Josoa 5:9 - DIEM PROTESTANTA

⁹ Avy eo dia hoy ny TOMPO tamin’i Josoa: –Androany no nanesorako taminareo ny henatra izay nentinareo avy tany Ejipta. Izany no niantsoana an’io toerana io hoe Gilgala mandraka androany.

Baiboly Protestanta Malagasy 2011

⁹ Dia hoy NY TOMPO tamin’i Josoa: Androany no nanakodiavako ny fandatsan’i Ejipta ho afaka aminareo. Ary ny anaran’izany tany izany dia nataony hoe Gilgala mandraka androany.

Dikateny Iombonana Eto Madagasikara

⁹ Avy eo dia hoy ny TOMPO tamin’i Josoa: –Androany no nanesorako taminareo ny henatra izay nentinareo avy tany Ejipta. Izany no niantsoana an’io toerana io hoe Gilgala mandraka androany.

Baiboly Katolika

⁹ Ary hoy i Iaveh tamin’i Jôsoe: «Noesoriko ho afaka taminareo androany ny fahafaham-baraka tany Ejipta.» Dia natao hoe Galgalà mandraka androany izany toerana izany.

Baiboly Protestanta Malagasy

⁹ Dia hoy Jehovah tamin’i Josoa: An-droany no nanakodiavako ny fandatsan’i Egypta ho afaka aminareo. Ary ny anaran’izany tany izany dia nataony hoe Gilgala mandraka andro-any.

Malagasy Bible

⁹ Dia hoy Jehovah tamin'i Josoa: Androany no nanakodiavako ny fandatsan'i Egypta ho afaka aminareo. Ary ny anaran'izany tany izany dia nataony hoe Gilgala mandraka androany.

La Bible en Malgache

⁹ Dia hoy NY TOMPO tamin’i Josoa: Androany no nanakodiavako ny fandatsan’i Ejipta ho afaka aminareo. Ary ny anaran’izany tany izany dia nataony hoe Gilgala mandraka androany.

Josoa 5:9 Rohy Ifampitohizana

Genesisy 34:14

Ka hoy ireto taminy: –Tsy azonay atao ny hanome ny anabavinay ho vadin’ny lehilahy tsy voafora, fa manala baràka anay izany.

2Samoela 19:15

Nandresy lahatra ny lehilahin’i Joda rehetra ny tenin’i Davida, ka dia toy ny olona iray ihany izy rehetra no naniraka hilaza amin’ny mpanjaka hoe: «Modia re ianao sy ny mpanomponao rehetra!»

Nehemia 12:29

sy avy any Bety-Gilgala ary avy amin’ny faritr’i Geba sy i Hazmavety; fa efa nanao tanàna kely ho azy manodidina an’i Jerosalema ny mpihira.

Salamo 119:39

Halaviro ahy ny fahafaham-baràka atahorako, satria tsara ny fitsipikao.

Jeremia 9:25

na ny Ejiptianina, na ny Jodeanina, na ny Edômita, na ny Hamônita, na ny Môabita na ireo mponina any an-taniefitra izay miharatra fihirifana. Satria izy rehetra ireo, eny na dia ny Israelita koa aza, dia tsy voafora fo ho an’ny Tompo.

Ezekiela 23:3

Fony mbola tanora izy, dia efa lasa vehivavy janga tany Ejipta izay nonenany. Tany no nisafosafoana ny tratrany sy nitsapatsapana ny nonony somondrara.

Ezekiela 23:8

Notohizany ny fiainam-pijangajangana efa nataony tany Ejipta. Fa tany, fony mbola tanora izy, dia nisy lehilahy nandry taminy sy nitsapatsapa ny nonony somondrara ka nanaram-po nijangajanga taminy.

Hosea 4:15

Na dia mivaro-tena aza ianao, ry Israely, dia aoka tsy hanota toy izany koa i Joda. Aza mankany Gilgala na miakatra any Bety-Avena ianao; ary aza mianiana hoe: «Velona ny TOMPO...!»

Levitikosy 24:14

–Avoahy ho eny ivelan’ny toby io lehilahy niteny ratsy Ahy io; ka izay rehetra nandre ny fanevatevàny Ahy, dia aoka hametra-tanana eo an-dohan-dralehilahy; ary aoka ny Israelita rehetra tafangona eto hamono azy amin’ny torabato.

Amosa 5:5

Fa aza mitady Ahy any Betela, aza miditra ao Gilgala, ary aza mankany Beera-Seba; satria ho lasan-ko babo tokoa i Gilgala, ary i Betela dia ho tonga tsinontsinona.»

Mika 6:5

Ry vahoakako, mba tsarovy izay nokasain’i Balàka mpanjakan’i Môaba hatao sy ny navalin’i Bilehama zanakalahin’i Behôra azy, ary izay niseho hatreo Sitima ka hatrany Gilgala, mba hahafantaranareo asa nanasoavako anareo.»

Zefania 2:8

Ny TOMPOn’izao rehetra izao sady Andriamanitr’i Israely: dia manao teny hentitra hoe: «Reko ny olon’i Môaba sy Hamôna nandatsa sy nanaratsy ny vahoakako. Eny, nandatsa azy izy roa tonta, ary nanitatra ny taniny teo amin’ny azy.

Josoa 24:14

Dia hoy ihany i Josoa hoe: –Koa ankehitriny manajà ny TOMPO ka manompoa Azy amim-pahitsiana sy fahamarinana. Ario ny andriamanitra izay notompoin’ny razanareo tany ampitan’i Eofrata sy tany Ejipta, ka manompoa ny TOMPO.

Josoa 4:19

Ny andro fahafolon’ny volana voalohany no nitàn’ny vahoaka israelita an’i Jôrdàna, ary nitobiany tao Gilgala teo atsinanan’i Jerikao.

Josoa 5:8

Ary rehefa voafora avokoa izy rehetra, dia nijanona tao an-toby ihany aloha ambara-pahasitrany.

1Samoela 14:6

Dia hoy izany i Jônatàna tamin’ny mpanompony: –Andeha hotafihintsika ny tobin’ireo tsy mifora ireo, sao mba homba antsika ihany ny TOMPO, fa tsy misy manakana AZY tsy hanome antsika ny fandresena, na maro isika na vitsy.

1Samoela 17:26

Dia hoy i Davida tamin’ny miaramila iray teo akaikiny: –Hatao ahoana tsara hoe izay maharesy io Filistinina io ka mahafaka an’i Israely amin’izao fahafaham-baràkany izao? Fa iza moa io Filistinina mpanompo sampy io no sahy mihantsy ny tafik’ilay Andriamanitra velona?

1Samoela 17:36

Raha izany no nahafatesan’ny mpanomponao ny liona sy ny bera, dia ho tahaka izany koa no hanjo io Filistinina mpanompo sampy io, satria nihantsy ny tafik’ilay Andriamanitra velona izy.

1Samoela 7:16

Isan-taona izy dia nandeha nitety an’i Betela sy i Gilgala ary i Mitsepà ka nitsara tamin’ireo tanàna telo ireo.