Josoa 5:6 - DIEM PROTESTANTA

⁶ Efapolo taona no nandehanan’ny Israelita tany an-taniefitra. Lany ritra tamin’izany ny lehilahy afa-miantafika rehetra izay indray niala tany Ejipta, satria tsy nanaiky ny TOMPO ry zareo; ary efa nianianan’ny TOMPO ireo fa tsy hisy hahita ny tany izay nampanantenainy tamin’ny razany fa homena antsika, dia tany tondra-dronono sy tantely.

Baiboly Protestanta Malagasy 2011

⁶ Fa efapolo taona no nandehanan’ny Zanak’Israely tany an-tany efitra, mandra-pahalany ritra ny olona rehetra, dia ny mpanafika izay nivoaka avy tany Ejipta, satria tsy nihaino ny feon’NY TOMPO izy ireny; dia ireo no nianianan’NY TOMPO fa tsy havelany hahita ny tany izay nianianan’NY TOMPO tamin’ny razana homeny antsika, dia tany tondra-dronono sy tantely.

Dikateny Iombonana Eto Madagasikara

⁶ Efapolo taona no nandehanan’ny Israelita tany an-taniefitra. Lany ritra tamin’izany ny lehilahy afa-miantafika rehetra izay indray niala tany Ejipta, satria tsy nanaiky ny TOMPO ry zareo; ary efa nianianan’ny TOMPO ireo fa tsy hisy hahita ny tany izay nampanantenainy tamin’ny razany fa homena antsika, dia tany tondra-dronono sy tantely.

Baiboly Katolika

⁶ Satria efapolo taona no nandehanan’ny zanak’i Israely tany an’efitra, mandra-pahalàny ritra ny firenena rehetra, dia ny mpiantafika rehetra nivoaka avy tany Ejipta, fa tsy nihaino ny feon’i Iaveh, ka efa nianianan’i Iaveh taminy fa izy ireo tsy havelany hahita ny tany izay nianianany tamin’ny razanay homena antsika, tany tondra-dronono sy tantely.

Baiboly Protestanta Malagasy

⁶ Fa efa-polo taona no nandehanan’ny Zanak’Isiraely tany an-efitra, mandra-pahalany ritran’ny olona rehetra, dia ny mpanafika izay nivoaka avy tany Egypta, satria tsy nihaino ny feon’i Jehovah izy; dia ireo no nianianan’i Jehovah fa tsy havelany hahita ny tany izay nianianan’i Jehovah tamin’ny razana homeny antsika, dia tany tondra-dronono sy tantely.

Malagasy Bible

⁶ Fa efa-polo taona no nandehanan'ny Zanak'Isiraely tany an-efitra, mandra-pahalany ritran'ny olona rehetra, dia ny mpanafika izay nivoaka avy tany Egypta, satria tsy nihaino ny feon'i Jehovah izy; dia ireo no nianianan'i Jehovah fa tsy havelany hahita ny tany izay nianianan'i Jehovah tamin'ny razana homeny antsika, dia tany tondra-dronono sy tantely.

La Bible en Malgache

⁶ Fa efapolo taona no nandehanan’ny Zanak’Israely tany an-tany efitra, mandra-pahalany ritra ny olona rehetra, dia ny mpanafika izay nivoaka avy tany Ejipta, satria tsy nihaino ny feon’NY TOMPO izy ireny; dia ireo no nianianan’NY TOMPO fa tsy havelany hahita ny tany izay nianianan’NY TOMPO tamin’ny razana homeny antsika, dia tany tondra-dronono sy tantely.

Josoa 5:6 Rohy Ifampitohizana

Salamo 107:4

Tao ireo nirenireny tany an-taniefitra aman-tany foana, tsy nahita tanàna honenana akory,

Eksodosy 3:17

koa tapa-kevitra Izy fa hanaisotra anareo hiala amin’ny fahoriana atỳ ho any amin’ny tanin’ny Kanahanita sy ny Hetita, ny Amôrita sy ny Perizita, ary ny Hivita sy ny Jebosita, dia tany tondra-dronono sy tantely.»

