Levitikosy 1:4 - DIEM PROTESTANTA

⁴ Izay mpanolotra no hametra-tanana eo amin’ny lohan’ilay omby hatao sorona; dia hankasitrahina izany mba hahazoany famelan-keloka.

Baiboly Protestanta Malagasy 2011

⁴ Hametraka ny tanany eo amin’ny lohan’ny fanatitra dorana manontolo izy, dia hahazoany fankasitrahana izany, hanaovana fanavotana ho azy.

Dikateny Iombonana Eto Madagasikara

⁴ Izay mpanolotra no hametra-tanana eo amin’ny lohan’ilay omby hatao sorona; dia hankasitrahina izany mba hahazoany famelan-keloka.

Baiboly Katolika

⁴ Hametra-tanana eo ambonin’ny lohan’ny sorona dorana izy, dia horaisina izany mba ho soa ho azy, mba hanaovana fanonerana ho azy.

Baiboly Protestanta Malagasy

⁴ Ary hametraka ny tànany eo amin’ny lohan’ny fanatitra dorana izy, dia hahazoany fankasitrahana izany, hanaovana fanatovana ho azy.

Malagasy Bible

⁴ Ary hametraka ny tànany eo amin'ny lohan'ny fanatitra dorana izy, dia hahazoany fankasitrahana izany, hanaovana fanavotana ho azy.

La Bible en Malgache

⁴ Hametraka ny tanany eo amin’ny lohan’ny fanatitra dorana manontolo izy, dia hahazoany fankasitrahana izany, hanaovana fanavotana ho azy.

Levitikosy 1:4 Rohy Ifampitohizana

Eksodosy 28:38

Hoentin’i Aharôna mandrakariva eny amin’ny handriny io takela-bolamena io rehefa hiseho eo anatrehako Izaho TOMPO izy, ka amin’izay dia hoekeko ny fanatitra rehetra izay hatokan’ny Israelita ho Ahy na dia manao hadisoana aza ireo amin’ny fanolorana azy.

Eksodosy 29:10

«Hoentina eo anoloan’ny Tranolay fihaonana ny ombilahy, ka hametrahan’i Aharôna sy ny zanany lahy tanana eo an-dohan’ny ombilahy.

Eksodosy 29:15

«Avy eo dia halaina ny ondrilahy iray, ka hametrahan’i Aharôna sy ny zanany lahy tanana eo amin’ny lohany.

Eksodosy 29:19

«Avy eo dia halaina koa ny ondrilahy faharoa, ka hametrahan’i Aharôna sy ny zanany lahy tanana eo amin’ny lohany.

Eksodosy 29:33

Izy ireo ihany no mahazo mihinana izay nampiasaina tamin’ny fanokanana sy ny fametrahana azy eo amin’ny raharahany mba hahazoany famelan-keloka amin’ny Tompo. Tsy misy olon-kafa mahazo mihinana ireo, fa sakafo masina ireo.

Isaia 56:7

dia hoentiko eo an-tendrombohitro masina, ka hampifalîko ao an-trano fivavahana amiko; ny sorona isan-karazany hatolony dia hankasitrahiko eo ambonin’ny alitarako; satria ny tranoko hatao hoe: ‹Trano fivavahana ho an’ny firenena rehetra.›

Ezekiela 45:15

Ary farany momba ny biby fiompy eny amin’ny kijànan’i Israely: iray isaky ny ondry na osy roanjato no havahanareo. Ka izay navahanareo dia hatolotrareo ho fanatitra vokatry ny tany na ho sorona dorana manontolo na ho sorom-pihavanana mba hahazoanareo famelan-keloka. Teny hentitra avy amiko Tompo ANDRIANANAHARY izany.

Daniela 9:24

Fito taona impitopolo no voatendry ho an’ny firenenao ary ho an’ilay tanànanao masina; ilaina izany mba hampijanona ny heloka bevava sy hampitsaharana ny ota, mba hamelàna ny fahadisoana sy hisehoan’ny fahamarinana mandrakizay ary mba hahatanterahan’ny fahitana amam-paminaniana sy hanokanana indray ny Toeramasina indrindra.

Levitikosy 16:21

Hapetrany amin’ny lohan’io osilahy io ny tanany roa, ary hotanisainy eo amboniny avokoa ny heloka amam-pahadisoan’ny Israelita, araka ny fahotana rehetra vitany. Hatambesatr’i Aharôna amin’ilay osilahy ireo fahotana rehetra ireo; izay izy vao hampandroaka azy hankany an-taniefitra, hoentina lehilahy anankiray voatendry.

