Josoa 22:25 - DIEM PROTESTANTA

²⁵ Ny TOMPO mihitsy manko no nametraka an’i Jôrdàna ho faritra mampisaraka anay aminareo taranak’i Reobena sy taranak’i Gada, ka tsy misy anjaranareo amin’ny TOMPO!» Dia mety hampitsahatra ny taranakay tsy hanaja ny TOMPO intsony ny taranakareo.

Baiboly Protestanta Malagasy 2011

²⁵ Fa i Jordana no nataon’NY TOMPO sisintany eo anelanelantsika, ry taranak’i Robena sy i Gada, ka tsy manana anjara amin’NY TOMPO ianareo; koa hampitsaharin’ny taranakareo tsy hatahotra NY TOMPO ny taranakay.

Dikateny Iombonana Eto Madagasikara

²⁵ Ny TOMPO mihitsy manko no nametraka an’i Jôrdàna ho faritra mampisaraka anay aminareo taranak’i Reobena sy taranak’i Gada, ka tsy misy anjaranareo amin’ny TOMPO!» Dia mety hampitsahatra ny taranakay tsy hanaja ny TOMPO intsony ny taranakareo.

Baiboly Katolika

²⁵ I Jordany no faritra nataon’i Iaveh hanelanelana anay sy ianareo, ry tarana-dRobena sy taranak’i Gada, ka tsy manana anjara amin’i Iaveh akory ianareo? Amin’izany ny taranakareo dia hampitsahatra ny taranakay tsy hatahotra an’i Iaveh;

Baiboly Protestanta Malagasy

²⁵ fa Jordana no nataon’i Jehovah ho faritra eo anelanelantsika, ry taranak’i Robena sy Gada, ka tsy manana anjara amin’i Jehovah hianareo; ka dia hampitsaharan’ny taranakareo tsy hatahotra an’i Jehovah ny taranakay.

Malagasy Bible

²⁵ fa Jordana no nataon'i Jehovah ho faritra eo anelanelantsika, ry taranak'i Robena sy Gada, ka tsy manana anjara amin'i Jehovah ianareo; ka dia hampitsaharan'ny taranakareo tsy hatahotra an'i Jehovah ny taranakay,

La Bible en Malgache

²⁵ Fa i Jordana no nataon’NY TOMPO sisintany eo anelanelantsika, ry taranak’i Robena sy i Gada, ka tsy manana anjara amin’NY TOMPO ianareo; koa hampitsaharin’ny taranakareo tsy hatahotra NY TOMPO ny taranakay.

Josoa 22:25 Rohy Ifampitohizana

2Samoela 20:1

Fa nisy olona tena ratsy fanahy teo natao hoe Sebà, zanakalahin’i Bikrỳ sady Benjaminita. Nitsoka anjomara izy sady nanao hoe: –Tsy manana anjara amin’i Davida isika ary tsy misy zavatra iombonantsika amin’io zanakalahin’i Jisay io! Samia mody any amin’ny fonenany avy, ry Israelita ô!

1Mpanjaka 12:16

Rehefa tsapan’ny Israelita tavaratra rehetra fa tsy nankatoavin’ny mpanjaka ny fitakiany, dia hoy ny navalin’ireo hoe: –Tsy manana anjara amin’i Davida isika na manana anjara lova amin’ny zanakalahin’i Jisay. Samia mody any an-tranony avy isika, ry Israelita tavaratra; ary ianao kosa, ry zafikelin’i Davida, karakarao ny fanjakanao! Dia samy nody ho any an-tranony avy ny Israelita tavaratra rehetra.

1Mpanjaka 14:16

Hanolotra an’i Israely amim-pahavalo Izy noho ireo fahotana nataon’i Jerôbohama sady nampanaoviny an’i Israely.

1Mpanjaka 15:30

Ny nahatonga izany kosa dia ny fahotana nataon’i Jerôbohama sady nampanaoviny an’i Israely ka nampahatezitra mafy ny TOMPO Andriamanitr’i Israely.

Nehemia 2:20

Izao kosa no valin-teny nasetriko azy: –Ilay Andriamanitry ny lanitra mihitsy no hanambina anay; ka dia hirotsaka hanorina ny tanàna indray izahay mpanompony. Ianareo kosa tsy manana anjara na zo na fahatsiarovana akory atỳ Jerosalema!

Salamo 16:5

TOMPO ô, Ianao no zarako sy lovako; Ianao tokoa no mitantana ny hoaviko.

Asan’ny Apostoly 8:21

Tsy misy anjaranao na lovanao amin’ity raharaha ity satria tsy mahitsy fo eo anatrehan’Andriamanitra ianao.

Josoa 22:24

Tsia, fa raha nanao izao zavatra izao izahay, dia natahotra fandao any aoriana any ny taranakareo hiteny amin’ny taranakay hoe: «Inona moa no ifandraisanareo sy ny TOMPO Andriamanitr’i Israely?

Josoa 22:26

Izany no nahatonga anay hanapa-kevitra hanao io alitara io, saingy tsy hanaterana sorona dorana manontolo na sorona hafa;

Josoa 22:27

ho vavolombelona aminay sy aminareo ary amin’ny taranatsika mifandimby kosa io alitara io fa zonay ny hanao fanompoana eo anatrehan’ny TOMPO amin’ny fanolorana sorona dorana manontolo sy fanatitra hohanina ary sorom-pihavanana. Amin’izay ny taranakareo, any aoriana any, dia tsy ho afa-milaza amin’ny taranakay hoe: «Tsy misy anjaranareo amin’ny TOMPO».

1Samoela 26:19

Ary ankehitriny, aoka ianao, ry mpanjaka tompoko, hihaino izay holazaiko aminao: raha ny TOMPO no manosika anao hanao izany amiko, aoka hampitony Azy ny sorona aterina aminy; fa raha olombelona kosa, dia aoka ho voaozona eo anatrehan’ny TOMPO izy satria efa nandroaka ahy androany tsy hanana anjara amin’ny tany nomen’ny TOMPO ka toy ny manao amiko hoe: «Mandehana manompo andriamani-kafa.»