Josoa 7:21 - DIEM PROTESTANTA

²¹ Tamin’ny zavatra babo dia nahitako kapaoty tsara tarehy iray avy any Babilôna sy volafotsy roa kilao ary anja-bolamena antsasa-kilao. Notsiriritiko fatratra ireo ka nalaiko. Ho hitanareo milevina anaty tany ao an-daiko ireny ka ny volafotsy no any ambany indrindra.

Baiboly Protestanta Malagasy 2011

²¹ Nahita akanjobe ivelany matevina tsara avy any Sineara sy sekela volafotsy roanjato ary vongam-bolamena lavalava, milanja sekela dimampolo, tamin’ny babo aho, dia nitsiriritra ireny ka naka izany; ary indreo, voafina ao ambanin’ny tany ao amin’ny tranolaiko ireny ary ny volafotsy dia ao ambaniny.

Dikateny Iombonana Eto Madagasikara

²¹ Tamin’ny zavatra babo dia nahitako kapaoty tsara tarehy iray avy any Babilôna sy volafotsy roa kilao ary anja-bolamena antsasa-kilao. Notsiriritiko fatratra ireo ka nalaiko. Ho hitanareo milevina anaty tany ao an-daiko ireny ka ny volafotsy no any ambany indrindra.

Baiboly Katolika

²¹ Hitako tamin’ny babo, ny kapaoty tsara anankiray avy any Senaara, volafotsy lanjan-droan-jato sikla, ary anja-bolamena lanjan-dimampolo sikla, nitsiriritra ireo aho ka naka azy; voaafina any ambanin’ny tany ao an-daiko izany, ka ny vola no ao ambany.»

Baiboly Protestanta Malagasy

²¹ Nahita kapôty tsara avy any Babylona aho sy sekely volafotsy roan-jato ary anja-bolamena, lanjan-tsekely dimam-polo, tamin’ny babo, dia nitsiriritra ireny aho ka naka; ary, indreo, voàfina ao ambanin’ny tany ao amin’ny laiko ireny, ary ny volafotsy ao ambaniny.

Malagasy Bible

²¹ Nahita kapôty tsara avy any Babylona aho sy sekely volafotsy roanjato ary anja-bolamena, lanjan-tsekely dimam-polo, tamin'ny babo, dia nitsiriritra ireny aho ka naka; ary, indreo, voàfina ao ambanin'ny tany ao amin'ny laiko ireny, ary ny volafotsy ao ambaniny.

La Bible en Malgache

²¹ Nahita akanjobe ivelany matevina tsara avy any Sineara sy sekela volafotsy roanjato ary vongam-bolamena lavalava, milanja sekela dimampolo, tamin’ny babo aho, dia nitsiriritra ireny ka naka izany; ary indreo, voafina ao ambanin’ny tany ao amin’ny tranolaiko ireny ary ny volafotsy dia ao ambaniny.

Josoa 7:21 Rohy Ifampitohizana

Genesisy 10:10

Ny tanàna lehibe tao amin’ny fanjakany dia i Babèla sy i Ereka ary i Akada sy i Kalne ao amin’ny tany Sinehara.

Genesisy 3:6

Ary hitan-dravehivavy fa maha te hihinana ny voan’ilay hazo sady mahasarika ny maso no mampitsiriritra hahazoana fahiratan-tsaina. Dia nitoazany ny voany ka nohaniny; ary nomeny koa ny vadiny izay niaraka taminy ka nihinana.

Genesisy 34:27

Ireo zanakalahin’i Jakôba hafa kosa nanendaka ireo faty sy nandroba ny tanàna noho ny nandotoana ny anabaviny.

Genesisy 6:2

dia hitan’ireo zanakalahin’andriamanitra fa tsara tarehy ireny zazavavy ireny, ka nifidianany izay ho vadiny.

2Samoela 11:2

Indray takariva dia niarina avy teo am-pandriany i Davida ka nitsangantsangana teo an-tafon-trano marin-tampon’ny lapam-panjakana. Avy teny no nahatazanany vehivavy iray nandro. Tsara tarehy aoka izany ravehivavy.

2Mpanjaka 7:8

Tonga teo an-tsisiny farany indrindra amin’ny toby àry ireto marary hoditra efa-dahy. Dia niditra ny lay anankiray izy ka nihinana sy nisotro tamin’izay sakafo tao, avy eo naka volafotsy sy volamena ary fitafiana izy ka lasa nanafina izany; dia niditra ny lay anankiray hafa indray izy, ary naka zavatra isan-karazany ka lasa nanafina izany koa.

