Levitikosy 19:26 - DIEM PROTESTANTA

²⁶ «Aza eo amin’ny tany andrarahana ny ram-biby no ihinananareo ny henany; aza manao sikidy na fanandroana.

Baiboly Protestanta Malagasy 2011

²⁶ Aza mihinana zavatra misy ra; aza manao sikidy na manandro.

Dikateny Iombonana Eto Madagasikara

²⁶ «Aza eo amin’ny tany andrarahana ny ram-biby no ihinananareo ny henany; aza manao sikidy na fanandroana.

Baiboly Katolika

²⁶ Aza mihinan-javatra miharo ra. Aza manao sikidy na fankatoavana.

Baiboly Protestanta Malagasy

²⁶ Aza homana zavatra misy ra; aza manao sikidy na manandro.

Malagasy Bible

²⁶ Aza homana zavatra misy rà; aza manao sikidy na manandro.

La Bible en Malgache

²⁶ Aza mihinana zavatra misy ra; aza manao sikidy na manandro.

Levitikosy 19:26 Rohy Ifampitohizana

Genesisy 44:5

Nahoana no nangalarinareo ny tsangambava izay fisotroan’ny tompoko sy fanaovany sikidy? Ratsy izao nataonareo izao!»

Genesisy 9:4

Kanefa kosa ny nofo miaraka amin’ny ainy, izany hoe miaraka amin’ny rany, dia aza haninareo mihitsy.

2Mpanjaka 17:17

Nanolotra ny zanany lahy sy vavy ho sorona dorana izy, sady nanao majika sy sikidy, ary nivarilavo nanao izay ratsy eo imason’ny TOMPO, ka nampahatezitra Azy.

2Mpanjaka 21:6

Ary na ny zanany lahy aza dia natolony ho sorony dorana; ankoatra izany dia mbola nanandro sady nisikidy ary naka hevitra tamin’ny olona tsindrian-javatra sy mpanao fitokavana koa izy. Nahery nanao izay ratsy eo imason’ny TOMPO izy, ka nampahatezitra Azy.

2Tantara 33:6

ary na ireo zanany lahy aza dia natolony ho sorona dorana teo an-dohasahan’i Bena-Hinôma. Ankoatra izany dia mbola nanandro sady nisikidy sy nanao ody mahery izy, ary naka hevitra tamin’ny olona tsindrian-javatra sy mpanao fitokavana. Dia nahery nanao izay ratsy eo imason’ny TOMPO izy, ka nampahatezitra Azy.

Eksodosy 7:11

Nantsoin’ny Farao ihany koa ireo olon-kendry sy mpanao majia tao Ejipta; ary ireo ombiasy ireo dia nanao toy izany koa tamin’ny fitokavany:

Eksodosy 8:7

Hialan’ny sahona ianao sy ny lapanao mbamin’ny mpanomponao ary ny vahoakanao ka tsy hisy havela afa-tsy ny ao Neily ihany.

Jeremia 10:2

Izao no lazain’ny TOMPO: «Aza ianaranareo ny fomban’ny firenen-kafa; ary aza atahoranareo ny famantarana izay miseho eny an-danitra, fa ny firenen-kafa no matahotra ireny.

Daniela 2:10

Dia namaly teo anatrehan’ny mpanjaka indray ny mpanandro ka nanao hoe: –Tsy misy olona eto ambonin’ny tany afaka hilaza izany nofinao izany, ry mpanjaka! Ary tsy mbola nisy mpanjaka, na dia izay lehibe sy mahery aza, ka nanontany zavatra toy izany tamin’ny mpanao majika aman-tsikidy sy ny mpanandro.

Levitikosy 19:25

Fa amin’ny taona fahadimy vao hihinana ny voany ianareo. Raha izany no ataonareo, dia hitombo ny fahavokaran’ny hazo ho anareo. Izaho no TOMPO Andriamanitrareo.

Levitikosy 3:17

Lalàna raikitra ho anareo izany hatrany hatrany, ary na aiza na aiza onenanareo: tsy hihinana jabora na ra akory ianareo!».

Levitikosy 7:26

Aza mihinana ram-borona na ram-biby ianareo, na aiza na aiza hitoeranareo.

Malakia 3:5

Ary hoy ny TOMPOn’izao rehetra izao hoe: «Ho avy eo aminareo Aho mba hitsara anareo. Ho dodona Aho hanameloka ny mpanao majika, ny mpanitsakitsa-bady, ny mpianiana lainga, ny mpamaly karaman’ny mpiasa, ny mpamoritra mpitondratena sy kamboty na koa ny mpampahory vahiny, dia izay rehetra tsy manaja Ahy.»

Asan’ny Apostoly 15:20

Fa aoka hanoratantsika izy ka hangatahina tsy hihinana ny hena maloto natao sorona tamin’ny sampy, tsy hanao fifandraisana mamoafady ara-panambadiana, tsy hihinana ny henam-biby tsy nosomindaina, ary hifady ny ra.

Deoteronomia 12:16

Saingy ny ran’ilay biby no aza haninareo, fa araraho amin’ny tany toy ny rano.

Deoteronomia 12:23

Kanefa tandremo mafy mba tsy hohaninareo ny ran’ilay biby, fa ny ra no aina; ary tsy azonareo hanina ny aina amin’ny tena.

Deoteronomia 15:23

Saingy ny rany no aza haninareo fa araraho amin’ny tany toy ny rano.

1Samoela 14:32

koa avy dia niantoraka tamin’ireo remby izy; nalainy avokoa na ondry na omby na zanak’omby, dia novonoiny ary nohaniny teo amin’ny toerana nandatsahany ny rany ihany.

1Samoela 14:33

Dia nisy nitatitra tamin’i Saoly fa manota amin’ny TOMPO ny olona satria mihinan-kena eo amin’ny nandatsahany ra azy. Ary hoy i Saoly hoe: –Mpamadika ianareo! Izao ankehitriny izao dia manakodiava vato lehibe mankatỳ amiko.

1Samoela 15:23

Fa ratsy toy ny sikidy ny fikomiana aminy, ary ratsy toy ny fanompoan-tsampy ny tsy fanekena Azy. Koa satria nandà ny tenin’ny TOMPO ianao, dia mba laviny kosa tsy ho mpanjaka intsony.