Levitikosy 26:35 - DIEM PROTESTANTA

³⁵ Eny, mandritra ny taona rehetra hahafoana azy, dia hiala sasatra izy mba ho solon’izay fitsaharana tsy azony, fony ianareo mbola nonina teo aminy.

Baiboly Protestanta Malagasy 2011

³⁵ amin’ny andro hahafoana azy rehetra no hitsaharany ho solon’izay tsy nitsaharany tamin’ny Sabatanareo fony mbola nonina teo ianareo.

Dikateny Iombonana Eto Madagasikara

³⁵ Eny, mandritra ny taona rehetra hahafoana azy, dia hiala sasatra izy mba ho solon’izay fitsaharana tsy azony, fony ianareo mbola nonina teo aminy.

Baiboly Katolika

³⁵ Hananany mandritra ny fotoana hahafoana azy, ny fitsaharana tsy nananany tamin’ny sabatanareo, fony ianareo nonina teo aminy.

Baiboly Protestanta Malagasy

³⁵ amin’ny andro hahafoanany rehetra no hitsaharany ho solon’izay tsy nitsaharany tamin’ny sabatanareo, raha mbola nonina teo hianareo.

Malagasy Bible

³⁵ amin'ny andro hahafoanany rehetra no hitsaharany ho solon'izay tsy nitsaharany tamin'ny sabatanareo, raha mbola nonina teo ianareo.

La Bible en Malgache

³⁵ amin’ny andro hahafoana azy rehetra no hitsaharany ho solon’izay tsy nitsaharany tamin’ny Sabatanareo fony mbola nonina teo ianareo.

Levitikosy 26:35 Rohy Ifampitohizana

Jeremia 34:17

Dia hoy ihany i Jeremià hoe: «Noho izany dia izao no lazain’ny TOMPO: Samy tokony ho nanambara fanafahana ho an’ny mpanompony avy ianareo, dia ho an’ny namany sady mpiray firenena aminy; nefa tsy nankatò Ahy ianareo. Koa Izaho TOMPO mihitsy no manambara sy miteny hentitra aminareo fa halefako hamely anareo ny ady sy ny areti-mandringana ary ny mosary; hany ka hataoko mampivarahontsana ianareo any amin’ny fanjakana rehetra eran-tany.

Levitikosy 25:2

mba hamepetra ny Israelita hoe: «Rehefa tafiditra ny tany izay omeko anareo ianareo, dia aoka ny tany volena homenareo fialàn-tsasatra mitsingerina mba ho mari-panajàna Ahy TOMPO.

Levitikosy 26:34

«Amin’izany ny taninareo hahazo fitsaharana mandritra ny taona rehetra hahafoana azy rehefa any amin’ny tanin’ny fahavalonareo any ianareo; amin’izay tokoa ny taninareo no hiala sasatra ka hahazo fitsaharana.

Levitikosy 26:36

«Izay sisa velona aminareo, any amin’ny tanin’ny fahavalony any, dia hampidirako fahareraham-po ka na ny fipikan’ny ravinkazo anankiray paohin-drivotra aza dia hampandositra azy; handositra ireo toy ny mandositra fahavalo mitan-tsabatra, ary ho lavo ireo na dia tsy misy mpanenjika aza.

Romana 8:22

Saingy fantatsika fa mandraka ankehitriny, ny zavaboaary manontolo dia miara-misento sy mijaly toy ny vehivavy mihetsi-jaza.