Levitikosy 25:17 - DIEM PROTESTANTA

¹⁷ Koa aza misy mamono antoka ny mpiray firenena ianareo; izany no hanehoanareo fanajana Ahy satria Izaho no TOMPO Andriamanitrareo.

Baiboly Protestanta Malagasy 2011

¹⁷ Aza misy mampahory ny mpiray firenena aminareo ianareo fa matahora an’Andriamanitrao; Izaho no TOMPO Andriamanitrareo.

Dikateny Iombonana Eto Madagasikara

¹⁷ Koa aza misy mamono antoka ny mpiray firenena ianareo; izany no hanehoanareo fanajana Ahy satria Izaho no TOMPO Andriamanitrareo.

Baiboly Katolika

¹⁷ Aza misy mamono antoka ny rahalahinareo ianareo, fa matahora an’Andriamanitra, satria Izaho no Iaveh Andriamanitrareo.

Baiboly Protestanta Malagasy

¹⁷ Ary aza misy manao sarotra hianareo, fa matahora an’Andriamanitrao; fa Izaho no Jehovah Andriamanitrareo.

Malagasy Bible

¹⁷ Ary aza misy manao sarotra ianareo, fa matahora an'Andriamanitrao; fa Izaho no Jehovah Andriamanitrareo.

La Bible en Malgache

¹⁷ Aza misy mampahory ny mpiray firenena aminareo ianareo fa matahora an’Andriamanitrao; Izaho no TOMPO Andriamanitrareo.

Levitikosy 25:17 Rohy Ifampitohizana

Genesisy 20:11

Namaly kosa i Abrahama hoe: –Nihevitra anakampo aho fa tsy misy olona matahotra an’Andriamanitra amin’ity toerana ity, koa hovonoin’ireo aho noho ny amin’ny vadiko.

Genesisy 22:12

Dia hoy indray ilay anjely: –Aza maninji-tanana amin’io zazalahy io ianao ary aza manao aminy na inona na inona akory, satria fantatro ankehitriny fa manaja Ahy ianao; ka, na dia ny zanaka lahitokanao aza, dia tsy narovanao tamiko.

Genesisy 39:9

Ary na ato an-trano aza dia tsy manana fahefana noho izaho izy; ka tsy nisy nandrarany ahy, afa-tsy ianao izay vadiny. Koa ahoana no ahazoako manao zava-dratsy lehibe toy izany, ka hanotako amin’Andriamanitra?

Genesisy 42:18

Ary tamin’ny andro fahatelo dia hoy i Jôsefa taminy: –Izao no ataovy, dia ho velona ianareo, satria izaho koa mba manaja an’Andriamanitra.

2Tantara 19:7

Koa ho ao aminareo anie ny fanajana ny TOMPO! Tandremo sy ataovy izany, fa tsy tia heloka na fizahan-tavan’olona na fandraisan-kolikoly ny TOMPO Andriamanitsika.

Nehemia 5:15

Kanefa ireo governora talohako dia nanahirana ny olona ka nampandoa azy hanina sy divay ary sekela volafotsy efapolo; eny, na ny mpanompony aza, dia nisetrasetra tamin’ny olona. Izaho kosa tsy mba nanao izany noho ny fahatahorako an’Andriamanitra.

Nehemia 5:9

Ary hoy koa aho hoe: –Tsy tsara izao ataonareo izao! Moa tsy tokony niaina tamim-pahatahorana an’Andriamanitra ve ianareo mba tsy hiharan’ny fanaratsian’ireo hafa firenena fahavalontsika?

Salamo 19:9

Mahitsy ny fitsipiky ny TOMPO ka mahafaly ny fo. Mangarangarana ny baikon’ny TOMPO ka manazava ny fijery.

Eksodosy 20:20

Namaly azy ireo i Mosesy hoe: –Aza matahotra! Raha nanatona anareo Andriamanitra, dia ny mba hizaha toetra anareo; tiany hisy eo aminareo ny fanajana Azy mba tsy hanotanareo.

Ohabolana 1:7

Ny fanajana ny TOMPO no loharanom-pahalalana. Fa ny adala kosa manamavo fahendrena amam-panabeazana.

Ohabolana 14:31

Izay mampahory ny mahantra dia manala baràka an’ilay Andriamanitra Mpanao azy; fa izay miantra ny ory kosa no manome voninahitra Azy.

Ohabolana 16:6

Manafa-keloka ny fitiavana sy ny toetra mahatoky; ary ny fanajana ny TOMPO no ialana amin’ny ratsy.

