Levitikosy 26:34 - DIEM PROTESTANTA

³⁴ «Amin’izany ny taninareo hahazo fitsaharana mandritra ny taona rehetra hahafoana azy rehefa any amin’ny tanin’ny fahavalonareo any ianareo; amin’izay tokoa ny taninareo no hiala sasatra ka hahazo fitsaharana.

Baiboly Protestanta Malagasy 2011

³⁴ Ary amin’izany ny tany dia hifaly amin’ny Sabatany mandritra ny andro rehetra izay hahafoana azy raha any amin’ny tanin’ny fahavalonareo ianareo; dia hitsahatra ny tany ka hifaly amin’ny Sabatany;

Dikateny Iombonana Eto Madagasikara

³⁴ «Amin’izany ny taninareo hahazo fitsaharana mandritra ny taona rehetra hahafoana azy rehefa any amin’ny tanin’ny fahavalonareo any ianareo; amin’izay tokoa ny taninareo no hiala sasatra ka hahazo fitsaharana.

Baiboly Katolika

³⁴ Amin’izany, hanana ny sabatany ny tany, mandritra ny fotoana hahafoana azy, rehefa any amin’ny tanim-pahavalonareo ianareo, amin’izany, dia hitsahatra ny tany, ary hanana ny sabatany.

Baiboly Protestanta Malagasy

³⁴ Ary amin’izany ny tany dia hanonitra ny sabatany amin’ny andro rehetra izay hahafoanany, raha any amin’ny tanin’ny fahavalonareo hianareo; dia hitsahatra ny tany ka hanonitra ny sabatany;

Malagasy Bible

³⁴ Ary amin'izany ny tany dia hanonitra ny sabatany amin'ny andro rehetra izay hahafoanany, raha any amin'ny tanin'ny fahavalonareo ianareo; dia hitsahatra ny tany ka hanonitra ny sabatany;

La Bible en Malgache

³⁴ Ary amin’izany ny tany dia hifaly amin’ny Sabatany mandritra ny andro rehetra izay hahafoana azy raha any amin’ny tanin’ny fahavalonareo ianareo; dia hitsahatra ny tany ka hifaly amin’ny Sabatany;

Levitikosy 26:34 Rohy Ifampitohizana

1Mpanjaka 8:46

«Mety hanota aminao ny Israelita fa tsy misy olombelona tsy manota, ka tezitra aminy Ianao ary manolotra azy amin’ny fahavalony; dia hoentin’ny mpamabo ho babo any an-tany lavitra na akaiky ireo.

2Tantara 36:21

Izany no nahatanterahan’ny teny nampilazain’ny TOMPO an’i Jeremià hoe: «Ity tany ity dia hilaozana mandritra ny fitopolo taona, mandra-pahatapitra ny fe-potoana tokony hitsaharany mba ho onitry ny andro fitsaharana rehetra izay tsy voatandrina.»

Jeremia 34:17

Dia hoy ihany i Jeremià hoe: «Noho izany dia izao no lazain’ny TOMPO: Samy tokony ho nanambara fanafahana ho an’ny mpanompony avy ianareo, dia ho an’ny namany sady mpiray firenena aminy; nefa tsy nankatò Ahy ianareo. Koa Izaho TOMPO mihitsy no manambara sy miteny hentitra aminareo fa halefako hamely anareo ny ady sy ny areti-mandringana ary ny mosary; hany ka hataoko mampivarahontsana ianareo any amin’ny fanjakana rehetra eran-tany.

Levitikosy 25:10

Izany no hanambarànareo fa voatokana ho Ahy ny taona fahadimampolo sy hiantsoanareo fanafahana ho an’ny mponina rehetra ao amin’ilay tany. Jobily ho anareo io taona io, ka samia mody amin’ny taninareo sy amin’ny fianakavianareo avy ianareo.

Levitikosy 26:35

Eny, mandritra ny taona rehetra hahafoana azy, dia hiala sasatra izy mba ho solon’izay fitsaharana tsy azony, fony ianareo mbola nonina teo aminy.

Levitikosy 26:43

Ilay tany, izay nilaozan’ireo Israelita, dia hahazo fitsaharana mandritra ny fotoana hahafoana azy; fa hanefa ny sazin’ny heloka vitany kosa ireo Israelita, satria nandà ny fitsipiko ary nankahala ny lalànako.