Levitikosy 26:6 - DIEM PROTESTANTA

⁶ Hasiako fiadanana eo amin’ny tany, ka handry tsy hisy hanaitra ianareo; fa hofongorako ny biby masiaka eo amin’ny tany, ary tsy mba handalovan’ady intsony izy.

Baiboly Protestanta Malagasy 2011

⁶ Homeko fiadanana eo amin’ny tany ianareo ka handry fehizay, ary tsy hisy hanaitaitra; fa hofongorako ny biby masiaka amin’ny tany ary tsy hotetezin-tsabatra ny taninareo.

Dikateny Iombonana Eto Madagasikara

⁶ Hasiako fiadanana eo amin’ny tany, ka handry tsy hisy hanaitra ianareo; fa hofongorako ny biby masiaka eo amin’ny tany, ary tsy mba handalovan’ady intsony izy.

Baiboly Katolika

⁶ Hasiako fiadanana eo amin’ny tany, ka handry tsy hisy hanaitra ianareo. Ny biby masiaka hofongorako amin’ny tany; ary ny sabatra tsy hamakivaky ny taninareo.

Baiboly Protestanta Malagasy

⁶ Ary homeko fiadanana eo amin’ny tany hianareo ka handry fahizay, ary tsy hisy hanaitaitra, fa hofongorako ny biby masiaka amin’ny tany, ary tsy hotetezin-tsabatra ny taninareo.

Malagasy Bible

⁶ Any homeko fiadanana eo amin'ny tany ianareo ka handry fahizay, ary tsy hisy hanaitaitra, fa hofongorako ny biby masiaka amin'ny tany, ary tsy hotetezin-tsabatra ny taninareo.

La Bible en Malgache

⁶ Homeko fiadanana eo amin’ny tany ianareo ka handry fehizay, ary tsy hisy hanaitaitra; fa hofongorako ny biby masiaka amin’ny tany ary tsy hotetezin-tsabatra ny taninareo.

Levitikosy 26:6 Rohy Ifampitohizana

2Mpanjaka 2:24

Dia nitodika i Elisà nijery azy ka nanozona azy tamin’ny anaran’ny TOMPO. Ary nisy orsa roa nivoaka avy tany an’ala namiravira ny 42 tamin’ireo ankizy ireo.

1Tantara 22:9

Fa indro hisy zazalahy haterakao, izay ho olona tia fandriampahalemana sady homeko fandriampahalemana eo anoloan’ny fahavalo rehetra manodidina azy. Ny anarany manko hatao hoe Salômôna –izany hoe ‹tia fiadanana› –ary homeko fiadanana sy fandriampahalemana i Israely amin’ny andro hanjakany.

2Tantara 20:30

Dia nandry feizay ny fanjakàn’i Jôsafata, satria nomen’Andriamanitra fiadanana tamin’ny sisin-tany manodidina izy.

Joba 11:19

Tsy hisy hanelingelina ny fialan-tsasatrao, fa maro aza no hila sitraka aminao.

Joba 5:23

Ho vita fanekempihavanana mirindra ianao amin’ny vato eny an-tsaha sy amin’ny bibidia,

Salamo 144:14

Ny mpiandany aminay no hizaka ny mafy, ka ny mandanay anie tsy hisy banga! Samy tsy hisy koa na ny faharesena na ny fibabababàna eny an-kianja!

Salamo 147:14

manisy fiadanana ny faritaninao sy mamoky anao amin’ny vary tsara indrindra,

Salamo 29:11

Homen’ny TOMPO hery anie ny vahoakany ka dia hotahîny hombam-piadanana!

Salamo 3:5

Raha miantso vonjy amin’ny TOMPO aho, dia valiany avy ao an-tendrombohiny masina. Fiatoana

Salamo 4:8

Nasianao fifaliana kosa ato am-poko mihoatra noho ilay fifalian’ireo, amin’ny itobahan’ny variny sy ny divainy.

