Levitikosy 5:1 - DIEM PROTESTANTA

¹ «Raha misy olona mandre ny antso avo ataon’ny fampanoavana ho an’ireo vavolombelona ka ny tenany dia vavolombelona nahita na nahalala nefa tsy manambara, dia manota izy ary itambesaran’ny heloka.

Baiboly Protestanta Malagasy 2011

¹ Raha misy manota, satria mandre teny fanozonana ka vavolombelona nahita na nahalala, nefa tsy manambara dia meloka noho izany izy.

Dikateny Iombonana Eto Madagasikara

¹ «Raha misy olona mandre ny antso avo ataon’ny fampanoavana ho an’ireo vavolombelona ka ny tenany dia vavolombelona nahita na nahalala nefa tsy manambara, dia manota izy ary itambesaran’ny heloka.

Baiboly Katolika

¹ Raha misy olona manota noho izy efa nandre ny didin’ny mpitsara, amin’ny maha vavolombelona azy, nefa tsy milaza izay hitany na izay fantany, dia hivesaran’ny helony izy.

Baiboly Protestanta Malagasy

¹ Ary raha misy manota, satria mandre ny feon’ny fampianianana, sady vavolombelona nahita na nahalala, nefa tsy manambara izy, ka mahameloka azy izany,–

Malagasy Bible

¹ Ary raha misy manota, satria mandre ny feon'ny fampianianana, sady vavolombelona nahita na nahalala, nefa tsy manambara izy, ka mahameloka azy izany,

La Bible en Malgache

¹ Raha misy manota, satria mandre teny fanozonana ka vavolombelona nahita na nahalala, nefa tsy manambara dia meloka noho izany izy.

Levitikosy 5:1 Rohy Ifampitohizana

1Mpanjaka 22:16

Fa hoy indray ny mpanjaka taminy: –Impiry moa no hampianianako anao mba tsy hilaza amiko afa-tsy ny marina ihany amin’ny anaran’ny TOMPO?

1Mpanjaka 8:31

«Mety hisy olona manota amin’ny namany, ka asaina manao fianianana ombàm-piozonana. Rehefa tonga hanao izany eto anoloan’ny alitaranao amin’ity tempolinao ity izy,

2Tantara 18:15

Fa hoy indray ny mpanjaka taminy: –Impiry moa no hampianianako anao mba tsy hilaza amiko afa-tsy ny marina ihany amin’ny anaran’ny TOMPO?

Salamo 38:4

Tsy misy tsy marofy ny nofoko noho ny fahatezeranao; tsy misy tsy marary ny taolako noho ny fahotako.

Eksodosy 22:11

Fa raha tàhiny kosa nangalarina tao aminy tokoa izany biby izany, dia handoa onitra amin’ny tompon-javatra izy.

Ohabolana 29:24

Izay miray tetika amin’ny mpangalatra, dia fahavalon’ny tenany; nandre ny ozona mety hihatra izy, kanefa tsy milaza ny mpangalatra.

Ohabolana 30:9

Fandrao ho tototra harena aho, dia handà Anao ka hahateny hoe: ‹Fa iza moa ny TOMPO?› na fandrao hahantra aho, dia mety hangalatra ka hanala baràka ny anaran’Andriamanitro».

Isaia 53:11

«Niaritra fahoriana mafy ny Mpanompoko, hoy ny TOMPO, ka dia hahita ny taranaka sy ho lava andro iainana. Ho fantatry ny olona fa marina io Mpanompoko io; ka dia Izy no hahatonga ny besinimaro ho marina, satria ny tenany no mivesatra ny helok’ireo.

Jeremia 23:10

«Feno olona mijangajanga ny tany. Mirohotra amin’ny faharatsiana izy ary feno fahasahiana hanao tsy rariny. Noho izany, misaona ny tany ary tonga maina ny kijàna.

