Levitikosy 19:17 - DIEM PROTESTANTA

¹⁷ «Aza mankahala ao am-ponareo ny mpiray firenena aminareo fa anaro tsara izy mba tsy hahazoanareo heloka noho ny aminy.

Baiboly Protestanta Malagasy 2011

¹⁷ Aza mankahala ny rahalahinao amin’ny fonao; anaro mafy ny mpiray firenena aminao mba tsy hahazoanao heloka noho ny aminy.

Dikateny Iombonana Eto Madagasikara

¹⁷ «Aza mankahala ao am-ponareo ny mpiray firenena aminareo fa anaro tsara izy mba tsy hahazoanareo heloka noho ny aminy.

Baiboly Katolika

¹⁷ Aza mankahala ny rahalahinao ao am-ponao, fa mananara ny namanao, mba tsy hahazoanao heloka noho ny aminy.

Baiboly Protestanta Malagasy

¹⁷ Aza mankahala ny rahalahinao amin’ny fonao; mananara dia mananara ny namanao, mba tsy hahazoanao heloka noho ny aminy.

Malagasy Bible

¹⁷ Aza mankahala ny rahalahinao amin'ny fonao; mananara dia mananara ny namanao, mba tsy hahazoanao heloka noho ny aminy.

La Bible en Malgache

¹⁷ Aza mankahala ny rahalahinao amin’ny fonao; anaro mafy ny mpiray firenena aminao mba tsy hahazoanao heloka noho ny aminy.

Levitikosy 19:17 Rohy Ifampitohizana

Genesisy 27:41

Ary nankahalain’i Hesao i Jakôba, satria nahazo ny tsodranon-drainy; ka hoy i Hesao anakampo hoe: «Efa akaiky ny andro hisaonana an’i dada, ary amin’izay no hamonoako an’i Jakôba rahalahiko.»

2Samoela 13:22

Ary tsy nifampiteny intsony tamin’i Amnôna i Absalôma, satria halan’i Absalôma izy noho ny nanaovany an-keriny an’i Tamara anabaviny.

Nehemia 13:17

Dia nifandahatra tamin’ireo loholon’i Joda aho ka nanao taminy hoe: –Inona izao zava-dratsy ataonareo izao, no dia tsy hajainareo ny andro sabata?

Salamo 141:5

Raha ny olo-marina hikapoka ahy, dia mari-pitiavana izany; raha hananatra ahy koa izy, dia ilomanitra soa indrindra izany ka enga anie tsy holavin’ny lohako! Fa ny fivavahako anie hitohy hatrany hanoherana ny haratsian’ny mpanao heloka!

Ohabolana 9:8

Aza mananatra ny mpaniratsira, fandrao hankahalainy ianao; fa ny hendry no anaro, dia ho tiany ianao.

Lioka 17:3

Koa mitandrema tena ianareo! Raha diso ny rahalahinao, dia anaro; ka raha mivalo izy, dia avelao.

Romana 1:32

Mendrika ho faty ny olona manao ny asa toy ireny: didim-pitsarana navoakan’Andriamanitra izany, ary fantatr’izy ireo tsara. Nefa izy ireo dia mbola manao ihany, ary izay manao koa ankasitrahiny.

1Korintiana 5:2

Nefa ianareo mbola mirehareha ihany. Tsy tokony ho feno alahelo ve ianareo, ka ilay lehilahy namoafady nahavita izany dia ho nakifakareo tsy ho eo aminareo?

Galatiana 6:1

Ry havana, raha misy olona sendra latsaka amin’ny hadisoana, dia aoka ianareo izay manana ny Fanahy Masina hanarina azy amim-pahalemem-panahy; ary aoka hitandrin-tena koa ianao fandrao voataona amin’ny ratsy.

Efesiana 5:11

Aza miombona amin’ny asa tsy mahavoka-tsoa ataon’ireo olona ao anatin’ny haizina, fa aleo aseho ny tena toetr’ireny asa ireny;

1Timoty 5:20

Izay loholona manota dia teneno eo anatrehan’ny besinimaro mba hatahotra koa ny sasany.

1Timoty 5:22

Aza maika loatra mametra-tanana amin’olona mba hanokana azy amin’ny asan’ny Tompo. Aza miombona ota amin’ny sasany; tahirizo madio ny tenanao.

2Timoty 4:2

torio ny tenin’Andriamanitra, ka mazotoa amin’izany na handray azy ny olona na tsy handray, mandrese lahatra, mananara mafy, mampirisiha ombàn’ny fahari-po sy ny fahaiza-mampianatra hatrany.

Titosy 1:13

Azo antoka izany zavatra ijoroany ho vavolombelona izany. Koa reseo lahatra ireo mba hanana finoana tsy misy tomika,

Titosy 2:15

Izany lazaina sy ananarana ary andresena lahatra ombàn’ny fahefana rehetra anananao. Aoka tsy hisy olona hanao tsinontsinona anao.

1Jaona 2:11

Fa izay mankahala ny namany no ao amin’ny haizina: ao amin’ny haizina no andehanany ka tsy fantany izay alehany, satria voajamban’ny haizina ny masony.

1Jaona 2:9

Izay milaza fa ao amin’ny fahazavana izy, kanefa mankahala ny namany iray finoana, dia mbola ao amin’ny haizina ihany.