Josoa 17:16 - DIEM PROTESTANTA

¹⁶ Hoy kosa ny taranak’i Jôsefa hoe: –Tsy ampy ho anay tokoa ny havoana, kanefa manana kalesy vy ireo Kanahanita rehetra monina ao amin’ny tany lemaka, na izay any Bety-Seana sy amin’ireo tanàna kely miankina aminy na izay any amin’ny lohasahan’i Jizrehela.

Baiboly Protestanta Malagasy 2011

¹⁶ Ary hoy ny taranak’i Josefa: Tsy ampy ho anay ny havoana; sady manana kalesy vy fitondra miady ny Kananita rehetra izay monina any amin’ny tany lemaka, dia izay any Bety-Sana mbamin’ny vohitra miankina aminy ary izay any amin’ny tany lemaka Jezirela.

Dikateny Iombonana Eto Madagasikara

¹⁶ Hoy kosa ny taranak’i Jôsefa hoe: –Tsy ampy ho anay tokoa ny havoana, kanefa manana kalesy vy ireo Kanahanita rehetra monina ao amin’ny tany lemaka, na izay any Bety-Seana sy amin’ireo tanàna kely miankina aminy na izay any amin’ny lohasahan’i Jizrehela.

Baiboly Katolika

¹⁶ Fa hoy ny taranak’i Josefa: «Ny tendrombohitra dia tsy omby anay, nefa samy manan-kalesy vy avokoa ao amin’ny Kananeanina rehetra monina amin’ny tany lemaka, na ireo any Bety-Sàna sy ny tanàna momba azy, na ireo amin’ny lohasahan’i Jezraela.»

Baiboly Protestanta Malagasy

¹⁶ Dia hoy ny taranak’i Josefa: Tsy ampy ho anay ny tany havoana; ary manana kalesy vy ny Kananita rehetra, izay monina any amin’ny tany lemaka, dia izay any Beti-sana sy ny zana-bohiny ary izay any amin’ny tany lemaka Jezirela.

Malagasy Bible

¹⁶ Dia hoy ny taranak'i Josefa: Tsy ampy ho anay ny tany havoana; ary manana kalesy vy ny Kananita rehetra, izay monina any amin'ny tany lemaka, dia izay any Beti-sana sy ny zana-bohiny ary izay any amin'ny tany lemaka Jezirela.

La Bible en Malgache

¹⁶ Ary hoy ny taranak’i Josefa: Tsy ampy ho anay ny havoana; sady manana kalesy vy fitondra miady ny Kananita rehetra izay monina any amin’ny tany lemaka, dia izay any Bety-Sana mbamin’ny vohitra miankina aminy ary izay any amin’ny tany lemaka Jezirela.

Josoa 17:16 Rohy Ifampitohizana

1Mpanjaka 18:45

Fa raha nihamaintin-drahona ny lanitra sady nandrivotra be ny andro ary nilatsaka ny orambe, i Ahaba kosa nitaingina ny kalesiny ka lasa nankany Jizrehela.

1Mpanjaka 18:46

Fa nombàn’ny herin’ny TOMPO i Elià, koa namatotra fehikibo izy ary lasa nihazakazaka teo alohan’ny kalesin’i Ahaba mandra-pahatongany teo am-bavahadin’i Jizrehela.

1Mpanjaka 21:1

Taorian’izany dia izao no nitranga: nisy lehilahy natao hoe Nabôta tao Jizrehela, izay nanana tanimboaloboka teo akaikin’ny lapan’i Ahaba mpanjakan’i Samaria.

1Mpanjaka 21:23

Niteny momba an’i Jezebela koa ny TOMPO ka nanao hoe: «Ary i Jezebela dia hohanin’ny alika eo akaikin’ny mandan’i Jizrehela.»