Eksodosy 3:8

Koa tafidina Aho mba hanafaka azy amin’ny fahefàn’ny Ejiptianina, ka hampiakatra azy hiala amin’ny tany Ejipta mba ho any amin’ny tany tsara sy midadasika, any amin’ny tany tondra-dronono sy tantely, dia ny toerana misy ny Kanahanita sy ny Hetita, ny Amôrita sy ny Perizita, ary ny Hivita sy ny Jebosita.

Jeremia 2:2

«Ndeha ataovy antso avo ao Jerosalema fa izao no lazaiko: «Tsaroako ny toetranao fahiny, ry Israely. Endrey izany fifikiranao tamiko fony ianao mbola tanora! Endrey izany fitiavanao Ahy fony ianao mbola fofombadiko! Nanaraka Ahy hatrany an-taniefitra ianao, tany amin’ny faritany tsy nisy zava-maniry.

Ezekiela 20:15

Ary nianiana taminy koa Aho tany an-taniefitra fa tsy hitondra azy hiditra ao amin’ny tany efa nomeko azy, dia tany izay tondra-dronono sy tantely sady mahafinaritra noho ny tany hafa rehetra;

Ezekiela 20:6

Tamin’izany andro izany no nianianako fa hampamoaka azy hiala any Ejipta Aho mba hitondra azy ho amin’ny tany nomaniko ho azy manokana, dia tany izay tondra-dronono sy tantely sady mahafinaritra noho ny tany hafa rehetra.

Nomery 14:23

koa satria efa nanamavo Ahy izy, dia tsy hisy hahita ny tany izay nampanantenaiko ny razany.

Nomery 26:63

Ireo no vokatry ny fanisàm-bahoaka nataon’i Mosesy sy i Elehazara mpisorona tamin’ny Israelita tao amin’ny lemak’i Môaba, amoron’i Jôrdàna tandrifin’i Jerikao.

Deoteronomia 1:3

Tamin’ny taona fahefapolo nialana an’i Ejipta, nony andro voalohan’ny volana faha-11, dia niteny tamin’ny Israelita i Mosesy, araka izay rehetra nodidian’ny TOMPO holazainy aminy.

Deoteronomia 2:14

Naharitra 38 taona ny diantsika niainga hatreo Kadesy-Barnea ka hatramin’ny nitantsika ny lohasahan-driaka Zahareda, izany hoe mandra-pahalany ritra tsy hisy eo an-toby intsony ny mpiantafika rehetra tamin’izany taranaka izany, araka izay efa nianianan’ny TOMPO taminy.

Deoteronomia 2:7

Eny, Izaho TOMPO Andriamanitrareo efa nitahy anareo tamin’izay rehetra nataonareo. Fantatro ny nandehananareo namaky ity taniefitra midadasika ity; satria efapolo taona izay no momba anareo Aho TOMPO Andriamanitrareo, ka tsy nanan-java-mahory ianareo.»

Deoteronomia 8:4

Ny fitafianareo tsy rovitra, ny tongotrareo tsy mivonto, nandritra izay efapolo taona izay.

Hebreo 3:11

Tezitra Aho ka nianiana hoe: Tsy hiditra mihitsy ao amin’ny toeram-pitsaharana nomaniko ireo!»

Josoa 1:6

Aoka ho sahy sy hahery ianao, fa ianao no hitarika ireto vahoaka ireto handova ny tany izay nianianako tamin’ny razambeny fa homeko azy.

Josoa 24:7

Tamin’izay ny razanareo no niantso vonjy tamiko TOMPO; koa nametrahako haizina mikitroka tanelanelan’ireo sy ny Ejiptianina sady nazerako tamin’ireto Ejiptianina ireto ny onjan-dranomasina ka nanafotra azy. Fantatrareo tsara izay efa nataoko hamelezana ny Ejiptianina! Avy teo dia nipetraka ela tany an-taniefitra ny razanareo.

Josoa 5:7

Ny zanakalahin’ireo no najoron’ny TOMPO handimby azy ka noforan’i Josoa, noho izy tsy mbola voafora mihitsy satria tsy noforana teny an-dalana.