Joba 31:1

Efa nanao fanekena tamin’ny masoko aho, fa tsy hanam-pijery mitsiriritra tovovavy.

Salamo 119:37

Avilio ny masoko tsy hijery zava-poana; velomy amin’ny sori-dàlanao aho.

Eksodosy 20:17

«Aza mitsiriritra izay rehetra an’ny namanao, na ny tranony, na ny vadiny na ny mpanompony, na ny ombiny na ny borikiny.»

Ohabolana 1:19

Toy izany no iafaran’izay rehetra fatra-pandroba, ka ipaohana ny ain’izay fatra-panao azy.

Ohabolana 23:31

Aza mijery ny divay mena izay manganohano ao anaty kaopy. Hikoriana moramora ao an-tendanao izy,

Ohabolana 28:22

Maika ny hanan-karena ny mpitsiriritra saingy tsy fantany fa ho avy aminy ny fahantrana.

Ohabolana 4:23

Tandremo izay eritreretin’ny fonao fa izany no iankinan’ny fiainanao.

Isaia 28:15

Ianareo manao hoe: «Efa nanao fifanekena tamin’ny fahafatesana izahay ary efa nifanaraka tamin’ny toeran’ny maty; koa na ho avy aza ny loza, dia tsy hahatratra anay, fa ny lainga no ataonay fiarovana ary ny fitaka no ataonay fierena.»

Isaia 29:15

Lozan’izay manao zavatra an-tsokosoko ka manafina ny paikany amin’ny TOMPO sy mamorona teti-dratsy ao amin’ny maizina. «Iza no mahita antsika, hoy izy, ary iza no mahalala izay ataontsika?»

Habakoka 2:9

«Lozanareo manangon-karena tsy an-drariny hanasoavana ny taranakareo. Mihevi-tena ho ambony toerana ianareo ka tsy ho tratry ny loza.

Lioka 12:15

Dia hoy i Jesoa tamin’ny vahoaka: –Mitandrema! Aoka tsy ho voan’ny fangoronan-karena isan-karazany ianareo, fa ny ain’olona tsy miankina amin’ny habetsahan’ny fananany!

Lioka 12:2

Fa tsy misy afenina izay tsy haseho na takona izay tsy ho fantatra.

Efesiana 5:3

Araka ny sahaza ny vahoakan’Andriamanitra, dia aoka tsy ho voatonona eo aminareo akory aza rehefa fijangajangana sy fahalotoana isan-karazany ary fitiavan-karena.

Efesiana 5:5

Fantaro tsara izao: tsy hanana anjara lova amin’ny Fanjakan’i Kristy sy Andriamanitra na ny mpijangajanga na ny maloto fitondrantena na ny mpitia harena (fa mpanompo sampy ny mpitia harena).

Deoteronomia 7:25

Ny sarin-tsampy voasokitra, izay andriamaniny, dia hodoranareo; aza tsiriritinareo na alainareo ho anareo ny volafotsy na volamena izay eo amin’ireny sarin-tsampy ireny, fandrao ho fandrika hampanompo sampy anareo izany: eny, zava-mahatsiravina eo imason’ny TOMPO Andriamanitrareo ireny rehetra ireny.

Kolosiana 3:5

Vonoy ireo zavatra etỳ an-tany mangeja ny tenanareo: dia ny fijangajangana, ny fahalotoana, ny filàndratsy, ny fitsiriritan-dratsy, ary ny fitiavan-karena (fa fanompoan-tsampy ny fitiavan-karena).

Hebreo 13:5

Aza avela hahazo laka amin’ny fiainanareo ny fitiavam-bola; aoka ianareo hianina amin’izay anananareo, fa hoy Andriamanitra: «Tsy handao anao mihitsy Aho, ary tsy hahafoy anao velively.»

Jakoba 1:15

ka rehefa eken’ny olona ny filàndratsy, dia miteraka ota; ary rehefa mahazo bahana tanteraka ny ota, dia miteraka fahafatesana ara-panahy.

Josoa 7:20

Dia novalian’i Hakàna hoe: –Marina tokoa fa izaho no nanota tamin’ny TOMPO Andriamanitr’i Israely ary ireto avy no nataoko:

Josoa 7:22

Dia nandefa iraka vitsivitsy ho any amin’ny lain’i Hakàna i Josoa. Nirohotra ho any faingana ireo, ary dia nahita ny zavatra nalevina ka ny volafotsy no tao ambany indrindra.

2Petera 2:15

Efa niala tamin’ny lala-mahitsy izy ireo ka nivily nanaraka ny lalana efa nizoran’i Balahàma, zanakalahin’i Behôra: i Balahàma dia nankamamy ny tambin’ny asa ratsiny,