Josoa 6:10 - DIEM PROTESTANTA

¹⁰ Ary Josoa efa nandidy ny vahoaka hoe: «Aza manakora na manao izay andrenesam-peo na mamoaka teny akory aza; fa amin’ny andro hilazako aminareo hoe manaova akoran’ady, vao hanao akoran’ady ianareo».

Baiboly Protestanta Malagasy 2011

¹⁰ Ny vahoaka dia efa noraran’i Josoa hoe: Aza manakora na mamoaka feo na miloa-bava akory aza mandra-pahatongan’ny andro hilazako aminareo hoe: Manakorà! Ary amin’izay ianareo vao hanakora.

Dikateny Iombonana Eto Madagasikara

¹⁰ Ary Josoa efa nandidy ny vahoaka hoe: «Aza manakora na manao izay andrenesam-peo na mamoaka teny akory aza; fa amin’ny andro hilazako aminareo hoe manaova akoran’ady, vao hanao akoran’ady ianareo».

Baiboly Katolika

¹⁰ Izao no didy efa nomen’i Jôsoe ny vahoaka: «Aza manakora na miloa-peo, ary aza miloaka teny indraimbava akory ny vavanareo, mandra-pahatongan’ny andro hilazako aminareo hoe: Manakorà. Fa amin’izay vao hanakora ianareo.»

Baiboly Protestanta Malagasy

¹⁰ Ary ny vahoaka efa noraran’i Josoa hoe: Aza manakora na mamoaka feo na miloa-bava akory aza mandra-pahatongan’ny andro hanaovako aminareo hoe: Manakorà! dia vao amin’izay hianareo no hanakora.

Malagasy Bible

¹⁰ Ary ny vahoaka efa noraran'i Josoa hoe: Aza manakora na mamoaka feo na miloa-bava akory aza mandra-pahatongan'ny andro hanaovako aminareo hoe: Manakorà! dia vao amin'izay ianareo no hanakora.

La Bible en Malgache

¹⁰ Ny vahoaka dia efa noraran’i Josoa hoe: Aza manakora na mamoaka feo na miloa-bava akory aza mandra-pahatongan’ny andro hilazako aminareo hoe: Manakorà! Ary amin’izay ianareo vao hanakora.

Josoa 6:10 Rohy Ifampitohizana

Isaia 28:16

Koa izao no lazain’ny Tompo ANDRIANANAHARY: «Indro Aho hametraka vato iray ao Tsiôna mba hizahan-toetra anareo, dia vato fehizoro sarobidy natao ho fanorenana mafy; ka izay matoky azy tsy hihontsina.

Isaia 42:2

Tsy hiantsoantso izy na hampiaka-peo sady tsy hanao kabary eny an-dalambe.

Matio 12:19

Tsy hifanditra aman’olona Izy na hihorakoraka, ary tsy handrenesana ny feony eny an-dalambe.

Lioka 24:49

Indro hirahiko ho eo aminareo Ilay nampanantenain’ny Raiko; ianareo kosa mitoera eto an-tanàna mandra-pahahenika anareo ny hery avy any ambony.

Asan’ny Apostoly 1:7

Fa novalian’i Jesoa hoe: –Tsy anjaranareo ny mahalala ny fotoana na ny vaninandro voatendrin’ny Ray araka ny fahefàny manokana.

Josoa 6:11

Dia nentina nanodidina ny tanàna indray mandeha ny Vatamasin’ny TOMPO; ary niverina tany an-toby ny Israelita ka nandry tao.

Josoa 6:9

Ny andian-tafika mpamaky lay no nialoha ireo mpisorona ireo ary ny vodilalana kosa nanaraka ny Vatamasina. Teny am-pandehanana, dia notsofina hatrany ny trompetra.