Levitikosy 16:24

Handro ao amin’ny faritra anankiray voatokana ho an’izany izy, dia hiakanjo fitafiana hafa; ary hiainga hanolotra ny sorona dorana manontolo ho an’ny tenany sy ny sorona dorana manontolo ho an’ny vahoaka izy ka hanatontosa ny fombam-pivavahana famelan-keloka ho an’ny tenany sy ho an’ny vahoaka.

Levitikosy 22:21

Raha misy olona manatitra omby na ondry na osy amiko TOMPO ho sorom-pihavanana mba ho fanalàm-boady na ho fanomezana an-tsitrapo, dia biby tsy misy kilema na kely akory aza no aoka hateriny mba hahazoany sitraka.

Levitikosy 22:27

«Raha misy omby na ondry na osy vao teraka, dia hitoetra amin-dreniny mandritra ny fito andro izy; fa manomboka amin’ny andro fahavalo no ho miakatra, dia hahazoana sitraka izy raha atao sorona levonina amin’ny afo ho AHY.

Levitikosy 3:13

Ny mpanolotra no hametra-tanana amin’ny lohan’ilay osy ka hamono azy eo anoloan’ny Tranolay fihaonana; ireo taranak’i Aharôna kosa hamafy ny ra manodidina amin’ny rindrin’ny alitara.

Levitikosy 3:2

Ny mpanolotra no hametra-tanana eo amin’ny lohan’ilay omby hatao sorona, ka hamono azy eo anoloan’ny varavaran’ny Tranolay fihaonana; ireo mpisorona taranak’i Aharôna kosa hamafy ny ra manodidina amin’ny rindrin’ny alitara.

Levitikosy 3:8

Ny mpanolotra no hametra-tanana eo amin’ny lohan’ilay zanakondry ka hamono azy eo anoloan’ny Tranolay fihaonana; ireo taranak’i Aharôna kosa hamafy ny ra manodidina amin’ny rindrin’ny alitara.

Levitikosy 4:15

Ireo loholon’ny Fiangonana dia hametra-tanana amin’ny lohan’ilay ombilahy, eo anoloan’ny Toeramasin’ny TOMPO; ary loholona anankiray no hamono azy eo anoloan’ny Toeramasina.

Levitikosy 4:20

Toy ny nataon’izy mpisorombe tamin’ny ombilahy natolony ho fanalana ny otany no hataony ihany koa amin’ity ombilahy ity. Ary rehefa nataon’ny mpisorombe tamin’ireo Israelita ny fombam-pivavahana famelana, dia voavela ny otany.

Levitikosy 4:24

Hametra-tanana amin’ny lohan’ilay osilahy izy, dia hamono azy eo amin’ny toerana famonoana ny sorona dorana manontolo, eo anoloan’ny Toeramasin’ny TOMPO; sorona fanalana ny ota izany.

Levitikosy 4:26

Avy eo ny tavin-kena rehetra dia hodorany hanetona eo ambonin’ny alitara tahaka ny fanao azy amin’ny sorom-pihavanana. Ary rehefa nataon’ny mpisorona tamin’ilay mpanapaka ny fombam-pivavahana famelana, dia voavela ny otany.

Levitikosy 4:29

Hametra-tanana amin’ny lohan’ilay osivavy izy, dia hamono azy eo amin’ny toerana famonoana ny sorona dorana manontolo.

Levitikosy 4:31

Hoesoriny avokoa ny tavin-kena rehetra, tahaka ny fanesorana azy amin’ny sorom-pihavanana, ka hodorany hanetona eo ambonin’ny alitara ho hanitra ankasitrahina ho an’ny TOMPO. Ary rehefa nataon’ny mpisorona tamin’ilay olona ny fombam-pivavahana famelana, dia voavela ny otany.

Levitikosy 4:33

Hametra-tanana amin’ny lohan’ilay ondry izy, dia hamono azy eo amin’ny toerana famonoana ny sorona dorana manontolo.

Levitikosy 4:35

Hoesoriny avokoa ny tavin-kena rehetra toy ny fanesorana azy amin’ny ondry atao sorom-pihavanana; dia hodorany hanetona eo ambonin’ny alitara izany, miaraka amin’ny sorona levonina amin’ny afo mba ho an’ny TOMPO. Ary rehefa nataon’ny mpisorona tamin’ilay olona ny fombam-pivavahana famelana, dia voavela ny otany.

Levitikosy 4:4

Izy mpisorombe no hitondra ny ombilahy ho eo akaikin’ny varavaran’ny Tranolay fihaonana, ho eo anoloan’ny Toeramasin’ny TOMPO; dia hametra-tanana eo amin’ny lohan’ilay ombilahy izy ka hamono azy eo anoloan’ny Toeramasina.

