Josoa 9:1 - DIEM PROTESTANTA

¹ Ary ny vaovao momba ny faharavàn’i Hay dia ren’ireo mpanjaka izay teny amin’ny faritra rehetra andafy andrefan’i Jôrdàna; teny amin’ny havoana sy teny amin’ny lemak’i Sefelà ary teny amin’tany rehetra amoron’ny Ranomasina Mediteranea ka hatrany hatrany Libano. Koa nifamory ny mpanjaka hetita sy amôrita mbamin’ny mpanjaka kanahanita sy perizita ary ny mpanjaka hivita sy jebosita

Baiboly Protestanta Malagasy 2011

¹ Raha nandre izany ny mpanjaka rehetra izay tetỳ andafin’i Jordana, na ny tany amin’ny havoana na ny tany Sefela na ny tany amoron’ny Ranomasina Lehibe tandrifin’i Libanona, dia ny Hetita, ny Amorita, ny Kananita, ny Perizita, ny Hivita ary ny Jebosita,

Dikateny Iombonana Eto Madagasikara

¹ Ary ny vaovao momba ny faharavàn’i Hay dia ren’ireo mpanjaka izay teny amin’ny faritra rehetra andafy andrefan’i Jôrdàna; teny amin’ny havoana sy teny amin’ny lemak’i Sefelà ary teny amin’tany rehetra amoron’ny Ranomasina Mediteranea ka hatrany hatrany Libano. Koa nifamory ny mpanjaka hetita sy amôrita mbamin’ny mpanjaka kanahanita sy perizita ary ny mpanjaka hivita sy jebosita

Baiboly Katolika

¹ Nony nandre izany ny mpanjaka rehetra atỳ an-dafin’i Jordany, na ny eny amin’ny tendrombohitra na ny eny amin’ny tany lemaka na ny amoron-tsiraky ny ranomasina lehibe, tandrifin’i Libàna, ny Amôreana, ny Kananeanina, ny Ferezeanina, ny Heveanina, ary ny Jeboseanina,

Baiboly Protestanta Malagasy

¹ ARY rehefa nandre izany ny mpanjaka rehetra izay etỳ an-dafin’i Jordana, na ny tany amin’ny tany havoana, na ny tany amin’ny tany lemaka amoron-tsiraka, na ny tany amoron’ny Ranomasina Lehibe tandrifin’i Libanona, dia ny Hetita, ny Amorita, ny Kananita, ny Perizita, ny Hivita ary ny Jebosita,

Malagasy Bible

¹ Ary rehefa nandre izany ny mpanjaka rehetra izay etỳ an-dafin'i Jordana, na ny tany amin'ny tany havoana, na ny tany amin'ny tany lemaka amoron-tsiraka, na ny tany amoron'ny Ranomasina Lehibe tandrifin'i Libanona, dia ny Hetita, ny Amorita, ny Kananita, ny Perizita, ny Hivita ary ny Jebosita,

La Bible en Malgache

¹ Raha nandre izany ny mpanjaka rehetra izay tetỳ andafin’i Jordana, na ny tany amin’ny havoana na ny tany Sefela na ny tany amoron’ny Ranomasina Lehibe tandrifin’i Libanona, dia ny Hetita, ny Amorita, ny Kananita, ny Perizita, ny Hivita ary ny Jebosita,

Josoa 9:1 Rohy Ifampitohizana

2Samoela 24:7

Ary tonga tao Tiro tanàna mimanda ireo sy tany amin’ny tanàna rehetra fonenan’ny Hivita sy Kanahanita, ka tafapaka hatrany Bery-Seba, ao atsimon’ny faritanin’i Joda.

Eksodosy 23:23

«Rehefa mandeha eo alohanareo ny anjeliko, ka mitarika anareo ho any amin’ny Amôrita sy ny Hitita, ny Perizita sy ny Kanahanita, ary ny Hivita sy ny Jebosita, dia hofongorako ireo firenena ireo.

Eksodosy 23:31

Ny faritaninareo dia hataoko mahafaoka hatreo amin’ny Ranomasin’ny Volotara ka hatrany amin’ny ranomasina Mediteranea, ary hatreo amin’ny taniefitr’i Sinay ka hatrany amin’ny ony Eofrata; fa hatolotro ho eo an-tananareo ny mponina amin’ireo faritany ireo ka horoahinareo.

Eksodosy 3:17

koa tapa-kevitra Izy fa hanaisotra anareo hiala amin’ny fahoriana atỳ ho any amin’ny tanin’ny Kanahanita sy ny Hetita, ny Amôrita sy ny Perizita, ary ny Hivita sy ny Jebosita, dia tany tondra-dronono sy tantely.»

Eksodosy 34:11

«Tandremo tsara izay rehetra andidiako anareo anio, dia horoahiko eo anoloanareo ny Amôrita sy ny Kanahanita, ny Hetita sy ny Perizita ary ny Hivita sy ny Jebosita.

Nomery 13:29

Ny Hamalekita no monina amin’ny faritra atsimo; ny Hetita sy ny Hivita ary ny Jebosita sy ny Amôrita no any an-tendrombohitra, fa ny Kanahanîta kosa no mipetraka amoron-dranomasina Mediteranea sy amoron’i Jôrdàna.

Nomery 34:6

«Any andrefana dia ny Ranomasina Mediteranea no mamaritra ny taninareo.

Deoteronomia 1:7

Mihodîna ianareo, ary mandehana mankany amin’ny tendrombohitra fonenan’ny Amôrita; mandehana mankany amin’ny faritra manodidina fonenan’ny Kanahanita, dia ny lemak’i Harabà, ny faritra havoana, ny lemak’i Sefelà, ny Negeba, mbamin’ny moron-tsiraka; mandehana mankany Libano ka hatrany amin’ny ony lehibe, dia ny ony Eofrata.

