Levitikosy 1:5 - DIEM PROTESTANTA

⁵ Izy ihany no hamono ilay omby eo anoloan’ny *Toeramasin’ny TOMPO; fa ireo mpisorona taranak’i Aharôna kosa hitondra ny ra ka hamafy azy manodidina eo amin’ny rindrin’ny alitara, dia ilay alitara izay eo anoloan’ny Tranolay fihaonana.

Baiboly Protestanta Malagasy 2011

⁵ Dia hamono ny omby eo anatrehan’NY TOMPO izy ary ireo mpisorona, zanak’i Arona, dia hanatitra ny ra ka hamafy azy manodidina ny alitara izay eo anoloan’ny varavaran’ny tranolay fihaonana.

Dikateny Iombonana Eto Madagasikara

⁵ Izy ihany no hamono ilay omby eo anoloan’ny *Toeramasin’ny TOMPO; fa ireo mpisorona taranak’i Aharôna kosa hitondra ny ra ka hamafy azy manodidina eo amin’ny rindrin’ny alitara, dia ilay alitara izay eo anoloan’ny Tranolay fihaonana.

Baiboly Katolika

⁵ Izy no hamono ny vantotr’ombalahy eo anatrehan’i Iaveh; ary ireo mpisorona zanak’i Aarôna kosa, hanolotra ny ra sy handraraka azy manodidina eo ambonin’ny ôtely izay ao amin’ny fidirana amin’ny trano lay fihaonana.

Baiboly Protestanta Malagasy

⁵ Dia hamono ny zanak’omby eo anatrehan’i Jehovah izy; ary ireo mpisorona, zanak’i Arona, dia hanatitra ny ra ka hanopy azy manodidina amin’ny lafin’ny alitara, izay eo anoloan’ny varavaran’ny trano-lay fihaonana;

Malagasy Bible

⁵ Dia hamono ny zanak'omby eo anatrehan'i Jehovah izy; ary ireo mpisorona, zanak'i Arona, dia hanatitra ny rà ka hanopy azy manodidina amin'ny lafin'ny alitara, izay eo anoloan'ny varavaran'ny trano-lay fihaonana;

La Bible en Malgache

⁵ Dia hamono ny omby eo anatrehan’NY TOMPO izy ary ireo mpisorona, zanak’i Arona, dia hanatitra ny ra ka hamafy azy manodidina ny alitara izay eo anoloan’ny varavaran’ny tranolay fihaonana.

Levitikosy 1:5 Rohy Ifampitohizana

2Tantara 35:11

Dia novonoin’ny olona ny biby ho an’ny sakafo Paska; ny ran’ireo biby ireo dia noraisin’ny mpisorona ka nararany teo amin’ny alitara; ary ny levita kosa nanoditra ireo biby voavono.

Eksodosy 29:11

Hovonoina ho faty eo anatrehako Izaho TOMPO izany, eo akaikin’ny varavaran’ny Tranolay fihaonana.

Eksodosy 29:16

Hovonoinao ho faty ilay ondrilahy ary hotantazanao ny rany, dia hafafinao amin’ny lafiny alitara manodidina.

Eksodosy 40:6

Ny alitara fisoronana dia hatao eo anoloan’ny fidirana ao amin’ny fonena-masina na hoe Tranolay fihaonana;

Isaia 52:15

Firenen-kafa maro kosa no ho talanjona ny aminy; ka hitampim-bava eo anatrehany aza ireo mpanjaka, satria izay tsy mbola notantaraina taminy no hitany ary izay tsy mbola reny akory no saintsaininy.

Ezekiela 36:25

Hofafazako rano madio ianareo, dia hadio; eny, hodioviko ho afaka amin’ny fahalotoanareo rehetra sy ny fanompoan-tsampinareo rehetra ianareo.

Ezekiela 43:18

Ary hoy ralehilahy tamiko: «Ry ilay taranak’olombelona, izao no lazain’ny Tompo ANDRIANANAHARY: Ireto no lalàna arahina rehefa vita ny alitara mba hanolorana sorona dorana manontolo eo ary hamafazana ram-biby aminy.

Levitikosy 1:11

Izay mpanolotra no hamono azy eo avaratry ny alitara, eo anoloan’ny Toeramasin’ny TOMPO: fa ireo mpisorona taranak’i Aharôna kosa hamafy ny ra manodidina eo amin’ny rindrin’ny alitara.

