Levitikosy 5:15 - DIEM PROTESTANTA

¹⁵ «Raha misy olona manao fanazimbana ny zavatra voatokana ho an’ny TOMPO ka manota tsy nahy momba izany, dia hitondra sorom-panonerana amin’ny TOMPO izy, dia ondrilahy tsy misy kilema, tombanana sekela volafotsy vitsivitsy araka ny sekela fampiasa ao amin’ny Toeramasina: sorom-panonerana izany.

Baiboly Protestanta Malagasy 2011

¹⁵ Raha misy olona manao izay mahadiso ka manota tsy nahy ny amin’ireo zava-masin’NY TOMPO dia hitondra ny fanati-panonerany ho an’NY TOMPO izy, dia ondrilahy tsy misy kilema, koa sekela volafotsy no anombananao azy, araka ny sekela masina, ho fanati-panonerana.

Dikateny Iombonana Eto Madagasikara

¹⁵ «Raha misy olona manao fanazimbana ny zavatra voatokana ho an’ny TOMPO ka manota tsy nahy momba izany, dia hitondra sorom-panonerana amin’ny TOMPO izy, dia ondrilahy tsy misy kilema, tombanana sekela volafotsy vitsivitsy araka ny sekela fampiasa ao amin’ny Toeramasina: sorom-panonerana izany.

Baiboly Katolika

¹⁵ Raha misy olona manao ny tsy marina, ka manota tsy nahy ny amin’ny fanatitra masina fanao amin’i Iaveh, dia ondralahy iray tsy misy kilema avy amin’ny andian’ondry izay hotombananao sikla volafotsy araka ny sikla masina no hatolony amin’i Iaveh, hatao sorona fanonerana izany.

Baiboly Protestanta Malagasy

¹⁵ Raha misy olona manao izay mahadiso ka manota tsy nahy ny amin’ny zava-masin’i Jehovah, dia hitondra ny fanati-panonerany ho an’i Jehovah izy, dia ondrilahy tsy misy kilema, koa sekely volafotsy no anombananao azy, araka ny sekely masina, ho fanati-panonerana.

Malagasy Bible

¹⁵ Raha misy olona manao izay mahadiso ka manota tsy nahy ny amin'ny zava-masin'i Jehovah, dia hitondra ny fanati-panonerany ho an'i Jehovah izy, dia ondrilahy tsy misy kilema, koa sekely volafotsy no anombananao azy, araka ny sekely masina, ho fanati-panonerana.

La Bible en Malgache

¹⁵ Raha misy olona manao izay mahadiso ka manota tsy nahy ny amin’ireo zava-masin’NY TOMPO dia hitondra ny fanati-panonerany ho an’NY TOMPO izy, dia ondrilahy tsy misy kilema, koa sekela volafotsy no anombananao azy, araka ny sekela masina, ho fanati-panonerana.

Levitikosy 5:15 Rohy Ifampitohizana

2Mpanjaka 12:16

Tsy nampamoahina ny mpanome karama ny mpiasa satria nahatoky tamin’ny fiasany.

Ezra 10:19

nametra-teny izy efa-dahy fa handroaka ny vadiny sy hanolotra ondrilahy iray avy ho sorona fanalana ny otany;

Eksodosy 30:13

Izay rehetra voaisa dia samy hanome vola antsasaky ny sekela, araka ny lanja fampiasa ao amin’ny Toeramasina. Io vola io dia haloa ho Ahy TOMPO,

Ezekiela 40:39

Teo an-daniny roa amin’io lalantsara io, dia nisy latabatra roa avy, ka teo no namonoana ireo biby natao sorona: dia ny sorona dorana manontolo na ny sorona famelan-keloka na ny sorom-panonerana.

Levitikosy 1:10

«Rehefa ondry na osy no atolotra ho sorona dorana manontolo, dia ondrilahy sy osilahy tsy misy kilema no aoka hatolotra.

