Levitikosy 10:9 - DIEM PROTESTANTA

⁹ –Aza misotro divay na zava-pisotro hafa mahamamo ianao sy ny zanakao, rehefa hiditra ao an-Tranolay fihaonana, mba tsy ho faty ianareo; lalàna raikitra ho anareo sy ny taranakareo izany.

Baiboly Protestanta Malagasy 2011

⁹ Aza misotro divay na toaka ianao na ny zanakao, raha miditra ao amin’ny tranolay fihaonana, mba tsy ho faty ianareo. Ho lalàna maharitra amin’ny taranakareo fara aman-dimby izany,

Dikateny Iombonana Eto Madagasikara

⁹ –Aza misotro divay na zava-pisotro hafa mahamamo ianao sy ny zanakao, rehefa hiditra ao an-Tranolay fihaonana, mba tsy ho faty ianareo; lalàna raikitra ho anareo sy ny taranakareo izany.

Baiboly Katolika

⁹ «Aza misotro divay na fisotro mahamamo ianao, sy ny zanakao koa, rehefa hiditra ao an-trano lay fihaonana, mba tsy hahafaty anareo,

Baiboly Protestanta Malagasy

⁹ Aza misotro divay na toaka hianao, na ny zanakao, raha miditra ao amin’ny trano-lay fihaonana, mba tsy ho faty hianareo (ho lalàna mandrakizay amin’ny taranakareo hatramin’ny fara mandimby izany),

Malagasy Bible

⁹ Aza misotro divay na toaka ianao, na ny zanakao, raha miditra ao amin'ny trano-lay fihaonana, mba tsy ho faty ianareo (ho lalàna mandrakizay amin'ny taranakareo hatramin'ny fara mandimby izany),

La Bible en Malgache

⁹ Aza misotro divay na toaka ianao na ny zanakao, raha miditra ao amin’ny tranolay fihaonana*, mba tsy ho faty ianareo. Ho lalàna maharitra amin’ny taranakareo fara aman-dimby izany,

Levitikosy 10:9 Rohy Ifampitohizana

Eksodosy 27:21

I Aharôna sy ny taranany no hametraka ny fitoeran-jiro ao amin’ny Tranolay fihaonana, eo anoloan’ny efitra lamba izay manafina ny Vatamasina; ny jiro dia hirehitra manomboka ny hariva ka hatramin’ny maraina eo anatrehako Izaho TOMPO. Fepetra raikitra hotanterahin’ny Israelita isaky ny taranaka mifandimby izany.

Ohabolana 20:1

Ny divay mahatonga ho mpaniratsira, ny toaka mahatonga ho mpitabataba, koa izay mimamo amin’izany tsy ho hendry.

Isaia 28:7

Ireto koa misy miraingiraingy noho ny divay ary mivembena noho ny toaka: dia ny mpisorona sy ny mpaminany izay miraingiraingy noho ny toaka sy mivembena azon’ny divay. Mivembena azon’ny toaka ireo, miraingiraingy noho ny fahitana, ka misafotofoto mamoaka didim-pitsarana:

Ezekiela 44:21

Tsy hisotro toaka izy alohan’ny hidirany ao amin’ny kianja anatiny.

Hosea 4:11

Ny fijangajangana sy ny fahamamoana no mahavery hevitra azy.

Levitikosy 10:8

Ary niteny tamin’i Aharôna ny TOMPO ka nanao hoe:

Levitikosy 3:17

Lalàna raikitra ho anareo izany hatrany hatrany, ary na aiza na aiza onenanareo: tsy hihinana jabora na ra akory ianareo!».

Nomery 6:20

Dia hasehon’ny mpisorona amin’ny TOMPO ireo sady hahevahevany ho fanolorana azy; zava-masina miverina amin’ny mpisorona ihany izany, fanampin’ny tratra nahevahevany sy ny fen’ondry navahany. Rehefa izany vao mahazo misotro divay indray ilay nazirita afa-boady.

Nomery 6:3

dia hifady divay sy zava-pisotro misy alikaola izy; tsy hisotro vinaingitra natao tamin’ny divay na tamin’ny zava-pisotro misy alikaola izy; ary tsy hisotro rehefa mety ho ranom-boaloboka izy, na hihinana akory voaloboka lena na voaloboka maina.

Lioka 1:15

Eny, ho lehibe eo anatrehan’ny Tompo izy, ary hifady divay sy zava-pisotro hafa mahamamo, sady ho feno ny Fanahy Masina hatrany an-kibon-dreniny.

Efesiana 5:18

Aza mimamo divay ianareo, satria fanaranam-po amin’ny ratsy no vokatr’izany; fa aoka ho feno ny Fanahy Masina.

1Timoty 3:3

tsy tokony ho mpidoroka na hahery vaika, fa handefitra, tsy ho fiadîna, tsy ho matimatim-bola;

1Timoty 3:8

Toy izany koa ireo diakônina: tokony ho olona maotina, tsy miroa teny, tsy lian-divay, tsy maloto fila harena,

1Timoty 5:23

Aoka tsy dia ho rano fotsiny ihany no ho fisotronao, fa misotroa divay kely koa noho ny ambavafonao ary noho ny fahosaosanao matetika.

Titosy 1:7

Eny, ny mpitondra Fiangonana dia mpandraharaha ny asan’Andriamanitra, ka tokony ho olona tsy manan-tsiny, tsy mitompo teny fantatra, tsy mora tezitra, tsy mpidoroka, tsy mahery vaika, tsy maloto fila harena;