Josoa 9:17 - DIEM PROTESTANTA

¹⁷ Dia niainga ny Israelita; ka nony afaka telo andro, dia tonga tany an-tanànan-dry zareo, izany hoe tao Gibehona sy Kefirà ary Beerôta sy Kiriata-Jeharima.

Baiboly Protestanta Malagasy 2011

¹⁷ Dia niainga ny Zanak’Israely ka tonga tany an-tanànan’ireo tamin’ny andro fahatelo. Ary ny tanànany dia Gibeona, Kefira, Berota ary Kiriata-Jearima.

Dikateny Iombonana Eto Madagasikara

¹⁷ Dia niainga ny Israelita; ka nony afaka telo andro, dia tonga tany an-tanànan-dry zareo, izany hoe tao Gibehona sy Kefirà ary Beerôta sy Kiriata-Jeharima.

Baiboly Katolika

¹⁷ Koa niainga ny zanak’i Israely dia tonga tany an-tanànan’izy ireo nony afaka hateloana; ny tanànany dia i Gabaôna, i Kafira, i Berôta ary i Kariatiarima.

Baiboly Protestanta Malagasy

¹⁷ Dia niainga ny Zanak’Isiraely ka tonga tany an-tanànan’ireo tamin’ny andro fahatelo. Ary Gibeona sy Kefira sy Berota ary Kiriata-jearima no tanànany.

Malagasy Bible

¹⁷ Dia niainga ny Zanak'Isiraely ka tonga tany an-tanànan'ireo tamin'ny andro fahatelo. Ary Gibeona sy Kefira sy Berota ary Kiriata-jearima no tanànany.

La Bible en Malgache

¹⁷ Dia niainga ny Zanak’Israely ka tonga tany an-tanànan’ireo tamin’ny andro fahatelo. Ary ny tanànany dia Gibeona, Kefira, Berota ary Kiriata-Jearima.

Josoa 9:17 Rohy Ifampitohizana

2Samoela 4:2

Ity zanakalahin’i Saoly ity dia nanana lehiben’andia-miaramila; ka ny roalahy tamin’ireo lehibe ireo, dia i Bahanà sy i Rekaba samy zanakalahin’i Rimôna avy any Beerôta sady Benjaminita; satria natao ho isan’i Benjamîna koa i Beerôta,

1Tantara 12:4

i Jismahià, avy any Gibehôna, lehilahy mahery tao amin’ny «andian’ny telopolo lahy», sady anankiray amin’ny lehibeny;

1Tantara 2:50

Ireto koa mbola taranak’i Kaleba: ireo zanakalahin’i Hora, lahimatoan’i Efrata, dia i Sôbala mpanorina an’i Kiriata-Jeharîma,

1Tantara 2:52

Taranak’i Sôbala mpanorina an’i Kiriata-Jeharîma: ny mponina tao Harôe sy ny antsasaky ny Manahetita

1Tantara 2:53

ary ireo tarika tao Kiriata-Jeharîma, dia ny Jitrita sy ny Potita mbamin’ny Somatita sy ny Misrahita; avy tamin’ireo tarika ireo no nipoiran’ny Tsôrehatita sy ny Estaolita.

1Tantara 21:29

Tamin’izay ny tranolain’ny TOMPO (tranolay nataon’i Mosesy tany an-taniefitra) sy ny alitara fanolorana sorona dorana manontolo dia teo amin’ny Toeramasina tao Gibehôna;

Ezra 2:25

ny terak’i Kiriata-Jeharîma sy i Kefirà ary i Beerôta dia nisy lehilahy 743;

Nehemia 7:29

ny terak’i Kiriata-Jeharima sy i Kefirà ary i Beerôta dia nisy lehilahy 743;

Jeremia 26:20

Nisy mpaminany iray hafa koa niteny tamin’ny anaran’ny TOMPO, dia i Orià zanakalahin’i Semahià sady avy any Kiriata-Jeharima. Nanambara ny hamelezana an’i Jerosalema sy ny tanin’i Joda koa izy tahaka ny hafatra rehetra efa nataon’i Jeremià.

Josoa 10:2

Dia raiki-tahotra mafy ny mponina tao Jerosalema satria i Gibehôna dia tanàna lehibe noho i Hay sady tahaka ny anankiray amin’ireo tanàna misy andriana, ary lehilahy mahery fo avokoa no tao aminy.

Josoa 15:60

Tao koa i Kiriata-Bahala izay nantsoina hoe Kiriata-Jeharîma, ary i Rabà; izany hoe tanàna roa miampy ireo tanàna kely miankina aminy.

Josoa 15:9

avy eo mihodina ho any amin’ny loharano Neftôa, mihazo ireo tanàna any an-tendrombohitr’i Hefrôna, vao mihodina ho any Bahala izay antsoina koa hoe Kiriata-Jeharima;

Josoa 18:14

Ao andrefan’io tendrombohitra io no miolaka ny sisin-tany ka mihodina mianatsimo ary miafara ao Kiriata-Bahala (antsoina koa hoe Kiriata-Jeharima), izay tanànan’ny taranak’i Joda. Izany no sisin-tany lafy andrefana.

Josoa 18:15

Ny sisin-tanin’i Benjamîna, lafy atsimo kosa, dia miainga hatreo Kiriata-Jeharima, ka miankandrefana ary miafara any amin’ny loharanon’i Neftoa.

Josoa 9:16

Telo andro taorian’ny nahavitan’ny fanekempihavanana, dia ren’ny Israelita fa mponina mifanakaiky aminy ihany ireo olona ireo.

Josoa 9:18

Kanefa tsy namono azy ny Israelita satria ny anaran’ny TOMPO Andriamanitr’i Israely no efa nianianan’ireo loholom-piangonana taminy. Koa nimonomonona tamin’ireo loholona ny Israelita rehetra;

Josoa 9:3

Ny mponina tao Gibehôna dia isan’ny Hivita; kanefa, nony nandre an’izay nataon’i Josoa tamin’i Jerikao sy i Hay ry zareo,

Josoa 9:9

Dia novalian’ireo hoe: –Avy any an-tany lavitra be izahay, tompoko, no tonga noho ny lazan’ny TOMPO Andriamanitrareo; efa renay manko izay rehetra nataony tany Ejipta

Mpitsara 18:12

Niakatra ireo ka nitoby tao andrefan’i Kiriata-Jeharima, tao amin’ny tanin’i Joda. Izany no niantsoana io toerana io hoe Manahe-Dana na Tobin’i Dana, mandraka androany.

1Samoela 6:21

Dia nandefa iraka ho any amin’ny mponin’i Kiriata-Jeharîma izy ireo mba hilaza aminy hoe: –Naverin’ny Filistinina ilay Vatamasin’ny TOMPO, koa tongava ianareo hampiakatra azy ho any aminareo.

1Samoela 7:1

Tonga naka ny Vatamasin’ny TOMPO ny mponin’i Kiriata-Jeharîma ka nitondra azy ho ao an-tranon’i Abinadàba teo amin’ny havoana iray. Dia natokan’izy ireo ho mpiambina ny Vatamasin’ny TOMPO i Elihezera zanakalahin’i Abinadàba.