Josoa 7:1 - DIEM PROTESTANTA

¹ Nanao fahadisoana bevava ny Israelita tamin’ny fandikana didy momba ireo zavatra voatokana hafoy ho an’ny TOMPO; fa naka zavatra sasany tamin’ireo i Hakàna, zanakalahin’i Karmỳ sy zafin’i Zabdià ary zafiafin’i Zera sady anisan’ny fokon’i Joda, koa tezitra tamin’ny Israelita ny Tompo.

Baiboly Protestanta Malagasy 2011

¹ Fa nandika ny didy ny amin’ny zavatra voaozona ny Zanak’Israely satria i Akana, zanak’i Karmy, zanak’i Zabdy, zanak’i Zera, avy tamin’ny fokon’i Joda, dia naka tamin’ny zavatra efa voaozona; dia nirehitra tamin’ny Zanak’Israely ny fahatezeran’NY TOMPO.

Dikateny Iombonana Eto Madagasikara

¹ Nanao fahadisoana bevava ny Israelita tamin’ny fandikana didy momba ireo zavatra voatokana hafoy ho an’ny TOMPO; fa naka zavatra sasany tamin’ireo i Hakàna, zanakalahin’i Karmỳ sy zafin’i Zabdià ary zafiafin’i Zera sady anisan’ny fokon’i Joda, koa tezitra tamin’ny Israelita ny Tompo.

Baiboly Katolika

¹ Nanao fahadisoana momba ny anatema ny zanak’i Israely; fa naka tamin’ny zavatra natao anatema i Akàna zanak’i Karmì zanak’i Zabdỳ zanak’i Zare tamin’ny fokon’i Jodà, ka nirehitra tamin’ny zanak’i Israely ny fahatezeran’i Iaveh.

Baiboly Protestanta Malagasy

¹ FA ny Zanak’Isiraely nandika ny didy ny amin’ny zavatra voaozona; fa Akana, zanak’i Karmy, zanak’i Zabdy, zanak’i Zera, avy tamin’ny firenen’i Joda, naka tamin’ny zavatra efa voaozona, ka dia nirehitra tamin’ny Zanak’Isiraely ny fahatezeran’i Jehovah.

Malagasy Bible

¹ Fa ny Zanak'Isiraely nandika ny didy ny amin'ny zavatra voaozona; fa Akana, zanak'i Karmy, zanak'i Zabdy, zanak'i Zera, avy tamin'ny firenen'i Joda, naka tamin'ny zavatra efa voaozona, ka dia nirehitra tamin'ny Zanak'Isiraely ny fahatezeran'i Jehovah.

La Bible en Malgache

¹ Fa nandika ny didy ny amin’ny zavatra voaozona ny Zanak’Israely satria i Akana, zanak’i Karmy, zanak’i Zabdy, zanak’i Zera, avy tamin’ny fokon’i Joda, dia naka tamin’ny zavatra efa voaozona; dia nirehitra tamin’ny Zanak’Israely ny fahatezeran’NY TOMPO.

Josoa 7:1 Rohy Ifampitohizana

Genesisy 34:27

Ireo zanakalahin’i Jakôba hafa kosa nanendaka ireo faty sy nandroba ny tanàna noho ny nandotoana ny anabaviny.

2Samoela 24:1

Nirehi-pahatezerana tamin’ny Israelita indray ny TOMPO, ka nitaona an’i Davida hahatonga loza aminy sy nampanisa azy ny olona ao Israely sy ao Joda.

2Mpanjaka 5:24

Rehefa tonga teo amin’ny toerana atao hoe Hôfela izy, dia nalain’i Gehazỳ ny kitapo sy ny akanjo ka napetrany tao an-tranony; ary nasainy niverina ireo mpanompon’i Nahamàna, ka lasa.

1Tantara 21:7

Tsy sitrak’Andriamanitra izany zavatra izany, ka nasiany mafy i Israely.

2Tantara 24:18

hany ka nilaozan’ireo Israelita ny tranon’ny TOMPO Andriamanitry ny razany mba hanompoany ny tsatokazo fanajana an’i Aserà sy handalàny sampy hafa. Noho izany fahadisoana izany, dia niharan’ny fahatezeran’ny TOMPO i Joda sy i Jerosalema.

Ezra 9:6

ka nivavaka nanao hoe: –Andriamanitro ô, menatra sy mangaihay loatra aho; ka tsy sahiko ny miandrandra aminao, ry Andriamanitro ô, satria efa nihamaro sady niavosa mihoatra ny lohanay ny helokay ary lehibe manakatra ny lanitra ny fahotanay.

Joba 35:8

Fa na ny tsara vitanao na ny ratsy nataonao, dia ny olona toa anao ihany no iharany.

Mpitoriteny 9:18

Mandaitra kokoa noho ny fitaovam-piadiana ny fahendrena, saingy ny olona iray mitavozavoza no mahasimba ny soa be avy aminy.

Daniela 9:7

Anao ny fahamarinana, Tompo ô, ary anay kosa ny fahamenarana tahaka ny amin’izao anio izao, dia anay olon’i Joda sy mponin’i Jerosalema ary an’ireo Israelita hafa rehetra na ny lavitra na ny akaiky, any amin’ny tany rehetra izay efa nandroahanao azy noho ny fahadisoana vitany taminao.

Levitikosy 10:6

Ary hoy kosa i Mosesy tamin’i Aharôna sy tamin-dry i Elehazara sy i Itamara zanany roa lahy hafa: –Aza avela hirakaraka ny volon-dohanareo ary aza triarina ny fanamianareo, fandrao dia ho faty eo koa ianareo sady hiharan’ny fahatezeran’ny TOMPO ireto Israelita rehetra tafangona. Fa ny mpiray firenena aminareo, izany hoe ny taranak’i Israely rehetra, no aoka hitomany, noho izy roa lahy nofaizin’ny TOMPO tamin’ny afo mandoro.

Jona 1:7

–’Ndeha isika hanao antsapaka hahitana izay tompon’andraikitra mahatonga izao loza izao amintsika. Natao ny antsapaka ka nianjera tamin’i Jônà.

Josoa 22:16

sady nampita izay voalazan’ny fiangonan’ny TOMPO tsivakivolo hoe: –Inona izao fahotana nataonareo tamin’Andriamanitr’i Israely izao? Nahoana ianareo no miala amin’ny fanarahana Azy TOMPO ankehitriny? Fa tamin’ny nanorenanareo alitara ho anareo, dia mikomy amin’ny TOMPO ianareo!

Josoa 22:18

Ankehitriny dia miala amin’ny fanarahana ny TOMPO ianareo. Koa raha mikomy amin’ny TOMPO ianareo anio, dia ho tezitra amin’ny fiangonan’ny Israelita tsivakivolo Izy rahampitso.

Josoa 22:20

Moa tsy i Hakàna zanakalahin’i Zera ve no nandika ny fepetra momba ny zavatra natao hafoy ho an’ny TOMPO, kanefa dia ny fiangonan’ny Israelita tsivakivolo no niharan’ny fahatezeran’ny TOMPO? Ary tsy i Hakàna irery ihany no maty tamin’ny fahadisoany.