Levitikosy 19:16 - DIEM PROTESTANTA

¹⁶ Aza manely fanendrikendrehana olona eo amin’ny mpiray firenena aminareo. Aza mitsangan-ko vavolombelona mandainga mba hanamelohana ny namanareo ho faty. Izaho no TOMPO.

Baiboly Protestanta Malagasy 2011

¹⁶ Aza mandehandeha manaratsy ny mpiaramonina aminao; aza mitsangana handatsaka ny ran’ny namanao: Izaho no TOMPO.

Dikateny Iombonana Eto Madagasikara

¹⁶ Aza manely fanendrikendrehana olona eo amin’ny mpiray firenena aminareo. Aza mitsangan-ko vavolombelona mandainga mba hanamelohana ny namanareo ho faty. Izaho no TOMPO.

Baiboly Katolika

¹⁶ Aza manely fanaratsiana eo amin’ny firenenao. Ary aza mitsangan-ko vavolombelona handatsaka ny ran’ny namanao. Izaho no Iaveh.

Baiboly Protestanta Malagasy

¹⁶ Aza mandehandeha manaratsy eo amin’ny firenenao; aza mitsangana handatsaka ny ran’ny namanao: Izaho no Jehovah.

Malagasy Bible

¹⁶ Aza mandehandeha manaratsy eo amin'ny firenenao; aza mitsangana handatsaka ny ran'ny namanao: Izaho no Jehovah.

La Bible en Malgache

¹⁶ Aza mandehandeha manaratsy ny mpiaramonina aminao; aza mitsangana handatsaka ny ran’ny namanao: Izaho no TOMPO.

Levitikosy 19:16 Rohy Ifampitohizana

Joba 17:5

Ireo no tonga amin’ilay ohabolana hoe: Manan-kozaraina amin’ny namana, kanefa dia mahajery voamason-janaka.

Salamo 101:5

Hofongorako ny mpanaratsy namana amin’ny takona fa tsy zakako ny mpiandranandrana miavona am-po.

Salamo 15:3

tsy manao teny manendrikendrika olona sady tsy manisy ratsy ny namany, na manompa ny mpiara-monina aminy;

Salamo 50:20

mipetrapetraka ianareo no manebaka namana sy manendrikendrika ny mpiray tampo.

Eksodosy 20:16

«Aza mety ho vavolombelona mandainga hamelezana ny namanao.

Eksodosy 23:1

«Aza manely tsaho foana, na manao vavolombelona mandainga hiray tsikombakomba ny olon-dratsy.

Eksodosy 23:7

Aza mihaino ny lainga tsara lahatra. Aza manameloka ho faty ny tsy manan-tsiny sy ny olo-marina, satria Izaho Tompo dia tsy hihevitra ny olon-dratsy toy izany ho marina.

Ohabolana 10:18

Mpihatsaravelatsihy izay manafina ny fankahalany; fa adala izay mampiely endrikendrika.

Ohabolana 11:13

Ny mpanely fanaratsiana no manambara tsiambaratelo; fa ny olo-mahatoky kosa mahay manafin-javatra.

Ohabolana 20:19

Izay mifosa namana dia manambara tsiambaratelo; koa aza mifanerasera amin’ny olona basivava.

Jeremia 6:28

Mpikomy maditra avokoa izy rehetra, ka mandehandeha manaratsy; mafy noho ny vy na ny halimo izy, ary samy mpanao ratsy avokoa.

Jeremia 9:4

Samy mamitaka ny namany izy fa tsy misy milaza ny marina, satria efa zatra mandainga. Nironany loatra ny fanaovan-dratsy ka tsy afaka hiverina amiko intsony izy.

Ezekiela 22:9

Ao aminao dia misy mpanaratsy mba handrisika amin’ny famonoana olona; ary ny mponinao dia misy mihinana sakafom-panompoan-tsampy eny an-tendrombohitra. Ao aminao dia fanaovam-pijangajangana:

Matio 27:4

sady nilaza hoe: –Nanota aho fa nanolotra olona tsy manan-tsiny hovonoina. Fa hoy ireo: –Ahoanay inona izany? Raharahanao ny anao!

Deoteronomia 27:25

«Ho voaozona anie izay mandray kolikoly hahafaty olona tsy manan-tsiny!» Ary ny vahoaka rehetra hanao hoe: «Amen!»

1Timoty 3:11

Tokony ho maotina toy izany koa ny vehivavy, ka tsy ho mpanendrikendrika fa hahafehy tena ary mahatoky amin’ny zavatra rehetra.

2Timoty 3:3

tsy hifaditra ovana, tsy hitsimbina fihavanana, ho mpanendrikendrika, tsy hahafehy tena, hisetrasetra, hankahala ny tsara,

Titosy 2:3

Anaro toy izany koa ny vehivavy zokiolona mba hanana fitondrantena sahaza ny olona masim-piainana, tsy ho mpanendrikendrika, tsy ho andevozin’ny divay be. Ireo vehivavy zokiolona dia tokony hanome anatra tsara

1Petera 2:1

Koa esory ny haratsiam-panahy rehetra sy ny fitaka rehetra mbamin’ny fihatsarambelatsihy sy ny fialonana ary ny fanosoram-potaka isan-karazany.

1Samoela 24:10

Ary hoy i Davida tamin’i Saoly: –Nahoana ianao, ry mpanjaka, no dia mihaino izay vavan’olona milaza fa mitady hanisy ratsy anao aho?