Josoa 6:19 - DIEM PROTESTANTA

¹⁹ Ny volafotsy sy volamena rehetra ary ny fanaka rehetra halimo sy vy dia hatokana ho Azy TOMPO ka haiditra ao amin’ny firaketan’ny TOMPO.

Baiboly Protestanta Malagasy 2011

¹⁹ Fa ny volafotsy sy ny volamena rehetra ary ny fanaka varahina sy vy dia masina ho an’NY TOMPO. Hatao ao amin’ny trano fitahirizana ao amin’ny tranon’NY TOMPO izany.

Dikateny Iombonana Eto Madagasikara

¹⁹ Ny volafotsy sy volamena rehetra ary ny fanaka rehetra halimo sy vy dia hatokana ho Azy TOMPO ka haiditra ao amin’ny firaketan’ny TOMPO.

Baiboly Katolika

¹⁹ Ny volafotsy amam-bolamena rehetra, mbamin’ny fanaka varahina sy vy, dia hatokana ho an’i Iaveh avokoa, ka hiditra amin’ny rakitr’i Iaveh.»

Baiboly Protestanta Malagasy

¹⁹ Fa ny volafotsy sy ny volamena rehetra ary ny fanaka varahina sy vy dia masina ho an’i Jehovah; hatao ao amin’ny rakitr’i Jehovah izany.

Malagasy Bible

¹⁹ Fa ny volafotsy sy ny volamena rehetra ary ny fanaka varahina sy vy dia masina ho an'i Jehovah; hatao ao amin'ny rakitr'i Jehovah izany.

La Bible en Malgache

¹⁹ Fa ny volafotsy sy ny volamena rehetra ary ny fanaka varahina sy vy dia masina ho an’NY TOMPO. Hatao ao amin’ny trano fitahirizana ao amin’ny tranon’NY TOMPO izany.

Josoa 6:19 Rohy Ifampitohizana

2Samoela 8:11

Natokan’i Davida mpanjaka ho an’ny TOMPO ireo fanaka ireo, tahaka ny nanokanany ny volafotsy sy ny volamena azony tamin’ireo firenena hafa rehetra efa resiny,

1Mpanjaka 14:26

ka namabo ny raki-tsoa tao an-tranon’ny TOMPO sy tao an-dapan’ny mpanjaka; nobaboiny avokoa ireo, indrindra ny ampinga volamena rehetra nataon’i Salômôna.

1Mpanjaka 7:51

Rehefa vita ny asa rehetra nataon’i Salômôna ho an’ny tranon’ny TOMPO, dia nasainy nentina ny zavatra efa natokan’i Davida rainy ho an’Andriamanitra, dia ny volafotsy sy volamena ary ny kojakoja samihafa ka napetrany tao amin’ny efitrano fitahirizan-drakitry ny tranon’ny TOMPO.

2Mpanjaka 24:13

Fa araka ny efa nambaran’ny TOMPO dia nentin’i Nebokadnetsara ny zava-tsarobidy rehetra tao an-tranon’ny TOMPO sy tao an-dapan’ny mpanjaka, ary novakiny avokoa ny fanaka rehetra volamena izay nataon’i Salômôna mpanjaka ho an’ny tempolin’ny TOMPO.

1Tantara 18:11

Ireo fanaka ireo koa dia natokan’i Davida mpanjaka ho an’ny TOMPO, niaraka tamin’ny volafotsy sy volamena izay nentiny avy any amin’ny firenena hafa rehetra: dia ny Edômita sy Môabita ary Hamônita mbamin’ny Filistinina sy Hamalekîta.

1Tantara 26:20

Ny levita naman’ireo kosa dia nisy mpiandraikitra ny zavatra sarobidy tao an-tempolin’Andriamanitra, zavatra sarobidy izay voatokana ho an’Andriamanitra.

1Tantara 26:26

Io Selômôta io sy ny havany no mpiandraikitra ny zavatra sarobidy voatokana ho an’Andriamanitra, dia ireo zavatra natokan’i Davida mpanjaka sy ireo loham-pianakaviany ary ny komandin-tafika mpifehy arivo sy mpifehy zato.