Ezekiela 18:20

Ny olona nanota ihany no ho faty. Ny zanaka tsy hizaka ny fahadisoan’ny ray aman-dreniny, ary ny ray aman-dreny tsy hizaka ny fahadisoan’ny zanany. Ny olo-marina dia hovaliana soa noho ny fahamarinany ary ny olon-dratsy kosa hofaizina noho ny faharatsiany.»

Ezekiela 18:4

Fa samy Ahy avokoa ny ain’ny tsirairay avy, na ny an’ny ray aman-dreny na ny an’ny zanany; koa izay olona manota ihany no ho faty.

Levitikosy 17:16

Fa raha tsy manasa fitafiana sy mandro izy, dia itambesaran-keloka.»

Levitikosy 19:8

Izay mihinana azy amin’izany, dia itambesaran-keloka satria manamavo ny zavatra voatokana ho Ahy TOMPO; ka dia hofongorana tsy ho anisan’ny vahoaka israelita izany olona izany.

Levitikosy 20:17

«Raha misy lehilahy manambady anabavy zanakavavy nentin-drainy na nentin-dreniny, ka miray tokoa izy roroa, dia zavatra mahamenatra izany; eo imason’ny mpiray firenena aminy no hofongorana tsy ho anisan’ny vahoaka israelita izy roroa, satria niray tamin’ny anabaviny ralehilahy ka itambesaran-keloka.

Levitikosy 4:2

mba hamepetra ny Israelita hoe: «Raha misy olona manota tsy nahy ka mandika ny anankiray amin’ireny didin’ny TOMPO momba ny zavatra tsy tokony hatao ireny, dia sorona fanalana ny ota no aoka hataony.

Levitikosy 5:15

«Raha misy olona manao fanazimbana ny zavatra voatokana ho an’ny TOMPO ka manota tsy nahy momba izany, dia hitondra sorom-panonerana amin’ny TOMPO izy, dia ondrilahy tsy misy kilema, tombanana sekela volafotsy vitsivitsy araka ny sekela fampiasa ao amin’ny Toeramasina: sorom-panonerana izany.

Levitikosy 5:17

«Raha misy olona manota satria manao tsy nahy ny anankiray amin’ny zavatra noraran’ny TOMPO, dia manjary manan-tsiny izy sady itambesaran’ota.

Levitikosy 7:18

Raha tàhiny hihinanana amin’ny andro fahatelo izany henan’ny sorom-pihavanana izany, dia tsy hahazo sitraka amin’Andriamanitra ny mpanatitra azy; hoheverina ho tsinontsinona izany sorom-pihavanana izany, satria ny henany efa nanjary tsy azo ampiasaina amin’ny fombam-pivavahana intsony. Izay olona mihinana amin’izany dia itambesaran-keloka.

Nomery 9:13

Fa raha misy kosa olona tsy voaloto sady tsy nandeha an-tany lavitra nefa tsy mankalaza ny Paska, dia hofongorana tsy ho isan’ny fiangonan’i Israely izy, satria tsy nitondra ny fanatitra ho Ahy TOMPO tamin’ny andro voatondro. Hizaka ny vokatry ny fahotany izany olona izany.

Matio 26:63

Fa nangina i Jesoa. Dia hoy ny mpisorombe taminy: –Mandidy Anao aho, amin’ny anaran’ilay Andriamanitra velona, mba hilaza aminay raha Ianao no ilay Mesia, ilay Zanak’Andriamanitra.

1Petera 2:24

ny tenan’i Kristy no nitondra ny fahotantsika teo ambony hazofijaliana, mba hitsaharantsika amin’ny fahotana ka hivelomantsika hanao ny marina; ary ny dian-kapoka taminy no nahasitrana anareo.

Mpitsara 17:2

Indray andro dia hoy izy tamin’ny reniny: –Tsaroanao moa fony nisy naka ny volanao sekela volafotsy 1 100, ka nanaovanao ozona izay reko tokoa ny nanononanao azy? Ao amiko io vola io, ary izaho ihany no naka azy. Dia hoy ny reniny taminy: –Hotahin’ny TOMPO anie ianao, anaka!