Josoa 6:18 - DIEM PROTESTANTA

¹⁸ Kanefa mitandrema ianareo fandrao hitsiriritra ireo zavatra haringana hafoy ho an’ny Tompo ka maka amin’ireo, fa hitondra loza sy fandravana ho an’ny tobin’i Israely ianareo.

Baiboly Protestanta Malagasy 2011

¹⁸ Kanefa mitandrema kosa ianareo ny amin’ny zavatra voaozona, fandrao raha manolotra zavatra ho voaozona ianareo, nefa ianareo no maka amin’ny zavatra voaozona indray, dia hahatonga ny tobin’ny Israely ho voaozona izany ka hampidi-doza aminy ianareo.

Dikateny Iombonana Eto Madagasikara

¹⁸ Kanefa mitandrema ianareo fandrao hitsiriritra ireo zavatra haringana hafoy ho an’ny Tompo ka maka amin’ireo, fa hitondra loza sy fandravana ho an’ny tobin’i Israely ianareo.

Baiboly Katolika

¹⁸ Tandremonareo anefa ny amin’ny zavatra natao anatema, fandrao mahatonga ny tobin’i Israely ho anatema ka mampitabataba azy ianareo, raha maka zavatra amin’izay nataonareo anatema.

Baiboly Protestanta Malagasy

¹⁸ Kanefa mitandrema kosa hianareo ny amin’ny zavatra voaozona, fandrao manolotra zavatra ho voaozona hianareo, nefa maka amin’ny zavatra voaozona kosa, ka mahatonga ny tobin’ny Isiraely ho voaozona ary mampidi-doza aminy.

Malagasy Bible

¹⁸ Kanefa mitandrema kosa ianareo ny amin'ny zavatra voaozona, fandrao manolotra zavatra ho voaozona ianareo, nefa maka amin'ny zavatra voaozona kosa, ka mahatonga ny tobin'ny Isiraely ho voaozona ary mampidi-doza aminy.

La Bible en Malgache

¹⁸ Kanefa mitandrema kosa ianareo ny amin’ny zavatra voaozona, fandrao raha manolotra zavatra ho voaozona ianareo, nefa ianareo no maka amin’ny zavatra voaozona indray, dia hahatonga ny tobin’ny Israely ho voaozona izany ka hampidi-doza aminy ianareo.

Josoa 6:18 Rohy Ifampitohizana

2Samoela 21:1

Nisy mosary naharitra telo taona misesy tamin’ny andron’i Davida. Nanontany ny TOMPO momba izany i Davida ka novaliany hoe: –Avy amin’i Saoly sy ny fianakaviany lian-dra izao, satria i Saoly no namono nahafaty ny Gibehônita.

Mpitoriteny 9:18

Mandaitra kokoa noho ny fitaovam-piadiana ny fahendrena, saingy ny olona iray mitavozavoza no mahasimba ny soa be avy aminy.

Jona 1:12

Hoy i Jônà tamin’ny matilò: –Batao aho ka atsipazo any anaty ranomasina dia hitony aminareo io. Fantatro fa noho ny fahadisoako no mahatonga izao tafio-drivotra mahery izao aminareo.

Romana 12:9

Aoka ny fitiavana tsy hisy fihatsarambelatsihy. Mankahalà ny ratsy; mifikira amin’ny tsara.

2Korintiana 6:17

Izany no ilazan’ny Tompo hoe: «Mialà teo aminy ka misaraha aminy; aza mikasika zavatra tsy madio, dia horaisiko ianareo.

Efesiana 5:11

Aza miombona amin’ny asa tsy mahavoka-tsoa ataon’ireo olona ao anatin’ny haizina, fa aleo aseho ny tena toetr’ireny asa ireny;

Deoteronomia 13:17

angony eo afovoan’ny kianja ny entana rehetra voababo, ka dory avokoa na ny tanàna sy ireo entana ireo mba hafoy ho an’ny TOMPO Andriamanitra; dia ho tanàna aolo lalandava izany tanàna izany ka tsy haorina intsony.

Deoteronomia 23:10

Raha eo am-pitobiana hanafika fahavalo ianareo, dia fadio ny zava-dratsy rehetra.

Deoteronomia 7:26

Aza mampiditra sarin-tsampy ao an-tranonareo ianareo, fandrao ho mendrika haringana miaraka aminy; ho hàlanareo indrindra sy ho zava-mahatsiravina tokoa eo imasonareo izany, satria zavatra tsy maintsy haringana tanteraka.

Jakoba 1:27

Fa amin’Andriamanitra Ray ny fivavahana madio sy tsy misy tsiny dia izao: ny miahy ny kamboty sy ny mpitondratena amin’ny fahoriana mahazo azy ary ny miaro tena tsy ho voapentimpentin’izao tontolo izao.

Josoa 7:1

Nanao fahadisoana bevava ny Israelita tamin’ny fandikana didy momba ireo zavatra voatokana hafoy ho an’ny TOMPO; fa naka zavatra sasany tamin’ireo i Hakàna, zanakalahin’i Karmỳ sy zafin’i Zabdià ary zafiafin’i Zera sady anisan’ny fokon’i Joda, koa tezitra tamin’ny Israelita ny Tompo.

Josoa 7:13

Mandehana omany ny vahoaka mba hihaona amiko rahampitso ka ilazao izy mba samy hanadio ny tenany; fa Izaho TOMPO Andriamanitr’i Israely no milaza amin’ny Israelita hoe: «Mbola manana zavatra nasaiko nolevonina ianareo; noho izany, tsy afaka hanohitra ny fahavalonareo ianareo raha tsy foana teo aminareo ireny zavatra ireny.

Josoa 7:15

Ary hotondroiko ilay lehilahy mitana zavatra tokony holevonina, ka hodorana amin’ny afo izy mbamin’izay rehetra azy satria nivadika tamin’ny fanekempihavanako izy ka nanao izay tsy fanao teo amin’i Israely.»

Josoa 7:25

Dia hoy i Josoa tamin’i Hakàna: –Nampidi-doza anay loatra ianao! Koa hahatonga loza aminao kosa ny Tompo anio! Dia novonoin’ny Israelita rehetra tamin’ny tora-bato i Hakàna. (Novonoiny toy izany koa ny ankohonany, ary indray nodorany tamin’ny afo ny fananany rehetra).

1Jaona 5:21

Rey anaka, mitandrema tena fandrao manompo sampy ianareo.

1Samoela 15:9

Fa i Saoly sy ny miaramila kosa nitsimbina ny ain’i Agaga mbamin’izay tsara indrindra amin’ny biby fiompy, toy ny omby aman’ondry, mifahy na tsia, izany hoe rehefa biby tsara rehetra misy vidiny. Fa izay tsy misy vidiny sy tsy ilaina kosa dia samy naringany avokoa.