1Tantara 26:27

Tamin’ny fitaovana azon’ireo tamin’ny ady mantsy no nisy nanokanany mba hoenti-miahy ny tranon’ny TOMPO.

1Tantara 26:28

Ny zavatra rehetra, natokan’i Samoela mpaminany manam-pahitana sy natokan’i Saoly zanakalahin’i Kisy ary natokan’Abnera zanakalahin’i Nera sy natokan’i Jôaba zanakalahin’i Tseroià ho an’Andriamanitra, dia i Selômôta sy ny havany no mpiandraikitra ny fitahirizana azy.

1Tantara 28:12

Nomeny azy koa ny sarin’izay rehetra efa nokasainy hatao momba ireo kianja ao an-tranon’ny TOMPO mbamin’ny efitrano rehetra manodidina ireo kianja: efitrano fitahirizana ny zava-tsarobidin’ny tranon’Andriamanitra sy fitahirizana ny zava-tsarobidy natokana ho an’ny Tompo.

2Tantara 15:18

Nampidiriny ho ao an-tranon’ny Tompo ireo zavatra voatokan-drainy sy voatokan’ny tenany, dia volafotsy sy volamena ary fanaka.

2Tantara 31:12

dia hatrany hatrany no nampidirana ny ampaham-bokatra sy ny fahafolon-karena ary ny zavatra hafa natokana ho an’ny Tompo. Ilay levita atao hoe Kônanià no mpiandraikitra ireny, ary i Simehỳ rahalahiny no mpanampy azy.

Nehemia 10:38

Ampahany voafantinay amin’ny koba sy voankazo ary divay sy menaka no hatolotray ho an’ny mpisorona ka hapetrakay ao an-tranon’Andriamanitray, ao amin’ny efitrano voatokana ho an’izany; hatolotray ho an’ny levita ny ampahafolon’ny vokatry ny taninay, ka ny levita mihitsy no handray io fahafolon-karena io eny an-tanàna rehetra akaikin’ny fambolenay.

Jeremia 38:11

Dia naka telopolo lahy hiaraka aminy i Hebeda-Melèka, ka nankao an-dapan’ny mpanjaka tao amin’ny efitrano fitahirizan-javatra; ary naka fitafiana rovitra sy tonta tao izy, ka nampidininy ho eo amin’i Jeremià tao an-dava-drano tamin’ny tady mahazaka.

Levitikosy 19:24

Amin’ny taona fahefatra, dia hatokana ho Ahy avokoa ny voany mba ho fiderana Ahy TOMPO.

Mika 4:13

«Mitsangàna ka miveleza, ry mponina ao Tsiôna. Fa hataoko mahery ianareo, toy ny omby misy tandroka vy sy manan-kitro varahina, ka hanorotoro firenena maro. Ary ny harena voaangony ankeriny dia hatokanareo ho Ahy TOMPO, Izay tompon’ny tany tontolo.»

Nomery 31:11

Dia nalainy avokoa izay rehetra nobaboiny na olona na biby,

Nomery 31:12

ka nentiny tany amin’i Mosesy sy i Elehazara mpisorona ary ny fiangonana israelita teo an-toby tao amin’ny lemak’i Môaba, amoron’i Jôrdàna tandrifin’i Jerikao.

Nomery 31:22

Ny volamena, ny volafotsy, ny varahina, ny vy, ny vy fotsy ary ny firaka,

Matio 27:6

Ireo lohandoha-mpisorona kosa naka ny vola ary niteny hoe: –Tsy azo alatsaka amin’ny rakitry ny tempoly ireto vola ireto satria vidin-dra.

Marka 12:41

Nipetraka nanandrify ny vata fitoeran-drakitra i Jesoa nandinika ny fomba fandrotsahan’ny vahoaka vola tao; ary maro ny mpanankarena nandrotsaka betsaka.

Josoa 7:11

Nanota ny Israelita ka nivadika tamin’ny fanekempihavanana nodidiako hotandremany; fa ny zavatra nasaiko nolevonina dia nakany sy nangalany ary nanafenany ka nataony tanaty entany.