Levitikosy 1:3

«Raha omby no atolotra ho sorona dorana manontolo, dia ombilahy tsy misy kilema no aoka hatolotra; eo anoloan’ny varavaran’ny Tranolay fihaonana no hitondrany azy mba hankasitrahina eo anatrehan’ny TOMPO.

Levitikosy 14:12

Dia haka ny zanakondrilahy iray ny mpisorona, ka hanolotra azy ho sorom-panonerana miaraka amin’ny menaka antsasa-litatra; hahevahevany eo anatrehan’ny TOMPO no ho fomba fanolotra an’ireo.

Levitikosy 27:3

dia araka ny vola tombananao haloany no hanefany voady; «Olona roapolo taona ka hatramin’ny enimpolo taona: ho an’ny lehilahy, dia sekela volafotsy dimampolo, araka ny sekela fampiasa ao amin’ny Toeramasina;

Levitikosy 4:2

mba hamepetra ny Israelita hoe: «Raha misy olona manota tsy nahy ka mandika ny anankiray amin’ireny didin’ny TOMPO momba ny zavatra tsy tokony hatao ireny, dia sorona fanalana ny ota no aoka hataony.

Levitikosy 5:14

Dia niteny tamin’i Mosesy ny TOMPO nanao hoe:

Levitikosy 5:16

Ny zavatra namonoany antoka ny Toeramasina dia honerany sady hampiany ny ampahadimin-tombany, ka homeny ny mpisorona. Ary rehefa voatolotry ny mpisorona ilay ondrilahy sorom-panonerana ka nataony tamin’ilay olona ny fombam-pivavahana famelana, dia voavela ny otany.

Levitikosy 5:18

Ondrilahy, tsy misy kilema, avy amin’ny andian’ondriny sady tombanana araka ny maha sorom-panonerana azy, no hoentiny ho eo amin’ny mpisorona. Ary rehefa nataon’ny mpisorona tamin’ilay olona ny fombam-pivavahana famelana noho ny ota tsy tandrina sady tsy nahy nahavoa azy, dia voavela ny otany.

Levitikosy 6:6

Ka afo tsy maty no hirehitra lalandava eo ambonin’ny alitara.

Levitikosy 7:1

«Izao no lalàna momba ny sorom-panonerana: «Zava-masina dia masina izany,

Levitikosy 7:6

Ny lehilahy rehetra anisan’ny mpisorona no mahazo mihinana ny hena; eo amina faritra voatokana no hihinanany azy, satria zava-masina dia masina izany.

Nomery 15:24

Raha tsy nahy no nanotan’ny fiangonana ka tsy fantany, dia hanolotra amiko TOMPO ombilahy iray ny fiangonana tsivakivolo ho sorona dorana manontolo izay hanetona ho hanitra ankasitrahina ho AHY; hampombaina izany ny fanatitra lafarinina sy divay, araka ny fanao, ary koa osilahy iray ho sorona fanalana ny ota.

Nomery 5:5

Dia niteny tamin’i Mosesy ny TOMPO

Nomery 5:8

Raha tàhiny maty ilay tompon-javatra sady tsy manan-kavana akaiky hahazoana manonitra ilay zavatra, dia homena ny TOMPO io, izany hoe ho an’ny mpisorona; manginy fotsiny ny ondrilahy hatao sorom-panonerana ka hanaovana fombam-pivavahana famelan-keloka.

Deoteronomia 12:26

Kanefa ny zava-masinareo sy ny zavatra nataonareo voady dia ento mankany amin’ny toerana hofidin’ny TOMPO.

1Samoela 6:3

Dia hoy ireo namaly: –Raha hamerina ilay Vatamasin’ny Andriamanitr’i Israely ianareo, dia aza averina foana amin’izao, fa tsy maintsy hanateranareo fanonerana Izy; dia ho sitrana ianareo ary ho fantatrareo ny anton’ny namelezan’io Andriamanitra io anareo tamin’ny heriny.