Salamo 85:8

TOMPO ô, asehoy anay ny fitiavanao ka omeo anay ny famonjenao.

Eksodosy 23:29

Tsy hampandosiriko anareo ao anatin’ny taona iray ihany anefa ireo firenena ireo, fandrao hanjary ho lao ny tany ka hihamaro hamely anareo ny bibidia.

Ohabolana 3:24

Tsy hatahotra ianao rehefa miala sasatra, ary ho tafandry mandry rehefa matory.

Ohabolana 6:22

Hitari-dalana anao izy raha mandeha ianao, hiambina anao raha matory ianao ary hanoro hevitra anao raha mifoha ianao.

Isaia 35:8

Any no hisy arabe voamboatra hantsoina hoe «lalana voatokana». Tsy hahazo handalo eo izay maloto ary tsy hitonantonana eo ny mpanompo sampy; fa ny Tompo dia hisava izany lalana izany, ho an’ny vahoakany ihany.

Isaia 35:9

Tsy hahitana liona io lalana io sady tsy hiakaran’ny biby masiaka; tsy hisy ho hita eo ireny fa izay nafahan’ny Tompo no handeha eo.

Isaia 45:7

Izaho no mamorona ny mazava sy mahary ny maizina. Izaho no manome fahasambarana sy mahary ny loza. Izaho TOMPO no manao izany rehetra izany.

Isaia 9:7

Namoaka didim-pitsarana ny Tompo ho fanoherana ny taranak’i Jakôba, ka ny fanjakan’i Israely no niharan’izany.

Jeremia 30:10

«Koa aza matahotra ianareo, ry taranak’i Jakôba mpanompoko, hoy ny teny hentitry ny TOMPO; aza kivy ianao, ry firenena Israely, fa indro Aho hamonjy anao avy any amin’ny faritany lavitra any; indro Aho hamonjy ireo taranakareo avy any amin’ny tany izay nahababo azy. Hiverina ianareo, ry taranak’i Jakôba, ka hiadana sy handry feizay fa tsy hisy hanaitaitra intsony.

Jeremia 31:26

Izany no hilazana hoe: ‹Nony nifoha aho, dia hitako fa nahasoa ahy ny torimasoko.›)

Ezekiela 14:15

«Na koa handefasako biby masiaka amin’izany tany izany, ka hahalao azy satria hovonoin’ireo biby ireo ho faty ny mponina eo aminy ary tsy hisy handalo intsony eo noho ny tahotra ireo biby.

Ezekiela 14:17

«Na koa hampisiako ady eo amin’izany tany izany ary hodidiako ny tafika handrava azy sy handringana ny olona mbamin’ny biby fiompy ao.

Ezekiela 14:21

Izao kosa avy eo no voalazan’ny Tompo ANDRIANANAHARY tamiko: «Na dia nalefako hamely an’i Jerosalema aza ireo famaizako efatra mandoza ireo, izany hoe ny ady sy ny mosary sy ny biby masiaka ary ny areti-mandringana, mba handripahana ny olona sy ny biby fiompy,

Ezekiela 34:25

«Hanao fanekempihavanana amin’ny andianondriko Aho: Hofoanako tsy ho eo amin’ny tany ny biby masiaka ka honina am-pilaminana any an-taniefitra izy ary handry any an’ala aza.

Ezekiela 34:27

Hamoa ny hazo eny an-tsaha ary hahavokatra ny tany; ka ny vahoakako hilamina eo amin’ny taniny. Hotapahiko ny gadra izay mampahory ny vahoakako, ka hafahako eo an-tanan’ny mpanandevo azy izy. Amin’izay hoekeny fa Izaho no TOMPO.

Ezekiela 5:17

Ny mosary sy ny biby masiaka izay halefako hamely anareo no hahafaty ny zanakareo; ny areti-mandringana sy ny herisetra dia handroso eo aminareo ary ny ady kosa hataoko mihatra aminareo. Izaho TOMPO no miteny izany aminareo.»