Ohabolana 22:22

Aza manendaka ny mahantra, noho izy mahantra; ary aza mampahory tsy mana-mpiahy amin’ny fitsarana.

Isaia 3:14

Hampandaloviny fitsarana ireo loholona sy lehiben’ny vahoakany: «Ianareo no nanimba ny voaloboka; ary izay nalainareo tamin’ny mahantra no namenoanareo ny tranonareo.

Jeremia 22:16

Notsarainy ara-drariny tokoa ny mahantra sy ny malahelo; ary nahitany hasambarana izany. Moa tsy izay manao toy izany ve no tena mahalala marina Ahy TOMPO, hoy ny teny hentitra ambarako?

Levitikosy 19:13

«Aza mamoritra ny namanareo hahazoana ny fananany, aza manendaka azy; ary aza tananao miloaka alina ny karaman’ny mpikaramanareo.

Levitikosy 19:14

Aza miteny ratsy ny marenina, ary aza manisy sakana hampianjera eo alohan’ny jamba; izany no hanehoanareo fanajana Ahy Andriamanitrareo. Izaho no TOMPO.

Levitikosy 19:32

«Mitsangàna ianao raha manoloana ny olona efa antitra ho fanomezam-boninahitra azy; izany no hanehoanao fanajana Ahy Andriamanitrao. Izaho no TOMPO.

Levitikosy 25:14

Rehefa mivarotra na mividy tany amin’ny namanareo ianareo, dia aza misy mamono antoka azy.

Levitikosy 25:36

Aza maka zana-bola na tombony aminy; izany no hanehoanareo fanajana Ahy Andriamanitrareo sady hahazoany mivelona eo anilanareo.

Levitikosy 25:43

Aza itratrevatrevana sy ampahoriana izy, fa izany no hanehoanareo fanajana Ahy Andriamanitrareo.

Malakia 3:5

Ary hoy ny TOMPOn’izao rehetra izao hoe: «Ho avy eo aminareo Aho mba hitsara anareo. Ho dodona Aho hanameloka ny mpanao majika, ny mpanitsakitsa-bady, ny mpianiana lainga, ny mpamaly karaman’ny mpiasa, ny mpamoritra mpitondratena sy kamboty na koa ny mpampahory vahiny, dia izay rehetra tsy manaja Ahy.»

Lioka 12:5

Fa hasehoko anareo izay tokony hatahoranareo: matahora an’Andriamanitra Izay manam-pahefana hamarina anareo any amin’ny lohasahan’afo rehefa novonoiny ianareo; eny, hoy Aho aminareo, Izy ihany no atahory.

Asan’ny Apostoly 10:2

Mpivavaka sady mpanaja an’Andriamanitra izy mbamin’ny ankohonany manontolo. Nanampy be dia be ny olo-mahantran’ny vahoaka jiosy i Kôrnely sady nivavaka tamin’Andriamanitra isaky ny fotoana voatendry.

Asan’ny Apostoly 10:35

Eny, ankasitrahin’Andriamanitra avokoa izay olona manaja Azy sy manao ny rariny na aiza na aiza firenena misy azy.

Asan’ny Apostoly 9:31

Nandry feizay ny Fiangonana manerana an’i Jodea sy i Galilea ary i Samaria manontolo: nandroso tsara, nizotra tamin’ny fanoavana ny Tompo, ary nihamaro noho ny fampaherezan’ny Fanahy Masina.

Romana 11:20

Marina izany! Nesorina izy ireny noho ny tsy finoana. Kanefa aza miavonavona, fa matahòra.

Romana 3:18

«Ny tahotra an’Andriamanitra, tsy ananany mihitsy!»

Deoteronomia 25:18

Tsy nanan-tahotra an’Andriamanitra ireo fa nanehatra anareo teny an-dalàna sy namely izay trotraka teo amin’ny vodilaharanareo fony ianareo reraka sy sasatra.

1Tesaloniana 4:6

ka amin’izany raharaham-panambadiana izany, dia aoka tsy hisy olona hanao ny tsy rariny amin’ny namany na hifetsy azy. Araka ny efa voalazanay taminareo sy nameperanay mafy anareo, dia hofaizin’ny Tompo izay manao ireny karazan-javatra ireny.

1Samoela 12:24

Izao ihany no ataoko aminareo: hajao ny TOMPO ka tompoy marina amin’ny fonareo manontolo, ary tsarovy ny zava-dehibe izay nataony ho anareo.