Levitikosy 5:6

Ary hitondra fanonerana amin’ny TOMPO izy noho ny ota vitany, dia ondrivavy na osivavy mba ho sorona fanalana ny ota; dia hataon’ny mpisorona amin’ilay olona ny fombam-pivavahana famelana, noho ny ota vitany.

Levitikosy 6:7

«Izao no lalàna momba ny fanatitra vokatry ny tany: «Ireo zanakalahin’i Aharôna no hanolotra azy eo anatrehan’ny TOMPO, eo anoloan’ny alitara.

Levitikosy 8:14

Avy eo nasain’i Mosesy nentina ny ombilahy hatao sorona fanalana ny ota; ka i Aharôna sy ny zanany no nametra-tanana teo amin’ny lohan’ilay ombilahy.

Levitikosy 8:18

Dia nasain’i Mosesy nampanatonina koa ny ondrilahy hatao sorona dorana manontolo; ka i Aharôna sy ny zanany no nametra-tanana teo amin’ny lohan’ny ilay ondrilahy.

Levitikosy 8:22

Farany, nasain’i Mosesy nampanatonina ny ondrilahy faharoa, dia ilay ondrilahy hanaovana ny sorona fanokanana; ka i Aharôna sy ny zanany no nametra-tanana teo amin’ny lohan’ilay ondrilahy.

Levitikosy 9:7

Avy eo i Mosesy nilaza tamin’i Aharôna hoe: –Manatona ny alitara, dia atolory ny anao ny sorona fanalana ny ota sy ny sorona dorana manontolo, ka ataovy ny fombam-pivavahana famelan-keloka ho an’ny tenanao sy ho an’ny vahoaka: atolory koa ny soron’ny vahoaka ary anaovy ny fombam-pivavahana famelan-keloka izy, araka izay nandidian’ny TOMPO.

Nomery 15:25

Avy eo ny mpisorona dia hanao ny fombam-pivavahana famelana ho an’ny fiangonana israelita ka ho voavela izy satria ota tsy nahy izany; ary hitondra ny fanatitra amiko izy ireo, dia ny sorona levonina amin’ny afo ho Ahy TOMPO sy ny sorona fanalana ny ota eo anatrehako noho ny ota tsy nahy nataony.

Nomery 15:28

Avy eo ny mpisorona dia hanao ny fombam-pivavahana famelana eo anatrehako ho an’ilay olona nanota tsy nahy ka ho voavela ny fahotany.

Nomery 25:13

izany fanekempihavanana izany dia hahatonga ny tenany sy ny taranany ho mpisorona hatrany, satria niseho ho saro-piaro momba Ahy i Pinehasa ka nahazo famelan-keloka ho an’ny Israelita.

Nomery 8:10

Ento eo anatrehako TOMPO ireo Levita, ary hametra-tanana aminy kosa ny Israelita.

Nomery 8:12

Dia hametra-tanana amin’ny lohan’ny vantotr’ombilahy roa ny Levita, ka ny iray hataonao sorona fanalana ny ota ary ny iray ho sorona dorana manontolo ho Ahy TOMPO, alohan’ny hanaovana amin’ny Levita ny fombam-pivavahana famelan-keloka.

Romana 12:1

Ry havana, satria efa nanehoan’Andriamanitra ny hatsaram-pony isika, dia manainga anareo aho, mba samy hanolotra ny tenanareo ho sorona velona, voatokana ho an’Andriamanitra sady ankasitrahany. Izany no fanompoam-pivavahana tokony hataonareo.

Romana 3:25

Fa notendren’Andriamanitra ho sorom-panonerana ho an’ireo manam-pinoana i Kristy Jesoa Izay nahafoy ny rany: izany no maneho ny fomba aneken’Andriamanitra ny olombelona ho marina! Ireo heloka vitan’ny olombelona fahiny dia noleferin’Andriamanitra

Romana 5:11

Tsy izany ihany, fa mirehareha ao amin’Andriamanitra koa isika amin’ny alalan’i Jesoa Kristy Tompontsika, Ilay nahazoantsika izao fihavanantsika amin’Andriamanitra izao.

Filipiana 4:18

Eny, manana ny zavatra rehetra ilaiko aho izao sady manana amby ampy; efa voaraiko tamin’i Epafrôdito ny fanomezana avy aminareo, ka heni-tsoa mitafotafo aho. Izany fanomezanareo izany dia toy ny zava-manitra mamerovero atao sorona ka raisin’Andriamanitra sady ankasitrahiny.

Hebreo 10:4

fa ny ran’ombilahy sy ny ran’osilahy dia tsy hanaisotra ny fahotana na oviana na oviana.

1Jaona 2:2

Izy no sorom-panonerana amelana ny fahotantsika; ary tsy ny antsika ihany, fa ny an’izao tontolo izao koa.