anareo ny fampanantenana nataon’Andriamanitra tamin’ny alalan’ny mpaminany, ary iombonanareo anjara ilay fanekempihavanana nataon’Andriamanitra tamin’ny razanareo fony Izy niteny tamin’i Abrahama hoe: «Ny taranakao no hitahiana ny firenena rehetra eto an-tany.»

Romana 11:16

Raha voatolotra ho an’Andriamanitra ny santatry ny mofo, dia Azy koa ny mofo rehetra. Raha voatokana ho an’Andriamanitra ny foto-kazo, dia Azy koa ny rantsany rehetra.

Romana 11:28

Raha ny amin’ny Vaovao Mahafaly, dia fahavalon’Andriamanitra ny Jiosy noho ny aminareo; fa raha ny amin’ny fifidianana kosa, dia malalan’Andriamanitra izy ireo noho ny amin’ny razany.

1Korintiana 14:20

Ry havako, aoka tsy ho zaza ianareo amin’ny fisainana; eny, raha momba ny ratsy dia aoka ho zaza ianareo, fa raha amin’ny fisainana dia aoka ho olondehibe.

1Korintiana 7:14

Fa ny lahy tsy mpino dia atokan’Andriamanitra ho Azy, noho ny vadiny kristianina; ary ny vavy tsy mpino dia atokan’Andriamanitra ho Azy, noho ny vadiny kristianina. Raha tsy izany, dia ho tsy mpino ny zanak’izy roa, kanefa izao dia voatokana ho an’Andriamanitra.

Efesiana 4:26

Raha sendra tezitra ianareo, dia aza manota: aoka tsy ho tratry ny masoandro milentika ny fahatezeranareo.

Deoteronomia 4:37

Noho ny TOMPO tia ireo razambenareo sady nifidy anareo taranaka amam-parany, dia Izy mihitsy no nitondra anareo hiala tany Ejipta ka nomba anareo tamin-kery lehibe;

2Timoty 1:5

Tsahiviko ny finoana tsy mihatsaravelatsihy izay ao anatinao, dia ilay finoana efa nananan’i Lôisa renibenao sy i Eonika reninao talohanao. Azoko antoka fa anananao koa izany.

2Timoty 3:15

Hatramin’ny fahazazànao no efa nahalalanao ny Soratra Masina izay manome fahendrena anao hahazoanao famonjena, noho ny finoanao an’i Kristy Jesoa.

Josoa 8:35

Tsy nisy teny na dia iray aza tamin’izay rehetra nandidian’i Mosesy ka tsy novakîn’i Josoa teo anatrehan’ny fiangonan’ny Israelita tsivakivolo izay nahafaoka ny zaza amam-behivavy ary koa ny vahiny niara-nonina taminy.

1Petera 2:2

Tahaka ny zaza vao teraka ianareo ka irio fatratra ilay ronono madio, izany hoe ny tenin’Andriamanitra, mba hitomboanareo amin’izany ka hahazoanareo famonjena,

Apokalipsy 14:5

Ireo no tsy nandrenesan-dainga teo am-bavany, satria tsy manan-tsiny.

1Samoela 1:11

sy voady izao: «Ry TOMPOn’izao rehetra izao ô, mba jereo tokoa ny alaheloko ka tsarovy fa aza hadinoina; raha mba omenao zanakalahy anankiray aho, dia hatolotro ho ANAO kosa izy amin’ny androny rehetra; ka tsy hokasihin-kareza ny lohany.»

1Samoela 1:22

Tsy niaraka tamin’ny vadiny i Hanà tamin’ity indray maka ity; fa hoy izy taminy: «Aoka aloha hisara-nono ny zaza, vao hoentiko hiseho eo anatrehan’ny TOMPO, ary dia hitoetra eo mandrakizay izy.»