Levitikosy 1:15

Hoentin’ny mpisorona ho eo amin’ny alitara izany, ka hotapahiny ny lohany, dia hodorany hanetona eo ambonin’ny alitara; ary hofiazany hiraraka eo amin’ny rindrin’ny alitara ny rany.

Levitikosy 16:15

Manaraka izany, rehefa voavonon’i Aharôna ny osilahy izay hatao sorona fanalana ny ota ho an’ny vahoaka israelita, dia hoentiny miditra ao anatin’ny Toeramasina Indrindra koa ny rany; hataony tahaka ny efa nataony tamin’ny ran’ilay ombilahy izany, ka hafafiny eo ambonin’ny rakotra volamena sy eo anoloany.

Levitikosy 17:11

Fa ny ain’ny zavaboaary mana-nofo manko dia ao amin’ny ra; ary navelako hampiasaina eo amin’ny alitara izany mba hahazoana famelan-keloka ho anareo, satria amin’ny maha aina azy no ampiasana ny ra hahazoana famelan-keloka.

Levitikosy 3:13

Ny mpanolotra no hametra-tanana amin’ny lohan’ilay osy ka hamono azy eo anoloan’ny Tranolay fihaonana; ireo taranak’i Aharôna kosa hamafy ny ra manodidina amin’ny rindrin’ny alitara.

Levitikosy 3:2

Ny mpanolotra no hametra-tanana eo amin’ny lohan’ilay omby hatao sorona, ka hamono azy eo anoloan’ny varavaran’ny Tranolay fihaonana; ireo mpisorona taranak’i Aharôna kosa hamafy ny ra manodidina amin’ny rindrin’ny alitara.

Levitikosy 3:8

Ny mpanolotra no hametra-tanana eo amin’ny lohan’ilay zanakondry ka hamono azy eo anoloan’ny Tranolay fihaonana; ireo taranak’i Aharôna kosa hamafy ny ra manodidina amin’ny rindrin’ny alitara.

Levitikosy 4:29

Hametra-tanana amin’ny lohan’ilay osivavy izy, dia hamono azy eo amin’ny toerana famonoana ny sorona dorana manontolo.

Levitikosy 4:33

Hametra-tanana amin’ny lohan’ilay ondry izy, dia hamono azy eo amin’ny toerana famonoana ny sorona dorana manontolo.

Levitikosy 4:7

Hotentenany ra koa ny tandroky ny alitara fandoroana ditin-kazo manitra eo anoloan’ny Toeramasina Indrindra, alitara izay ao anatin’ny Tranolay fihaonana; ary ny ra sisa rehetra, avy amin’ilay ombilahy, dia haidiny eo am-pototry ny alitara fanaovan-tsorona dorana, alitara izay eo anoloan’ny varavaran’ny Tranolay fihaonana.

Mika 6:6

«Inona àry no hoentiko, rehefa manatona aho hiankohoka eo anatrehan’ny TOMPO, Andriamanitra avo indrindra? Moa zanak’omby iray taona hatao sorona dorana manontolo ve no hoentiko rehefa manatona Azy aho?

Nomery 18:17

Fa tsy mba havotanao kosa ny voalohan-teraky ny omby na ny ondry na ny osy satria voatokana ho Ahy ireny. Hararakao eo amin’ny alitara ny rany ary hodoranao manontolo ny saborany ka hanetona ho hanitra ankasitrahina ho AHY izany.

Hebreo 10:11

Ny mpisorona rehetra dia samy nijoro isan’andro manao fanompoam-pivavahana sy manolotra matetika ny sorona fanaony, izay sorona tsy mahaisotra ny fahotana velively.

Hebreo 12:24

Ny efa nohatoninareo dia i Jesoa, mpanalalana amin’ny Fanekempihavanana Vaovao, ary koa ny rany nafafy izay miteny tsara lavitra noho ny ran’i Abela.

1Petera 1:2

Voafidy araka ny efa voatendrin’Andriamanitra Ray ianareo ary voatokana ho Azy noho ny asan’ny Fanahy Masina, mba hanaiky an’i Jesoa Kristy sy hanana anjara amin’ny famafazana ny rany. Hampitomboina ao aminareo anie ny fahasoavana sy ny fiadanana!

1Samoela 1:25

Novonoiny natao sorona ilay vantotr’omby, ary nentiny tany amin’i Helỳ ny zaza.