Deoteronomia 3:25

Aoka mba hahazo mita aho ka hahita izany tany soa any andafin’i Jôrdàna izany, dia ilay faritra be tendrombohitra tsara sy i Libano.»

Deoteronomia 4:49

ary mahafaoka ny faritany Harabà manontolo atsinanan’i Jôrdàna ka tafapaka hatrany amin’ny Ranomasina Maty eo am-bodin’ny tendrombohitra Pisgà.

Deoteronomia 7:1

Ny TOMPO Andriamanitrareo no hampiditra anareo any amin’ny tany izay hidiranareo mba halainareo ho fananana. Firenena maro, firenena fito izay lehibe sy mahery noho ianareo, no horoahin’ny TOMPO hiala eo anoloanareo: dia ny Hetita sy ny Girgasîta, ny Amôrita sy ny Kanahanîta, ny Perizîta sy ny Hivîta ary ny Jebosîta.

Josoa 1:15

ambara-panomen’ny TOMPO azy toerana tahaka izay efa natao taminareo, ka hahazoan’ireo koa ny tany izay omen’ny TOMPO Andriamanitrareo azy any andrefan’i Jôrdàna. Aorian’izany vao hiverina ianareo mba hizaka ny taninareo ety andafy atsinanan’i Jôrdàna, tany izay nomen’i Mosesy mpanompon’ny Tompo anareo.

Josoa 1:4

Ny taninareo dia manomboka eo amin’ny taniefitra any atsimo ka mipaka hatrany amin’ny tendrombohitr’i Libano any avaratra; ary manomboka eo amin’ny ony Eofrata any atsinanana, dia mamakivaky ny tanin’ny Hetita, ka mipaka hatrany amin’ny Ranomasina Mediteranea any andrefana.

Josoa 10:23

Notanterahina izany ka nentina teo amin’i Josoa ireo mpanjakan’i Jerosalema sy i Hebrôna mbamin’ireo mpanjakan’i Jarmôta sy i Lakisy ary i Heglôna.

Josoa 11:17

Resin’i Josoa ary novonoiny ireo mpanjaka nipetraka teo anelanelan’ilay tendrombohitra ngazana miakatra ho any Sehira ao atsimo sy i Bahala-Gada eo amin’ny lohasahan’i Libano am-pototry ny tendrombohitra Hermôna any avaratra.

Josoa 13:5

Ao ihany koa ny faritanin’i Gebala sy i Libano atsinanana manomboka hatreo Bahala-Gada eo am-pototry ny tendrombohitra Hermôna ka hatrany Lebô-Hamata.

Josoa 15:12

Ny sisin-tany ao andrefana dia ny Ranomasina Mediteranea, izany hoe ny morontsiraka. Izay no faritra manodidina ny zaratany azon’ny taranak’i Joda ho an’ireo tarika ao anatiny.

Josoa 22:4

Ankehitriny, araka izay efa nampanantenainy, dia nomen’ny TOMPO Andriamanitrareo fandriampahalemana ny mpiray firenena aminareo; koa mahazo miverina any an-dainareo ianareo ankehitriny, any amin’ny tany izay efa nomen’i Mosesy mpanompon’ny TOMPO ho anareo eny ampita atsinanan’i Jôrdàna.

Josoa 23:4

Indreo efa voazarako antsapaka taminareo mba ho lovan’ny fokonareo na ny firenena izay mbola tavela na ny firenena rehetra izay efa nofongorako, manomboka eo Jôrdàna any atsinanana ka miafara eo amin’ny Ranomasina Mediteranea any andrefana.

Josoa 24:11

Dia niampita an’i Jôrdàna ianareo ka tonga tao Jerikao; ary niady taminareo ny mponina tao Jerikao, toy izany koa ny Amôrita sy Perizita, ny Kanahanita sy Hetita, ny Girgasita sy Hivita ary Jebosita nefa samy natolotro tao an-tananareo ireny.

Josoa 3:10

Ho fantatrareo amin’izao fa Andriamanitra velona no eo afovoanareo, ka horoahiny tanteraka eo anoloanareo ny Kanahanita sy Hetita, ny Hivîta sy Perizîta, ny Girgasita sy Amôrita ary Jebosita.

Josoa 3:17

Ny mpisorona izay nitondra ny Vatamasina mirakitra ny fanekempihavanan’ny TOMPO dia nijoro tamin’ny tany maina teo afovoan’i Jôrdàna, mandra-pahatafita ny Israelita rehetra izay nandia tany maina ho eny ampita.

Josoa 5:1

Ny mpanjaka rehetra, tamin’ny Amôrita nonina teny andafy andrefan’i Jôrdàna sy tamin’ny Kanahanita nonina tany amoron’ny Ranomasina Mediteranea, dia nahare fa nataon’ny TOMPO maina ny falehan’ny ranon’i Jôrdàna teo anoloan’ny Israelita mandra-pitany; noho izany dia ketraka ny fon’ireo mpanjaka ireo ka tsy nanam-pahasahiana intsony ry zareo hanoherana ny Israelita.

Josoa 6:27

Ary nombàn’ny TOMPO i Josoa ka niely laza eran’ny tany izany.

Josoa 9:7

Fa novalian’ny Israelita hoe: –Angamba etỳ akaikinay etỳ ihany ianareo no monina, koa ahoana no hanaovanay fanekempihavanana aminareo?