Hosea 2:18

Rehefa mby amin’izany andro izany, hoy ny teny hentitry ny TOMPO, ilay Israely reninareo dia hiantso Ahy hoe «vadiko» fa tsy hoe «Bahalako na tompoko» intsony.

Hosea 2:20

Koa amin’izany andro izany, dia hanao fanekempihavanana ho an’ny vahoakako Aho, dia amin’ny biby eny an-tsaha, amin’ny voromanidina, amin’ny biby mandady; hofoanako tsy hisy amin’ny tany intsony ny tsipîka sy ny sabatra ary ny ady, ka dia hataoko mandry feizay ny mponiny.

Levitikosy 25:18

Tanteraho ny didiko ary imasoy hotanterahinareo ny fitsipiko, dia handry feizay ao amin’ilay tany ianareo.

Levitikosy 25:19

Ary hahavoka-javatra ny tany, dia hihinana sady ho afa-po ianareo, ka handry feizay eo.

Levitikosy 26:22

Halefako hamely anareo ny bibidia, ka hamono ny zanakareo sy handringana ny biby fiompinareo; ary hahavitsy isa anareo ireny ka ho tonga taniefitra ny lalambenareo.

Levitikosy 26:25

Ady no harongatro hamelezana anareo, ho sazin’ny nivadihanareo ny fanekempihavanako. Ary rehefa tafangona hialoka ao anaty tanànanareo ianareo, dia handefasako areti-mandringana eo aminareo ary ho voatolotra eo an-tanan’ny fahavalo ianareo.

Levitikosy 26:7

Hataonareo mandositra ny fahavalonareo ka ho lavon-tsabatra eo anoloanareo;

Mika 4:4

Ny olona samy hipetraka eo anivon’ny voalobony sy aviaviny ka tsy hisy hampahatahotra azy.» Ny TOMPO Andriamanitr’izao rehetra izao, no mampanantena izany.

Zefania 3:13

Ny sisa velona amin’ny vahoaka Israely dia tsy hanao heloka na hilaza lainga intsony, ary tsy hanao teny mamitaka intsony. Fa hihinana sy handry feizay izy ka tsy hisy hampatahotra azy.»

Hagay 2:9

Ny famirapiratan’ity trano ity dia ho lehibe mihoatra noho ny tany aloha; ary eto amin’ity toerana ity, hoy AHO, no hanomezako anareo fiadanana. Izany no fampanantenana avy amiko TOMPOn’izao rehetra izao.

Zakaria 9:10

Hofoanany tsy ho ao Efraîma intsony ny kalesy ary tsy ho ao Jerosalema ny soavaly fitondra miady Hopotehiny ny tsipîkan’ady ary hilaza fiadanana amin’ny firenena Izy. Ny fifehezany dia hatreo amin’ny ranomasina iray ka hatrany amin’ny ranomasina iray hafa, ary hatreo amin’ny onin’i Eofrata ka hatrany am-paran’ny tany.

Jaona 14:27

Fiadanana no avelako ho anareo, ny fiadanako no omeko anareo; tsy mba fiadanana tahaka ny fanomezan’izao tontolo izao no omeko anareo. Aoka izay ny horohoro na ny tahotra ao am-ponareo.

Asan’ny Apostoly 12:6

Ny alina mialoha ny hitsaran’i Herôda azy ampahibemaso, dia natory teo anelanelana miaramila roa lahy i Petera. Voafatotra gadra vy anankiroa izy, ary teo am-baravaran’ny fonja dia efa nasiana mpiambina.

Romana 5:1

Noho ny finoana àry dia tonga olo-marina eo imason’Andriamanitra isika sady efa mihavana amin’Andriamanitra amin’ny alalan’i Jesoa Kristy Tompontsika.