1Mpanjaka 4:12

i Bahanà zanakalahin’i Ahiloda no nisahana an’i Tahanàka sy i Megidao ary ny faritr’i Bety-Seàna manontolo (ny faritr’i Bety-Seàna dia mihazo anilan’i Tsaretàna eo ambanin’i Jizrehela ary mipaka any Bety-Seàna sy Abela Mehôlà ka hatrany ankoatran’i Jôknehama);

2Mpanjaka 9:10

Fa i Jezebela kosa tsy hisy handevina, satria hohanin’ny alika ao amin’ny sahan’i Jizrehela ny fatiny.» Rehefa avy nilaza izany ilay tovolahy mpaminany, dia namoha ny varavarana ka lasa nandositra.

2Mpanjaka 9:37

Ary ny fatiny kosa haely amin’ity saha ity toy ny zezika aparitaka amin’ny tany, ka tsy hisy afaka hilaza hoe i Jezebela iny.»

Jeremia 49:2

Ka hoy ny teny hentitry ny TOMPO: «Indro avy ny andro hampandrenesako akoran’ady ao Rabà, renivohitry ny Hamônita. Dia ho tonga tanàna aolo sy rava izy ary ireo tanàna miankina aminy ho kilan’ny afo ka ho lasan’i Israely indray, hoy Aho, ny fananana efa azy fahiny.»

Josoa 15:56

i Jizrehela, i Jôkdehama, i Zanôà,

Josoa 17:11

Tao amin’ny faritanin’i Jisakara sy i Asera dia nahazoan’ny fokon’i Manase an’ireto tanàna ireto: i Bety-Seana sy i Iblehama mbamin’ireo tanàna kely miankina aminy; i Dôra sy i Haîna-Dôra ary i Tahenàka sy i Megidao mbamin’ny mponina ao aminy avy sy ny tanàna kely samy miankina aminy, izany hoe ny faritanin’i Dôra.

Josoa 17:15

Dia novalian’i Josoa hoe: –Raha tàhiny vahoaka marobe ianareo ka tery ho anareo ny havoanan’i Efraîma, dia mandehana any amin’ny tanin’ny Perizita sy ny Refaîta ka tevezo ny ala any hipetrahanareo.

Josoa 17:17

Fa hoy i Josoa tamin’ny taranak’i Jôsefa, dia ny fokon’i Efraîma sy ny antsasa-pokon’i Manase tany andrefana: –Vahoaka marobe sady matanjaka tokoa ianareo, ka tsy anjara iray ihany no ho anareo.

Josoa 17:18

Ho anareo koa ny havoana rakotra ala, dia hotevenareo ny ala ka halainareo ny vava ala; fa ho voaroakanareo ny Kanahanita na dia matanjaka sy manana kalesy vy aza ry zareo.

Josoa 19:18

Ka ny velaran-taniny dia mahafaoka an’ireto tanàn-dehibe ireto: i Jizrehela, i Kesolôta, i Sonema,

Mpitsara 1:19

Ny TOMPO mihitsy no efa nomba ny olon’i Joda tamin’izany, ka azony ny faritra be tendrombohitra. Nefa tsy voaroakany ireo mponin’ny tany lemaka, satria nanana kalesy vy ireny.

Mpitsara 4:13

Koa novoriny tao Harôseta-Gôima ny kalesiny vy sivinjato sy ny miaramilany rehetra; dia avy teo izy no nankany amin’ny renirano Kisôna.

Mpitsara 4:3

Nanana kalesy vy sivinjato i Jabîna ary nampahory fatratra ny Israelita nandritra ny roapolo taona; koa niantso vonjy tamin’ny TOMPO ireo.

Mpitsara 6:33

Ny Midianita rehetra mbamin’ny Hamalekita ary ny mpifindrafindra lasy avy any atsinanana dia nivondrona ka niampita an’i Jôrdàna ary nanorina ny tobiny tao amin’ny lemak’i Jizrehela.

1Samoela 29:1

Namory ny miaramilany rehetra tao Afeka ny Filistinina, raha nitoby akaikin’ny loharano iray tao Jizrehèla kosa ny Israelita.